Daniel 11:4 - Bible in Tzeltal de Oxchuc y Tenejapa

⁴ Pero te c'alal chapalix yu'un a te bay c'alal yu'uninej, ya me yich' jinel, soc ya me yich' pasel ta chansejp. Te yip te muc' ajwalil ma xju' ya xc'ax ta stojol patil alnich'anetic yu'un, soc ma sta jich yip ya xc'ot te bit'il c'ot ta pasel ta neelal toe, melel ya me yich' xatel. Yantic meix mach'atic ya x'ochic ta ajwalil yu'un a te juju-jsejp q'uinale.

Bible in Tzeltal Bachajón

⁴ Pero te c'alal hahchemix a, ya me yich' jimbeyel te ban c'alal scuentahinej soc ya yich' puhquel ta schanchahpal te ic' yu'un te ch'ulchan; ma ba ya x'a'bot te sts'umbal soc ma ba ya stahbe c'ohel yip te bin ut'il te yu'une, como ya me yich' bulel loq'uel, ha ya x'a'bot ta scuenta yantic.

Daniel 11:4 Referans Kwoze

Daniel 8:22

Te chaneb xulub loc' te c'alal c'oc te sbabial xulube, ja' ya yalbey sc'oplal te li' ta nación in to ya xchicnaj chanchajp ajwaliletic, pero ma pajaluc yipic soc te sbabial ajwalile.

Daniel 8:8

Te tat tentsun yantic yilel yac ta yich'el xan yip, pero te bi ora bayal yip a, c'as te jch'ix smuc'ul xulube. Tey ta yawil loc' tel yan chanch'ix xulub, jich baemic sni'il ta jujun ta xchanxujc'ul te q'uinale.

Jeremías 12:17

Ja'uc me to, te nación te ma xch'uunbon jc'ope, ya me jbul loq'uel, soc ya me jin. Jo'on Ajwalilon, jich ya cal —xi'.

Daniel 7:8

“Te c'alal yacon ta yilel a te jayeb xulube, la quil ta yolil, ay loc' xan jch'ix ch'in xulubil. Jich la yich' bulel oxch'ix te xulube, swenta yu'un jich ay yawil te ch'in xulub te patilix loq'ue. Te xulub ay bayal sit, jich sit te bit'il sit ants-winiquetic, ay ye banti ya yal bitic muq'uic sc'oplal.

Daniel 7:2

“La quil ta jwaich ta xchanxujc'ul q'uinal tal ic', te la sjujch'iy soc la yac'bey stij sba te ya'lel muc'ul mar.

Jeremías 18:7

Teme ay bi ora ya calbey sbulel, syalesel ta lum soc sjinel jpam nación,

Jeremías 12:15

C'alal bulbiliquix loq'uel cu'un a, ya jcha'na'bey xan yo'bolil sbaic, soc ya jcha'sujt'es tel ta bay nix sq'uinalic, ja' te bay nix te slumalique.

San Lucas 12:20

Jich albot yu'un te Diose: “Winic, ma x'ana' q'uinal. Ja' in ajc'ubal to ya me jc'anbat ach'ulel. Spisil te bila q'uejbil awu'une, ¿mach'a me ya yich'bat jilel?”, xi' te Diose.

San Mateo 12:25

Jesús la sna' stojol te bila la yaan yo'tanique. Jich caj yalbey yaiyic: —Te mach'atic jtul nax muc' ajwalil ay yu'unique, teme ya xat sbaique soc teme ya xjajch' scontroin sbaique, tey ya sjin sbaic ta spisilic a. Ja' nanix jich uuc te mach'atic jun nax lum ayique, o te mach'atic jun nax na ayique, teme ya xat sbaique ma ba ya xjalajic ta q'uinal yu'un.

Daniel 7:6

“Te yoxebale, pajal yilel soc leopardo-choj, pero ay chaneb xic' ta spat, soc la quil ay chaneb sjol. Te leopardo-choj la yich' ac'beyel yip ta mandalteswanej.

Jeremías 45:4

la spason ta mandal te ya calbat ta atojole: “Ya jin te bila ya jpase, soc ya jbul te bila ya jts'une. Jich ya jpasbey ta spamal balumilal.

Jeremías 31:40

Spisil te xatlejal te bay ya yich' muquel te animaetic soc te bay ya yich' ch'ojel bael te c'ajc'al tane, soc spisil te q'uinal ay ta sba beja' yu'un te Cedrón, ja' to ta bay la spas tel buelta, ta Yochibal Caballoetic, ta stojol sloq'uib c'aal, ac'bilon cu'unin. Soc spisil ma ba ya yich' xan tijel, ni jinel —xi' te Cajwaltique.

Eclesiastés 4:8

Ay jtul winic mero stuquel ay ta q'uinal, ma'yuc mach'a jun yo'tan soc ni snich'nabuc, ni yermanotac. Pero ma xcux yo'tan ni jtebuc, soc te spisil ora ma xcux yo'tan ta smulanel te sc'ulejale, ni ayuc yan bila ay ta yo'tan. Ni yacuc sna' ta yo'tan mach'a yutsil-slequil ya xc'ot te yat'el te ma xcux yo'tan ta spasele, soc ma ba ya snop te bi yu'un te cujch'em yu'un te swocole. Ta spisil mero tojol ta jyalel, soc mero yalal ijc'atsil c'oem.

Salmos 39:6

Spisil ants-winiquetic ya xch'ay c'axel jichuc axinal. Tojol ya yac' swocolic ta stsobel sc'ulejalic, ma ba sna'ojic mach'a ya yich' jilel.

Apocalipsis 7:1

Ta patil la quil chantul ch'ul abatetic. Tey tec'ajtic juju-jtul ta bay xchanjejch'elul te balumilale. Scomojic te chanchajp ic' te ya xbeenic ta balumilale, swenta yu'un xujt' ma xbeen ic' ta sba te lum q'uinale soc ta sba te mare, te jich ma stij sba pejt'uc a te te'etique.

Jeremías 49:36

Ya cac' tel ic' ta stojol te lume, c'alal ta xchanxujc'ul te q'uinale; swenta yu'un ya me spuc bael ta bayuc, ja' to c'alal ma'yuc lum ya xjil ta bay ma'yuquix ya x'och bael ta anel.

Ezequiel 37:9

Te Cajwaltic jich la yalbon xan: —C'opona ta jwenta jo'on te ic' ya yac' cuxlejale, jich xawalbey: “Jich ya yal te Cajwaltique: ‘Ic' te ya awac' cuxlejale, la' ta xchanxujc'ul q'uinal, la', ac'beya xcuxlejal te mach'atic lajemique’, xi' me”, uta me —xi' te Cajwaltique.

Zacarías 2:6

Te Cajwaltic tulan ya yal: —Jo'on te la cac' pujc'anic bael ta xchanxujc'ul te q'uinale. Pero yo'tic, ya calbeyex: Ananic loq'uel ta ora te banti q'uinal ta norte. Colanic loq'uel ta Babilonia, te banti ac'bilex ta nainel te ja'ex te ac'bil awijq'uitayic alumalique, ja'ex te nainemex ta Sión ta nameye. Jo'on, Ajwalilon, jich ya cal —xi'.

Zacarías 6:5

Te ch'ul abat la sjac'bon, jich la yalbon: —Ja' in to, ja' te chaneb iq'uetic ya xloc' ta stojol te Ajwalil yu'un spisil balumilal.