Daniel 11:12 - Bible in Tzeltal de Oxchuc y Tenejapa

¹² Te bit'il ya yaiy tsalaw, soc te bayal te scontro ju' yu'un smilele, ya me xjajch' stoybail yu'un, pero te yipe ma ba ya xjalaj bayal c'aal.

Bible in Tzeltal Bachajón

¹² Te c'alal tsalbilix yu'un te tsobol soldadohetic, ya stoy sba soc ya smilticlan bayel ta mil, pero ma ba ya xhalaj te yipe.

Daniel 11:12 Referans Kwoze

1 Pedro 5:5

Ja'ex uuc te jch'ielexe: Junuc me awo'tan ch'uunbeyaic smandal te ancianoetic te yich'oj yat'elique. Soc ta apisilic talel c'axel me xach'uunbey aba amandalic. Peq'uel me xawac' abaic, te melel: “Dios scontroinej te mach'atic stoyoj sbaique. Yan te mach'a peq'uel yac'oj sbaique, ya xc'uxtay stuquel”, te xie.

1 Timoteo 3:6

Te mach'a ya x'ac'bot yich' yat'ele ma me ja'uc te mach'a xch'uunbel to te Diose, teme repente ya xcaj stoy sba soc te yat'ele. Teme jiche, pajal me castigo ya yich' soc te pucuje.

Daniel 8:25

Ta swenta sp'ijil yo'tan ta lo'laywanej, ya xju' yu'un tsalaw. Ya me xnoj ta yo'tan toybail, bayal me ya smuquen-mil te mach'atic jun yo'tanic ta stojole. Ya me stoy sc'ab ta stojol te Ajwalil yu'un ajwaliletique. Pero jc'axel me ya xlajinot yu'un stuquel.

Daniel 5:23

Pero ma jichuc la apas. Ja'at te muc' ajwalilate, la alaban te Cajwaltic te ay ta ch'ulchane, melel la aticun ta ich'el tel ta amesa te vasoetic soc te muc'ul tazaetic yu'un templo ta Jerusalén. Ja'at soc te mach'atic ic'bil awu'une la awuch'ic vino a, soc la awalbey yutsil sc'oplal diosetic a te pasbil ta oro, ta plata, ta bronce, ta hierro, ta te' soc ta ton, ja'ic te ma xyilic q'uinal, te ma xyaiyic c'op, soc te ma'yuc bi ya sna'ique. Yan te Dios yich'ojbat ta sc'ab acuxlejal te ja'at te muc' ajwalilate, soc te ja' nax ta swenta stuquel te ay bila ya xju' awu'un spasele, ma ba ya awalbey yutsil sc'oplal stuquel.

Ezequiel 28:17

Ja' la yac'bat atoy aba te at'ujbilale, ja' te axojobil te la yac' ch'ayuc te ap'ijile. Jo'on la jch'ojat coel ta lum; la cac'at ta tse'luyel ta stojol muc' ajwaliletic.

Ezequiel 28:5

Ta scaj te bit'il mero ma'yuc wocol ya awaiy ta swenta te achonbajele, esmajix awu'un te ac'ulejale, pero te ac'ulejale, ja' la yac'batix atoy aba.

Ezequiel 28:2

—Ja'at winic, c'opona te muc' ajwalil yu'un Tiro, jich xawalbey: “Te Cajwaltic jich ya yalbat: ‘Te ja'ate noj toybail ta awo'tan, la acuy aba ta Dios; nacalat ta smuc'ul nactijib diosetic la awaiy, soc joytaybilat yu'un mar. Pero ma diosucat, winicat nax. Ya acuy aba te awich'ojbey sp'ijil yo'tan te Diose.

Proverbios 16:18

Te bila ya xtal ta spat te toyba-o'tanil, ja' te jinele; te bila ya xtal ta spat te toybail, ja' te pejc'anele.

2 Crónicas 32:25

Pero te Ezequías ma ja'uc la sna' te yutsilal te staojixe, ma la yal wocol yu'un, ja' nax noj ta yo'tan toybail. Ja' swentail te Cajwaltic ilin ta stojol soc ta stojol Judá soc Jerusalén.

2 Crónicas 26:16

Te bit'il tulan soc te yat'ele, jajch' ta stoybel sba yu'un, ja' la sta jinel a. Cheb yo'tan c'ot ta stojol te Cajwaltic Dios, melel och bael ta templo yu'un Cajwaltic ta xchiq'uel pom ta scajtijib xchic'jibal te pome.

2 Crónicas 25:19

Te ja'ate yacat ta yalel te jc'axel atsalojix te edometique. Toyem nax q'uinal ya awaiy yu'un, soc ya aleix xan te ya awac' aba ta ich'el ta muc' a. Ja' lec te ya x'ainat ta anae. ¿Bistuc te atuquel nix ya ajajch'es te woclajel ta atojole, soc te ya awac'bey swocol te Judá?” xi'.

2 Reyes 14:10

Puersa ya quich' ta muc' te bit'il la atsalix te edometique. Teme ja' ya atoy aba yu'une, lec ay, toya aba. Pero ja' lec ainan ta ana. ¿Bi yu'un te ja'at nix ya ale te awocole, soc te ya alebey swocol te Judá?” xi' sc'oplal.

Deuteronomio 8:14

ma me xatoy abaic ta stojol Dios yu'un, soc ma me xach'ay ta awo'tanic te Cajwaltic te Dios cu'untic, te la sloq'uesotic tel ta Egipto te banti ayotic ta mozoile.

Daniel 11:11

Te q'uinal la yochintayic te soldadoetic talem ta norte, ya me yac' ilinuc bayal yu'un te muc' ajwalil yu'un sur. Ya me xloc' jajch'el ta yac'beyel guerra te mero bayal soldadoetic, te ja' scontroe. Ya me stsal ta jc'axel.

Daniel 11:13

Te muc' ajwalil yu'un norte, ya xcha'chap xan yan soldadoetic yu'un, c'axem jich yipal te bit'il yan soldadoetic yu'un ta neelal toe. C'alal ya xc'ax bael ja'wil, ya me xcha'bajt' xan yac'bey guerra te sur. Ya me xbajt' soc bayal soldadoetic yu'un, te buen chapalic ta lec yat'ejibic yu'un guerra.