Daniel 10:16 - Bible in Tzeltal de Oxchuc y Tenejapa

¹⁶ Ora nax ay mach'a chicnaj, pajal soc Nich'anil yilel, c'o spicbon te sti'il quee. Jich la calbey te mach'a ay ta jtojole: —Cajwal, te bila la quil la yac'bon bayal jwocol soc la slajinbon quip ya caiy.

Bible in Tzeltal Bachajón

¹⁶ Pero te mach'a pajal yilel soc snich'an winic la spicbon sti'il que, hich la jam que soc c'opojon, hich la jcalbe te mach'a ay ta jtojol: Tatil, hahch jwocol yu'un te nahalsitil soc mayuc quip ya ca'iy.

Daniel 10:16 Referans Kwoze

Daniel 8:15

Te bi ora yacon ta sna'ulayel a te bila la quil la caiye, yacon ta sna'el bit'il ay sc'oplal, ora nax chicnaj ta jtojol nojq'uetalil, pajal soc winic yilel.

Isaías 6:7

La scusbon ta que, jich la yalbon: —Aiya awaiy stojol, te ac'al la jcusbat ta ati'e. Te bitic ma lecuc apasoje, la yich'ix loq'uesel, jich pasbilatix perdón yu'un a te amule —la yuton.

Jeremías 1:9

Jich yu'un te Cajwaltic la yac' tel sc'ab, la spicbon que soc jich la yalbon:

Daniel 8:27

Jo'on Danielon, xquechet ta lajel quip la caiy, bayal c'aal la caiy chamel. Patil jajch'on, cha'ochon xan ta spasel te at'el ac'boton yu'un te ajwalil ta nacione. Pero ma ch'ay ta co'tan te bila la quil la caiye, melel ma xc'ot ta co'tan ya caiy.

Daniel 8:17

Jich noptsaj tel ta jts'eel. Te jo'one tal xiwel ta co'tan yu'un. La jpajc'an jba coel ta lum, la cac'bey sta lum te jti'bae. Pero jich la yalbon stuquel: —Nich'anil, na'a me bi swentail te bila la awil ya awaiye, melel ja' in to, ja' ya yalbey sc'oplal te slajibal c'aale —xi'.

Daniel 7:28

“Ja' slajibal ta alel te c'op in to. Jo'on Danielon, bayal bila tal ta jol yu'un, soc mero ch'ay jch'ich'el yu'un, pero ma'yuc mach'a la calbey te c'ope”, xi' te bila ts'ibubil yu'un te Daniele.

Daniel 7:15

“Jo'on Danielon, la caiy la yu'uninon te xiwele, melel mero tulan sc'oplal ta co'tan la caiy ta spisil te bitic la quile.

Apocalipsis 1:13

Soc la quil ta yolil te jucch'ix xtuchtijib c'ajc' te ja' pajal yilel soc te Nich'anile. C'alal ta lum te snajt'il c'u' slapoje. Te xchujq'uil xch'ujt'e pasbil ta oro soc chucul c'alal ta yo'tan.

San Juan 20:28

La yal te Tomase: —¡Cajwal cu'un! ¡Dios cu'un! —xi'.

San Lucas 21:15

Melel te jo'one, ya me cac'beyex p'ijil c'op soc ya me cac'beyex te bila ya awalic te ma xju' yu'un sujt'esel te acontroique, soc te ma xju' ta controc'optayel yu'unique.

San Lucas 1:64

C'alal laj yo'tan ta sts'ibuyel, jam sti' ta ora. Jajch' ta c'op ta yalel te bit'il jelawen yutsil te Diose.

Daniel 12:8

La caiy te bila la yale, pero ma xujt'uc la jna'bey swentail. Ja' yu'un la jojc'obey: —Cajwal, ¿bi ya xc'ot ta pasel ta patil yu'un spisil te bitic jchajp xanix sc'oplal ta alel ae?” la cut.

Daniel 9:21

Te c'alal yacon to ta sc'oponel Dios a, te Gabriel, te chicnaj ta jtojol ta neelal to te c'alal ay bila yacon ta yilel la caiye, wil tel ta jtojol te banti ayone. Ja'ix yorail a te ya yich' aq'uel milbil smajt'an Dios yu'un te smalel c'aale,

Ezequiel 33:22

Ajc'ubey te c'ot ta jtojol te winique, te Cajwaltic la scajanbon sc'ab ta jol. Ta sab, te c'alal tal te winique, la yac' c'opojucon, jich ma uma'uconix.

Ezequiel 3:27

Pero teme ay bi ya jc'an ya calbate, ya cac' xc'opojat, jich me ya awalbey ta stojolic: “Jich ya yal te Cajwaltique”, xaat me ta stojolic. Te mach'a ya sc'an ya yaiy stojole, ac'a yaiy; pero te mach'a ma sc'an ya yaiy stojole, ma me xyaiy stojol. Melel mero tulan yo'tan ya yac' sba te lume —xi' te Cajwaltique.

Ezequiel 1:26

Ta sba te bila joyole, ay bila la quil tey a, jich yilel te bit'il jun muc'ul nactijibal pasbil ta t'ujbil yaxal ton. Ta sba te bila pajal soc muc'ul nactijibal yilele, ay mach'a ay tey a, pajal soc winic yilel.

Eclesiastés 1:18

Ta mero melel ya cal, te mach'a snopoj p'ijil c'op, ay me bayal swocol; teme bayal bi ya jna'tique, bayal me jwocoltic yu'un.

Jueces 13:8

Ja' yu'un te Manoa la sc'opon te Cajwaltic, jich la yal: —Ya calbat wocol, Cajwal, te yacuc aticunbon xan tel ta jtojoltic te winic, swenta yu'un ya me yalbotic te bitic ya sc'an jpastic soc te alal ya x'ayine —xi'.

Jueces 6:15

Te Gedeón la sjac' xan: —Ya jc'anbat xan perdón, cajwal. ¿Bit'il ya xba jcoltay te jlumale? Melel te jo'one sts'umbalon te mach'a mero ma'yuc bi ay cu'untic, c'ax jich te bit'il yantic sts'umbalic Manasés, soc jo'on mero xutilon yu'un te mach'atic ayic ta jna —xi'.

Jueces 6:13

Te Gedeón la sjac': —Pasbon perdón, cajwal, te yu'unuc joinejticuc te Cajwaltic, ¿bistuc yac ta c'axel jwocoltic? ¿Banti ay spisil te jchajp at'eliletic yu'un, te la yalbotic sc'oplal te antiguo jme'-jtatique, te la sloq'uesotic tel ta Egipto a? Pero te Cajwaltic la yijq'uitayotiquix jilel, la yac'otiquix ta sc'ab te madianetique —xi'.

Josué 5:14

—Ni ya joinat, ni ya jcontroinat. Ja' nax talon ta jtsobwanej yu'un soldadoetic ta swenta te Cajwaltique —xi' te winique. Jich yu'un te Josué la stinan sba coel c'alal ta lum, la sjojc'obey: —¿Bi mandal ya awalbon, Cajwal, jo'on te awabatone? —xi'.

Éxodo 4:13

Te Moisés la xcha'yalbey xan te Diose: —¡Cajwal! Ya calbat wocol, ja' lec te yacuc aticun bael yan —xi'.

Éxodo 4:10

La yal te Moisés: —¡Cajwal! Ma xju' cu'un c'op ta lec. Jtalel nix tel a c'alal ora to, te bit'il yacat ta c'op ta jtojol te awabatone. Te jujun buelta te ya xc'opojone, wocoltic ya xloc' te jc'ope, ya xchuc sba te caq'ue —xi'.

Daniel 4:19

“Jich te Daniel, te Beltsasar yan sbiile, caj ta snopel soc ta sna'el ta yo'tan, melel xiw yo'tan yu'un te bila tal ta sjole. Pero jo'on te muc' ajwalilone, jich la calbey: ‘Beltsasar, ma me xamel awo'tan yu'un te jwaiche soc te bi swentaile’, la cut. La sjac' te Beltsasar: ‘¡Ay, spisil te bila swentailuc te awaiche, ja' me ac'a c'otuc ta stojol te acontroe!

Daniel 8:18

Te c'alal yac sc'oponbelon a, laj quip, t'uxajon ta lum, pero la spicon, la yac' tejc'ajucon,