Daniel 10:9 - Bible in Tzeltal de Oxchuc y Tenejapa

⁹ Te la caiy c'opoje, ma'yuconix ta q'uinal la caiy, pajc'ajon bael ta lum yu'un.

Bible in Tzeltal Bachajón

⁹ C'alal la jca'iybe sc'op, ch'ay q'uinal, hilon ta lum yu'un.

Daniel 10:9 Referans Kwoze

Daniel 8:18

Te c'alal yac sc'oponbelon a, laj quip, t'uxajon ta lum, pero la spicon, la yac' tejc'ajucon,

Job 4:13

Ta ajc'ubal, te c'alal wayalic a te ants-winiquetique, tal waichejel ta jtojol.

Génesis 15:12

Malix c'aal a, och swayel te Abram, c'ub ta lec. Bayal och xiwel ta yo'tan, ja' la xi' te mero pim a bajt' te yijc'al q'uinale.

San Lucas 22:45

Te bit'il laj yo'tan ta sc'oponel te Diose, tejc'aj jajch'el. Tal ta bay te jnopojeletic yu'une. Wayajtiquix yu'un mel-o'tan la sta.

San Lucas 9:32

Te Pedro soc te sjo'taque smasaset nax sitic yu'un swayelic. La swic' sitic yu'un. La yilic te xlemet nax yutsil xojobil te Jesuse soc te cheb winiquetic te sjoinej sba soque.

Cantares 5:2

Wayon, pero ma ba way stuquel te co'tane. La caiy yac ta ic'aw ta ti'nail te mach'a bayal mulanbil cu'une: “Jama te ti'nail, ja'at te bayal ya jmulanate; jch'ielat, mero ach'ix stsumutat cu'un. Te jole ach'em ta ts'ujul. Te ts'ujul ta ajc'ubale, yac ta oc ta stsotsil jol”, xi' la caiy.

Job 33:15

Ay ya sc'oponotic ta ajc'ubal ta jwaichtic, soc ay bila ya yac'botic quiltic ta jsitic te c'alal ya x'och jwayeltic, te c'alal mero c'ubenix jwayeltic ae.

Génesis 2:21

Jich yu'un te Cajwaltic Diose la yac'bey ochuc swayel te Adán, c'ub ta lec te swayele. La sloq'uesbey jch'ix sbaquel smoch, la smacbey te banti la sloq'uesbeye.

Apocalipsis 1:17

Te c'alal la quile, t'uxajon coel ta yacan. Jich c'oon te bit'il animae. Ja'uc me to, la scajanbon swa'el sc'ab ta jol. Jich la yalbon: —Ma me xiwat. Jo'on ayon ta xjajch'ibal soc ta slajibal.

Daniel 10:16

Ora nax ay mach'a chicnaj, pajal soc Nich'anil yilel, c'o spicbon te sti'il quee. Jich la calbey te mach'a ay ta jtojole: —Cajwal, te bila la quil la yac'bon bayal jwocol soc la slajinbon quip ya caiy.

Habacuc 3:16

C'alal la caiy stojol spisil, xiwon yu'un. Jajch' ta nijq'uel te que yu'une, ma ba ipajemonix ta cacan la caiy, spisil jbaq'uetal ch'ay ta jc'axel te yipe. Ja'uc me to, lamal co'tan la jmaliy te bi c'aalil Dios ya yac'bey smel yo'tanic te soldado-j'uts'inwanejetique.