Daniel 1:7 - Bible in Tzeltal de Oxchuc y Tenejapa

⁷ Te queremetic jeltaybot sbiilic yu'un te jwentainwanej yu'un j'at'eletic ta palacio yu'un ajwalil: te Daniel, Beltsasar sbiil c'ot; te Ananías, Sadrac sbiil c'ot; te Misael, Mesac sbiil c'ot; te Azarías, Abed-nego sbiil c'ot.

Bible in Tzeltal Bachajón

⁷ Jeltaybot sbihilic yu'un te jtsobaw yu'un te eunucohetic: te Daniel, ha Beltsasar sbihil c'oht; te Ananías, ha Sadrac sbihil c'oht; te Misael, ha Mesac sbihil c'oht; te Azarías, ha Abed-nego sbihil c'oht.

Daniel 1:7 Referans Kwoze

Daniel 5:12

Melel te Daniel, ja' te Beltsasar yan sbiil la yac'bey te anima muc' ajwalile, ya xju' yu'un sna'beyel swentail ta lec te waichile, soc ya xju' yu'un yalbeyel sc'oplal te bila wocol ta na'ele. Ya xju' yu'un stojtesel spisil chujc'ul c'opetic, melel ay bayal sp'ijil yo'tan soc snopjibal yu'un stuquel. Ticuna ta iq'uel te Daniel, muc' ajwalil, ja' me ya yac'bat ana'bey swentail te bila ts'ibubil ta pajq'ue —xi'.

Daniel 4:8

Ta slajibal jul tel ta jtojol uuc te Daniel, te Beltsasar yan sbiil ta swenta yich'el ta muc' te dios cu'une. Te Daniele wentainbil xcuxlejal yu'un te espíritu yu'un te ch'ul Diose. La jcholbey yaiy te jwaiche, jich la calbey:

Daniel 2:49

Ta scaj te c'opoj te Daniel ta stojol muc' ajwalil, yu'un te Sadrac, Mesac, soc te Abed-nego, ac'bot tulan yat'elic ta sejpel ta sq'uinal Babilonia. Te Daniel ja' la sjoin jilel ta banti ay ta at'el te muc' ajwalile.

Daniel 1:3

Soc xan, la spas ta mandal te yabate, te Aspenaz sbiile, te ja' jwentainwanej yu'un te j'at'eletic ta spalacio, jich la yalbey: —Ta yolil te israeletic ya me ale te sts'umbal ajwalil soc te sts'umbal te mach'a lec sc'oplale,

2 Reyes 24:17

Patil te muc' ajwalil yu'un Babilonia la yac' ochel ta muc' ajwalil te Matanías, ja' la sloq'uesbey te snich'jun Joaquín. La sjeltaybey sbiil, Sedequías c'ot yu'un.

2 Reyes 23:34

Soc xan te faraón Necao la yac' ta muc' ajwalil te Eliaquim te snich'an Josías, ja' la yac' ochel ta sjelol te state. La sjeltaybey sbiil, Joacim c'ot yu'un. Te Joacaz la yic' bael ta Egipto, tey c'ot ta lajel a.

Daniel 2:26

Te muc' ajwalile, jich la yalbey te Daniel, ja' te Beltsasar yan sbiil yu'unique: —¿Ya bal xju' awu'un ya awalbon te bila la jwaichine, soc ya bal xju' awu'un sna'el te bila swentail te jwaiche? —la yut.

Génesis 41:45

Te faraón la yac'bey yan sbiil te José: Zafnat-panea xi' ta egipcio-c'op. Soc la yac'bey yinam, ja' te Asenat sbiil te yantsil-nich'an te Potifera, te yich'oj yat'el ta sacerdoteil yu'un lum On. Jich a och ta swenta José spamal sq'uinal Egipto.

Daniel 1:19

Te muc' ajwalil la sc'opon te queremetique, pero ta spisil te queremetic ma'yuc jtuluc yan te pajal soc Daniel, Ananías, Misael, soc Azarías. Ja' yu'un, tey jilic ta abatinel ta stojol a te muc' ajwalile.

Daniel 10:1

Ta yoxebal ja'wil yat'el ta muc' ajwalil yu'un Persia te Ciroe, te Daniel, te Beltsasar yan sbiile, ay bila ac'bot yil ta mero melel, pero chujc'ul ta na'beyel swentail. Te Daniel la yac' yo'tan ta sna'el, jich ju' yu'un sna'beyel swentail te bila ac'bot yile.

Daniel 4:5

Pero ay jun ajc'ubal, te c'alal wayalonix ae, waichejon. Te jwaiche, bayal tal xiwel ta co'tan yu'un. Bayal bila la jnop ta jol, soc ay bila yacon ta yilel la caiy ta co'tan te mero xiweltic sbae.