Daniel 1:4 - Bible in Tzeltal de Oxchuc y Tenejapa

⁴ t'ujbil queremetic te ma'yuc sfaltaic ta sbaq'uetalique, te ay sp'ijil sjolic soc ay sp'ijil yo'tanique, te mero bayal bitic snopojic ta bayuque, soc te chapalic yu'un at'el ta palacio yu'un ajwalil, ya me awic' tel. Ja'ic me ya yich'ic ac'beyel snopic te jc'optic soc te libroetic cu'untic jo'otic te caldeootic —la yut.

Bible in Tzeltal Bachajón

⁴ ha queremetic te mayuc bin jihnem ta sbaq'uetalic, te t'ujbilic, te p'ijubenic ta spisil bintic ay ta nopel, te ya sna'ic bintic ay ta na'el soc lec snopojibal yu'unic, te lec ya xtuhunic ta sna ajwalil. Ya me ya'be snopic te sc'opic soc te hunetic yu'un te caldeohetique.

Daniel 1:4 Referans Kwoze

Daniel 5:11

Li' nix ta banti yacat ta pasaw ta mandal ay jtul winic te wentainbil ta espíritu yu'un te ch'ul Diose. Te c'alal ja' ay ta muc' ajwalil a te atate, te winic ya calbate la yac' ta ilel sp'ijil sjol, buen lec snopjibal yu'un soc buen lec sp'ijil yo'tan jichuc diosetic. Ja' yu'un te atate, te muc' ajwalil Nabucodonosor, la yac'bey yat'el te winique ta swentainel te mach'atic ay sp'ijilic, soc te mach'atic ya sna'ic syoljoltayel, soc te mach'atic spisil ay bila sna'ojic, soc te mach'atic snopojic bitic ayic ta ch'ulchan ta spamal nación.

Hechos 7:22

Soc la yich' p'ijubtesel ta lec te Moisese. Spisil la snopbey sp'ijil yo'tanic te egiptoetique. Ay bayal yip te sc'ope soc te yat'ele.

Proverbios 22:29

Te mach'a ya spas ta lec te yat'ele, ya me x'ic'ot ta at'el ta stojol muc' ajwaliletic; ma ja'uc ya x'at'ej ta stojol te mach'atic peq'uelique.

2 Samuel 14:25

Ta spisil Israel ma'yuc yan winic pajal st'ujbilal soc te Absalón, soc buen mulanbil yu'unic. Ta yoc c'alal ta sjol, ma'yuc falta yu'un.

Daniel 2:10

La sjaq'uic te mach'atic bayal bila sna'ojique, jich la yalic: —Ma'yuc mach'a ay ta balumilal te ya xju' ya yac'bat sujt'ib te bila ya ajojc'oe, muc' ajwalil cu'untic. Soc ma'yuc ni jtuluc muc' ajwalil te ya sc'an te bi ya ac'ane, ma'yuc, manchuc me mero muc' o mero bayal yip.

Hechos 7:20

Te c'alal jich yac ta pasele, jich yorail ayin uuc te Moisés te lec yo'tan Dios yu'une. Te sme'-state, la xch'ijtes oxeb u ta sna.

Daniel 5:7

Ora jajch' ta aw, ja' la yic' tel te mach'atic ay bila ya sna'ic syoljoltayele soc te mach'atic bayal bila sna'ojic, soc te mach'atic ay bila sna'ojic ta swenta c'aal, u, eq'uetic te ayic ta Babilonia, jich la yalbey: —Te mach'a ya sna' yilel te bila ts'ibubil ta pajq'ue, soc teme ya yalbon caiy te bila ya sc'an ya yale, ya me yich' ac'beyel slap púrpura c'u'il soc ya yich' ac'beyel yuan ta snuc' cadena pasbil ta oro, ja' me ya xc'ot ta yoxebal ajwalil ta banti yacon ta mandalteswaneje —xi'.

Daniel 4:7

Tal spisilic te j'ac'-chameletic, soc te mach'atic ya sna'ic syoljoltayele, soc te mach'atic bayal bila sna'ojique, soc te mach'atic ay bila sna'ojic ta swenta te c'aal, u, eq'uetic. C'alal julic ta jtojol, la calbey yaiyic te jwaiche, pero ma ba ju' yu'unic sna'el, jich ma ba la yalbonic caiy te bila swentaile.

Eclesiastés 7:19

Te mach'a ay sp'ijile, ya x'ac'bot bayal yip yu'un te p'ijil-o'tanile. Ma ja'uc bayal yip ya xc'ot yu'un jpam lum, teme ay lajuntul te ajwaliletic yu'une.

Jueces 8:18

La sjojc'obey te Zeba soc Zalmuna: —¿Bi yilelic te winiquetic la amilic ta Tabor ja'ex? —la yut. La sjaq'uic: —Jich yilelic te bit'ilat. Ta juju-jtul pajal soc yilel te snich'nab ajwalile —xiic.

Efesios 5:27

Swenta yu'un jich ay bayal yutsilal te jch'uunjeletic te ya stejc'an ta stojole. Ma'yuc bay ts'ilajem soc ma'yuc bay boloben, soc xujt' ma'yuc chican te bila ma lecuque. Jich ch'ultesbil ya xc'ot, soc ma'yuc te smule.

Daniel 3:8

Pero ay caldeoetic tey ayic a. La slebeyic smul ta stojol muc' ajwalil Nabucodonosor te judioetique,

Daniel 2:2

Jich la sticun ta iq'uel te mach'atic ay sp'ijilic, soc te mach'atic ya sna'ic syoljoltayel, soc j'ac'-chameletic, soc te mach'atic bayal bitic ya sna'ique, swenta yu'un ya me x'albot yu'un te bila swentail te swaiche. Te mach'atic c'otic ta iq'uel tele, c'o stejc'an sbaic ta stojol te muc' ajwalile.

Isaías 36:11

Te Eliaquim, Sebná soc te Joa la sjac'beyic sc'op te asiria-winic te ay yat'ele: —Wocoluc, c'oponawotic ta arameo-c'op, yu'un jo'otic ja' ya caiytic stojol te arameo-c'ope. Ma xac'oponotic ta hebreo, melel spisil winiquetic ta sba ts'ajc' yacalic ta yaiyel stojol —xiic.

Jeremías 5:15

Te Cajwaltic ya yalbey xan sc'oplal: —Israel, ya me quic' tel yajwal lum te c'ubul ay, te ya scontroinat te ja'ate, ja' te jpam lum te tulan ta jyalel soc te mero namey q'uinale. Te ja'ate ma x'ana'bey te sc'ope, ma x'awaiy stojol te bila ya yalique.

Daniel 9:1

Te Darío snich'an Asuero, te sts'umbal medoetique, och ta muc' ajwalil ta mandalteswanej ta sq'uinal caldeoetic.

Zacarías 2:4

jich albot yu'un: —Baan ta animal, baan albeya te querem yich'oj ch'ajan swenta sp'isjibal: “Te Jerusalén ya xcha'och xan yajwal. Mero bayal me te yajwal soc bayal me xchamsbalam, te ma xju' ya yich' aq'uel sjoyob ts'ajc'ule.

Génesis 41:46

Lajuneb xcha'winic (30) ya'wilal a te José te c'alal ic'ot ta stojol faraón. Te José la spatbey jilel yo'tan te faraón, la yoclin spamal sq'uinal Egipto.