Daniel 11:8 - Bible in Tzeltal de Oxchuc y Tenejapa

⁸ Soc ya me yich'ic bael ta Egipto te bitic cuybil ta diosetic yu'unique, ja' te loc'ombaetic yu'unic pasbilic ta ultesbil oro, soc yantic biluquetic pasbil ta oro soc ta plata. Te c'alal c'axix che'oxeb ja'wil a te ma'yuc guerra yu'unic ta xchebalic te nacionetique,

Bible in Tzeltal Bachajón

⁸ Soc ya me yich'ic bahel ta Egipto te diosetic yu'unic, ha te loc'ombahetic yu'unic te pasbilic ta uhltesbil taquin, soc yantic biluquetic pasticlambil ta oro soc ta plata. Ay ha'bil te ma ba ya ya'be guerra te ajwalil ta norte.

Daniel 11:8 Referans Kwoze

Isaías 37:19

soc la xchic'beyic te diosetic yu'unique. Melel nix a ma diosuc te bitic nax pasbil ta te' o ton te spasoj te winiquetique, jich yu'un la sjinic.

Oseas 13:15

Manchuc me ya x'esmaj jichuc ac te Israele, ya me xtal ic' ta sloq'uib c'aal; te tulanil ic' ya xtal ta jochol taquin q'uinal, ya me staquintes soc ya me stub ja'etic soc te sloq'uibja'etique. Te acontro ya me spojbat bael spisil te bitic ay ta yawil ac'ulejal te t'ujbilique.

Oseas 8:6

Te sloc'omba alal wacax yu'un Samaria, ma Diosuc, pastaj ta sc'ab jtul winic te ya sna' spasele. Wuyultic nax me ya xc'ot ta loq'uel.

Daniel 10:3

Ma ba la jwe' bujts'an we'elil, ma ba la jti' ti'bal, ma ba la cuch' vino, soc ma ba la cac'bey jba perfume te c'ax te oxeb semana.

Jeremías 46:25

Te Cajwaltic te Spisil ya xju' yu'un, te Dios yu'un Israel, ya yal: —Ya cac'bey castigo te Amón, te dios yu'un Tebas ta Egipto, soc te lotil diosetic yu'un, te muc' ajwaliletic yu'un, soc te faraón soc nix te mach'atic smuc'ulinej yo'tane.

Isaías 2:16

ta yilbeyel yo'tan spisil te mach'atic jich scuyoj sbaic te bit'il barcoetic yu'un Tarsis, o jich bit'il t'ujbil barcoetic.

Jueces 18:24

Te Micaía la sjac': —Ja'ex la awich'bonic bael te diosetic cu'un te jpasoje, soc te sacerdote cu'une, xujt' ma'yuc bi la awijq'uitayboniquix. Yacalex me ta jelawel ta c'op te ya ajojc'obonic te bila ya jpase —xi'.

Deuteronomio 12:3

Jinbeyaic te scajtijib smajt'an yu'unique, wuybeyaic te tejc'anbil tonetic pasbil a, chic'beyaic te sloc'omba Asera yacal xch'uunbelique, wuybeyaic te loc'ombaetic te scuyojic ta diosetique. Jc'axel tup'bil ac'a jiluc sbiilic tey ta yawilique.

Números 33:4

ja' yorail a te yacalic ta smuquel sba snich'anic a te egipcioetique. Jich te Cajwaltic la yac' ta ilel te cajal yu'el yu'un te diosetic yu'un Egipto.

Éxodo 12:12

Te ajc'ubal ya cale ya me xc'axon ta spamal Egipto ta yejch'entesel ta lajel sba-nich'aniletic ta juju-jchajp sna te egipcioetic, soc te sba yalatac te xchamsbalamique. Castigo ya xc'ot ta stojolic spisil te diosetic yu'un Egipto. Jo'on Ajwalilon jtuquel te la cale.

Génesis 31:30

Te bit'il ya ac'an te ya sujt'atix bael ta alumal, yu'un ya xbaatix ta sna atat, jichuc, ma'yuc bi ya calbat yu'un. Ja'uc me to, ¿bistuc awu'un te la awelc'anbon tel spisil te cajcanan te ay ta jnae? —xi'.

Daniel 11:9

te muc' ajwalil ta norte ya me xba yac'bey guerra te muc' ajwalil ta sur, pero ya me yich' tenel sujt'el.

2 Samuel 5:21

Te filisteoetic la yijq'uitay jilel te yajcananique. Te David soc te swinictaque la yich'beyic bael.