Daniel 11:16 - Bible in Tzeltal de Oxchuc y Tenejapa

¹⁶ Te mach'a ya yochintay te q'uinale, ya me spas te bila ya smulan spasbeyel ta stojolic te mach'atic ya yich'ic tsalel yu'unique. Ma'yuc mach'a ya xju' bi ya x'albot yu'un, ya me x'ain tey ta Lumq'uinal Mero T'ujbil te xi' sbiile. Spisil ya slajin tey a te bitic ya xchicnaj ta stojole.

Bible in Tzeltal Bachajón

¹⁶ Te mach'a tal ta contrahinel ya me spas te bin ya sc'an yo'tan, mayuc mach'a ya xhu' ya stsac sba soc. Ya xhalaj ta t'ujbil q'uinal te ya xlajinot yu'un te yipe.

Daniel 11:16 Referans Kwoze

Daniel 8:9

Pero ay jun te xulub te loc' xan tel yan ch'in xulubil tey a, te mero bayal najt'ub bael ta stojol sur, ta stojol sloq'uib c'aal, ta stojol te Lumq'uinal Mero T'ujbil te xi' sbiile.

Daniel 11:41

Soc ya x'och ta Lumq'uinal Mero T'ujbil te xi' sbiile, soc bayal me mach'atic ya smil. Pero ya xcol stuquelic te yajwal Edom soc te yajwal Moab, soc jteb ma spisiluc te yajwal te jsejp q'uinal Amón sbiile.

Daniel 11:36

“Te muc' ajwalil ta norte ja' me ya spas te bila ya smulane. Mero bayal me te stoybaile, asta ja' toyol ya scuy sba yu'un spisil diosetic, soc ya me yalbey mero ilaybil sba ixta c'opetic ta stojol te mero cuxul Diose. Spisil me lec ya xc'ot yilel te bitic ya spase, ja' to teme ticunbot castigo ta stojol yu'un te Diose. Melel te bila quechel ya spas te Diose, ya nix me spas stuquel a.

Daniel 11:3

Pero ta patil ya me yich' yat'el yan muc' ajwalil te bayal yip ta guerra. Ta scaj te mero bayal te yipe, bayal me mach'atic ya x'och ta sc'ab soc slum-sq'uinalic, soc ja' me ya spas te bila ya smulan spasel stuquele.

Daniel 8:7

Jich la sc'asbey ta xchebal te xulube. Te tat chij jc'axel laj yip, jich ma ba ju' yu'un te ya stsac sba soque. Te tat tentsun la sjip ta lum te tat chij, la spech' ta teq'uel, ma'yuc mach'a ju' te coltayot yu'une.

Daniel 8:4

La quil te chije, la sluch ta xulub ta stojol smalib c'aal, ta norte soc ta sur. Ma'yuc ni jcojt'uc yan chambalam ya xju' ya yac' sba ta stojol, soc te ya xju' ya xcol ta yip te xulube; ja' nax chican yo'tan bila la smulan spasel, soc mero muc' ya yac' sba stuquel.

Daniel 11:45

Ya me xba spas scampamento ta yolilic te mar soc te ch'ul wits yu'un te T'ujbil Lumq'uinal te xi' sbiile. Pero tey ni me ya staix yorail ya xlajix jilel a, ma me ayuc mach'a ya xcoltayotix yu'un.

Jeremías 3:19

“Israel, la jnop quic'belat jich bit'il jnich'an soc te ya cac'bat aq'uinalin te ay ta mulanele, ja' te lumq'uinal te mero c'ax bayal yutsil yu'un a ta spisil ta spamal balumilal. La cal te “Jtat”, ya awutone, soc te mero ma'yuc bay ya aq'uej aba bael ta jtojole.

Isaías 8:8

ya xc'ax bael ta stojol Judá, ya xmucot jilel ta ja', ya me xc'ot c'alal ta snuc' te ja'e. Jich me ya xc'ot te bit'il mut te slich'oj te xiq'ue, ya me snojesbat spisil te aq'uinale, ja'at Emanuel —xi'.

Josué 1:5

Ma'yuc mach'a ya stsalat te jayeb c'aal cuxulate. Jich bit'il la join te Moisés, jich nix ya joinat te ja'ate, ma xquijq'uitayat soc ma ba ya jpijt'esat.

Daniel 5:19

Ta swenta te yip ac'bot yu'un te Diose, ich'ot ta muc' yu'un spisil ants-winiquetic ta spisil lumetic soc nacionetic soc c'opiletic. Ya xtal nijq'uel yu'un xiwel ta yo'tanic ta stojol. Ya xju' ya smil te mach'a ya sc'an ya smile, soc ma ba ya smil te mach'a ma ba ya sc'an ya smile. Ay yantic la yac' toyuc sc'oplal soc ay yantic la yac' pejc'ajuc sc'oplalic.