Daniel 10:8 - Bible in Tzeltal de Oxchuc y Tenejapa

⁸ Jtuquel ayon a te ac'boton quil la caiy te bila mero muc' sc'oplale. Mero ch'ay jch'ich'el soc jc'axel laj quip la caiy.

Bible in Tzeltal Bachajón

⁸ Jtuquel hilon ta yilel te nahalsitil te jchahp ta ilel a. Laj quip, sacub jsit quelaw yu'un, mayuc bin hu' cu'un.

Daniel 10:8 Referans Kwoze

Daniel 7:28

“Ja' slajibal ta alel te c'op in to. Jo'on Danielon, bayal bila tal ta jol yu'un, soc mero ch'ay jch'ich'el yu'un, pero ma'yuc mach'a la calbey te c'ope”, xi' te bila ts'ibubil yu'un te Daniele.

Habacuc 3:16

C'alal la caiy stojol spisil, xiwon yu'un. Jajch' ta nijq'uel te que yu'une, ma ba ipajemonix ta cacan la caiy, spisil jbaq'uetal ch'ay ta jc'axel te yipe. Ja'uc me to, lamal co'tan la jmaliy te bi c'aalil Dios ya yac'bey smel yo'tanic te soldado-j'uts'inwanejetique.

Daniel 8:27

Jo'on Danielon, xquechet ta lajel quip la caiy, bayal c'aal la caiy chamel. Patil jajch'on, cha'ochon xan ta spasel te at'el ac'boton yu'un te ajwalil ta nacione. Pero ma ch'ay ta co'tan te bila la quil la caiye, melel ma xc'ot ta co'tan ya caiy.

Apocalipsis 1:17

Te c'alal la quile, t'uxajon coel ta yacan. Jich c'oon te bit'il animae. Ja'uc me to, la scajanbon swa'el sc'ab ta jol. Jich la yalbon: —Ma me xiwat. Jo'on ayon ta xjajch'ibal soc ta slajibal.

San Marcos 9:6

Te Pedro ma la sna' te bila la yal yu'une, melel bayal xiwenic te jnopojeletique.

San Mateo 17:6

Te c'alal la yaiyic stojol te jnopojeletique, bayal xiw yo'tanic yu'un, soc la stinan sbaic coel c'alal ta lum.

2 Corintios 12:7

Te bila ac'boton jna' stojole jelawen nax yutsilal stuquel. Ja'uc me to, swenta yu'un ma me jtoy jba yu'un, jich ac'boton te bila c'ux ta jbaq'uetal te pajal soc muc'ul ch'ix te ts'apal ta jbaq'uetal ya caiye. Ja' yat'ejib Satanás te la yejch'entesone.

Daniel 8:7

Jich la sc'asbey ta xchebal te xulube. Te tat chij jc'axel laj yip, jich ma ba ju' yu'un te ya stsac sba soque. Te tat tentsun la sjip ta lum te tat chij, la spech' ta teq'uel, ma'yuc mach'a ju' te coltayot yu'une.

Génesis 32:31

C'axemix tel ta Peniel a te loc' tel te c'aale, xcoxcon yac ta beel bael.

San Juan 16:32

Ya calbeyex te ya staix yorail soc ja' yorailix in to te ya xpujq'uex bael ta anel ta anaic juju-jtule, soc ya awijq'uitayonic jilel jtuquel. Ja'uc me to, ma jtuqueluc ya xjilon, melel sjoinejon te Jtate.

Éxodo 3:3

Jich la yal ta yo'tan te Moisés: “Jchajp ya quil a. Ya xba quil bi yu'un te ma xc'ajc' te ch'ixe”, xi'.

Daniel 10:16

Ora nax ay mach'a chicnaj, pajal soc Nich'anil yilel, c'o spicbon te sti'il quee. Jich la calbey te mach'a ay ta jtojole: —Cajwal, te bila la quil la yac'bon bayal jwocol soc la slajinbon quip ya caiy.

Daniel 10:17

¿Bit'il ya xju' ya xc'opojon ta atojol te abaton awu'une? Mero jc'axel lajem quip ya caiy, ya xtup'ix quic' ya caiy —xoon.