Daniel 10:11 - Bible in Tzeltal de Oxchuc y Tenejapa

¹¹ C'opoj, jich la yalbon: —Daniel, te bayal c'uxat ta yo'tan te Diose, aiya awaiy te bila ya calbate. Jajch'an, melel te jo'one ticunbilon tel ta atojol —xi'. Te c'alal laj yo'tan yalbelon a te c'ope, te jo'one yacon ta nijq'uel a la jtejc'an jba.

Bible in Tzeltal Bachajón

¹¹ Hich la yalbon: Daniel, te bayel c'uxat ta o'tanil, a'iya awa'iy te bin ya calbat. Hahchan, como ticombilon tal ta atojol, xchi. C'alal hich la yalbon, yacon ta nihquel a la jtehc'an jba.

Daniel 10:11 Referans Kwoze

Hechos 26:16

Ja'uc me to, jajch'an, tejc'ana aba, yu'un ja' swentail te la cac' jba ta ilel awu'une te ja' ya cabatinat ta testigo te bit'il la awilone soc te bila ya cac'bat xan awil ta patile.

San Marcos 16:8

Jich loq'uic tel ta muquenal te antsetique. Bajt'ic ta anel, melel bayal yac ta nijq'uel yo'tanic yu'un xiwel. Ma'yuc mach'a la yalbey yaiy jtuluc, yu'un xiwen te yo'tanique. [

Ezequiel 2:1

Ay la caiy c'op te jich yac ta yalele: —Ja'at winic, tejc'ana aba, yu'un ay bila ya calbat awaiy —xi'.

Hechos 9:6

Te Saulo jajch' ta nijq'uel yu'un xiwel. Jich la yal: —Cajwal, ¿bila ya sc'an awo'tan te ya jpase? —xi'. La yal te Cajwaltique: —Jajch'an, ochan bael ta lum. Tey me ya xc'o awich' alel a te bila ya sc'an ya apase —la yut.

San Juan 21:20

Te Pedro la sujt'es sba yil, ts'acal bael ta spat te jnopojel te bayal c'ux sba ta yo'tan soc te Jesuse, soc ja' nix te mach'a slac'oj sba ta we'el soc a te la sjojc'obey: “Cajwal, mach'a a te ya yac'at ta c'abale”, te xie.

San Juan 13:23

Ay jtul jnopojel yu'un te Jesús te bayal c'ux sba ta yo'tan soque, te slac'oj sba ta we'el soque.

Daniel 10:19

Jich la yalbon: —Ma me xiwat, soc ma jc'axeluc tey ya xbajt' awo'tan a. C'uxat ta yo'tan te Diose. Ac'a xan puersa, ayuc me yip awo'tan —xi'. Te c'alal yac sc'oponbelon ae, yac yich'bel jajch'el yip jbaq'uetal, jich la calbey: —Cajwal, c'oponawon, melel la acha'ac'bonix xan quip ya caiy —xoon.

Daniel 10:3

Ma ba la jwe' bujts'an we'elil, ma ba la jti' ti'bal, ma ba la cuch' vino, soc ma ba la cac'bey jba perfume te c'ax te oxeb semana.

Salmos 45:11

Melel te muc' ajwalil ya smulanbat te at'ujbilale; ja' yu'unatix, ja' yu'un, ya me ach'uunbey smandal.

Job 37:1

“Te c'alal ya quil te tulan yic'al ja'ale, xt'uxt'on ya xjajch' te co'tane, jich ya caiy te ya xloq'uix te co'tane.

Cantares 7:10

Jo'on yu'unon te mach'a bayal ya jmulane; te yip te yutsil yo'tane ya yic'on ta stojol.

Ezequiel 14:14

Te teyuc nainemic a te Noé, Daniel soc Job ta lumq'uinal in to, ja' nax ya xcolic ta yoxebalic te jichuque, melel toj yo'tan stuquelic. Jo'on Ajwalilon te jich caloje.