Daniel 11:11 - Bible in Tzeltal de Oxchuc y Tenejapa

¹¹ Te q'uinal la yochintayic te soldadoetic talem ta norte, ya me yac' ilinuc bayal yu'un te muc' ajwalil yu'un sur. Ya me xloc' jajch'el ta yac'beyel guerra te mero bayal soldadoetic, te ja' scontroe. Ya me stsal ta jc'axel.

Bible in Tzeltal Bachajón

¹¹ Ha yu'un te ajwalil ta sur bayel ya x'ilin, ya xloc' tal ya'be guerra te ajwalil ta norte, te ha ya stsob bayel soldadohetic, pero ya stsalotic yu'un te ajwalil ta sur.

Daniel 11:11 Referans Kwoze

Daniel 8:7

Jich la sc'asbey ta xchebal te xulube. Te tat chij jc'axel laj yip, jich ma ba ju' yu'un te ya stsac sba soque. Te tat tentsun la sjip ta lum te tat chij, la spech' ta teq'uel, ma'yuc mach'a ju' te coltayot yu'une.

Daniel 11:5

“Te muc' ajwalil ta stojol sur, mero bayal me yip ya x'at'ej, pero ay me jtul general yu'un te c'ax jich yip ya xc'ot a te bit'il yip te ajwalile. Muc' me q'uinal ya yu'unin bael.

Daniel 11:44

Pero ya me xc'ot c'op ta stojol te ya xtal ta sloq'uib c'aal soc ta norte. C'alal ya xjul ta stojol te c'ope, ya smel yo'tan yu'un, pero ya me xloc' jajch'el soc spisil slab yo'tan ta sjinel soc ta smilel tsobol ta jtul.

Daniel 2:38

la yac'bat awu'unin ta spisil q'uinaletic te ay mach'atic nainemic tey ae, soc te ay chambalametic, mutetic. Ja' stuquel la yac'bat awu'unin spisil, ja'at me sjolat te oroe, muc' ajwalil.

Jeremías 27:6

Lec ay jiche, ta spisil te balumilal jo'on cac'ojbey ta swenta te cabat Nabucodonosor, te muc' ajwalil yu'un Babilonia, asta te ja'mal chambalametic, la cac'bey swenta yu'un ya yabatin.

Salmos 76:10

Te yilimba winic ya xc'atp'uj ta yutsil ac'oplal; manchuc me mero jxujt' te yilimbae ya xc'atp'uj ta acorona.

1 Reyes 20:28

Ja' yorail c'ot jtul j'alwanej yu'un Dios ta stojol te muc' ajwalil yu'un Israel, jich albot: —Jich la yalix te Cajwaltique: “Te siriaetic yalojic te jo'on dioson yu'un witstiquil, te ma diosucon yu'un spamlejtique. Ja' yu'un ya cac'bat ta ac'ab ta spisilic te jich yipal ayique. Jich me ya ana' a te jo'on te Awajwalone”, xi' me te Cajwaltique —xi'.

1 Reyes 20:13

Ja' nix ta yorail a, te jtul j'alwanej yu'un Dios c'ot ta stojol Acab te muc' ajwalil yu'un Israel, jich albot: —Te Cajwaltic jich la yalix: “Manchuc me ya awil te mero bayal te acontro, jo'on me ya cac'bat ta ac'ab yo'tic, swenta yu'un jich me ya ana' a te jo'on te Awajwalone”, xi' me —xi' te j'alwaneje.

Daniel 11:12

Te bit'il ya yaiy tsalaw, soc te bayal te scontro ju' yu'un smilele, ya me xjajch' stoybail yu'un, pero te yipe ma ba ya xjalaj bayal c'aal.

Daniel 11:40

“C'alal ya xc'ot yorail te slajibale, te muc' ajwalil ta sur ya me xba yac'bey guerra te muc' ajwalil ta norte. Pero ya me xloc' tel ta stojol jichuc chawuquil ja'al, spisil me yip ya xbajt' ta stojol te muc' ajwalil ta sur. Ya me snojes spisil q'uinal ta carretaetic yu'un guerra, soldadoetic moemic ta caballo, soc bayal barcoetic.