Daniel 10:12 - Bible in Tzeltal de Oxchuc y Tenejapa

¹² Jich la yalbon: —Ma xiwat, Daniel, melel ta sbabial c'aal te c'alal jajch'at ta sna'el te awo'tanuc ya ana'bey swentail te bitic chujc'ulic ta na'ele, soc la anop ta awo'tan te ya apejc'an aba ta stojol te Dios awu'une, jich la yaiybat te ac'ope. Ja' yu'un talon jo'on.

Bible in Tzeltal Bachajón

¹² Hich la yalbon: Ma xiwat, Daniel, como c'alal ta shahchibal te la anop ta awo'tan te yac ana'be scuentahil soc te la apehc'an aba ta stojol te Dios awu'un, la ya'iybat te ac'ope. Ha talon yu'un te ac'ope.

Daniel 10:12 Referans Kwoze

Daniel 10:19

Jich la yalbon: —Ma me xiwat, soc ma jc'axeluc tey ya xbajt' awo'tan a. C'uxat ta yo'tan te Diose. Ac'a xan puersa, ayuc me yip awo'tan —xi'. Te c'alal yac sc'oponbelon ae, yac yich'bel jajch'el yip jbaq'uetal, jich la calbey: —Cajwal, c'oponawon, melel la acha'ac'bonix xan quip ya caiy —xoon.

Isaías 58:9

Jich yu'un teme ya awic'one, ya me jac'bat ac'op; teme ya awawtayon ta sc'anel acoltayele, jich me ya calbat: “Li' ayon to”, xoon me. Teme ya awac' xch'ay bael spisil uts'inel, teme ma ba ya awixtac'optay yantic, teme ma xlewanat ta c'op,

San Mateo 28:5

Te ch'ul abate la yalbey te antsetique: —Ma me xiwex. Ya jna' te ja' ya aleic te Jesús te la yich' milel ta cruz.

Isaías 65:24

Ma to bay ya yawtayonic a, te ya jac'bey te sc'opique; ma to bay ya xlaj yo'tanic ta c'op a, te ya caiybeyix stojol sc'opique.

Isaías 41:10

Ma me xiwat, joinejat me; ma me xnijc' awo'tan, melel jo'on te Dioson awu'une. Jo'on ya cac'bat awip, jo'on ya jcoltayat; ja' me jtsacojat ta jc'ab te jtsalwanejone.

Isaías 41:14

Te Cajwaltic tulan ya yalbey sc'oplal: —Israel, te lumat yu'un Jacob, manchuc me ch'in xujt'at, soc teme ma'yuc awipe, ma me xiwat, jo'on ya jcoltayat. Jo'on, te Ch'ul Dioson yu'un Israel, jo'on Jcoltaywanejon awu'un.

Isaías 35:4

Albeyaic te mach'atic xiwen yo'tanique: “Muc'ubuc me awo'tanic, ma me xiwex. Li' ay te Dios awu'un te ya scoltayate, ya me yac'bey castigo te acontrotaque jich bit'il ya sc'an ya x'ac'botique”, utaic me.

San Lucas 24:38

Jesús la yalbey yaiyic: —¿Bi yu'un te ayex ta xiwele? ¿Bistuc te wocol ya xch'uun awo'tanique?

Levítico 16:31

Ja' me te stalel ya xjil ta atojolique: ja' me jun c'aal te tsabil ta atojolic te yorail ya acux awo'tanic, soc tsabil yu'un yorail ya acom awe'elic.

Levítico 16:29

“Ja' in to, ja' me mandalil ta atojolic te stalel aye: ta lajuneb c'aal sjajch'el te sjuquebal u, ja' me sc'aalelal awu'unic te ya acom awe'elic soc ma me xapas awat'elic a; jich me ya spas spisil israeletic soc nix te jyanlumetic nainem ta awolilique.

Apocalipsis 1:17

Te c'alal la quile, t'uxajon coel ta yacan. Jich c'oon te bit'il animae. Ja'uc me to, la scajanbon swa'el sc'ab ta jol. Jich la yalbon: —Ma me xiwat. Jo'on ayon ta xjajch'ibal soc ta slajibal.

Hechos 27:24

Jich la yalbon: “Pablo, ma me xiwat. Puersa ya xc'o atejc'an aba ta stojol te muc' ajwalil César ta Roma, soc ja'at ta awenta te Dios ya yac' cuxinuc uuc spisil te mach'a ajoinej ta barco”, la yuton.

Salmos 69:10

Te c'alal ya x'oc'on soc te ya jcom jwe'el, ya slabanonic yu'un;

San Lucas 2:10

Te ch'ul abate, jich la yal: —Ma xiwex, aiya me awaiyic stojol te lec yach'il c'op ya calbeyexe. Bayal me ya xbujts'naj awo'tanic yu'un soc spisil te lume.

San Lucas 1:30

Albot xan yu'un: —María, ma me xiwat, melel awich'ojix c'uxtayel yu'un te Diose.

San Lucas 1:13

Ja'uc me to, c'opoj te ch'ul abate: —Zacarías, ma me xiwat. Melel la yaiybatix stojol te bit'il la ac'opon te Diose. Te awinam Elisabet ya me x'alaj. In te yale, Juan sbiil ya xc'ot awu'un.

San Marcos 16:6

Ja'uc me to, c'oponotic yu'un: —Ma me xiwex. Yacalex ta sleel te Jesús te Nazarete te la yich' milel ta cruz, ja'uc me to, cha'cuxemix. Ma ba li' ayix to. Ilawilic te banti la yac'beyic te sbaq'uetale.

San Mateo 28:10

Jich la yal te Jesuse: —Ma me xiwex. Baan, albeyaic te quermanotac te bila yach'il c'ot ta pasele, swenta yu'un ya me xbajt'ic ta sq'uinal Galilea. Tey me ya xc'o yilonic a —xi' te Jesuse.

Daniel 10:11

C'opoj, jich la yalbon: —Daniel, te bayal c'uxat ta yo'tan te Diose, aiya awaiy te bila ya calbate. Jajch'an, melel te jo'one ticunbilon tel ta atojol —xi'. Te c'alal laj yo'tan yalbelon a te c'ope, te jo'one yacon ta nijq'uel a la jtejc'an jba.

Números 29:7

“Ta slajunebal c'aal ta sjuquebal u, ay me ch'ul tsoblej awu'unic. Ja' me ya acom awe'elic a, soc ma me ayuc at'el ya apasic.