Daniel 1:20 - Bible in Tzeltal de Oxchuc y Tenejapa

²⁰ Ta spisil te bitic ya sc'an p'ijil-o'tanil, soc ya sc'an lec snopjibale, ja'ic te jojc'obotic yu'un te muc' ajwalile. Te muc' ajwalile, lajuneb buelta toyem sp'ijilic la stabey a, te bit'il mach'atic ay sp'ijilic soc te ay bila ya sna'ic syoljoltayel ta banti ay ta ajwalile.

Bible in Tzeltal Bachajón

²⁰ Ta spisil te sc'oblal p'ijil-o'tanil soc te bintic ay ta na'el te joc'obotic yu'un te ajwalil, la sta te lajuneb buelta tohyem sp'ijilic a te bin ut'il spisil te jpas-señahiletic soc te jna'ojeletic te ayic ta ban c'alal scuentahinej te ajwalile.

Daniel 1:20 Referans Kwoze

Éxodo 8:19

Jich yu'un te p'ijil winiquetic la yalbeyic te faraón: —Ja' in to ja' ta swenta yu'el sc'ab te Diose —la yutic. Te faraón cha'tulanaj te yo'tane, mero ma la yich'bey ta muc' sc'opic, jich bit'il yalojbey sc'oplal te Cajwaltique.

Isaías 19:3

Ya me cac'bey xch'ay q'uinal yaiyic, ya cac'bey xch'ay te bila chapal yu'unique. Jich yu'un ya xba sjojc'obeyic te yajcananic, soc te mach'atic ayic ta abatinel yu'un te pucuje; ya xba sjojc'obey xch'ulelic te animaetic, soc te mach'atic ay bila ya sna'ic syoljoltayel ta sc'opique.

Job 19:3

Bayal buelta ya awuts'inonic ta c'op; ¿yu'un bal ma ba ya xq'uexawex yu'un te jich ya apasbonique?

Nehemías 4:12

Pero te judioetic te nopol ay snaic soque, la yaiyic. Ja' yu'un la yalbotic che'oxeb buelta te ya sc'anic ya yac'botic guerra ta bayuc te winiquetic in to.

Números 14:22

Jich yu'un te jo'on ya cal te ma jtuluc te mach'atic yilojbonic yutsilal jxojobil, soc te jchajp señailetic la jpas ta Egipto soc ta jochol taquin q'uinal, te ja' nax la spason ta prueba yilic bayal buelta ta jochol taquin q'uinal, te yu'un ma sc'an xch'uunbonic te jmandale,

Éxodo 8:7

Te p'ijil winiquetic te ay bila ya xju' yu'unic spasele, jich la spasic uuc. Ay ju' yu'unic sloq'uesel tel ta ja' ta sba lumq'uinal yu'un Egipto te xch'uch'etic.

Éxodo 7:22

Te p'ijil winiquetic ta Egipto te ay bila ya xju' yu'unic spasele, jich la spasic uuc. Jich tulanaj xan yo'tan ta lec te faraón, ma la yich'beyix ta muc' sc'opic te Moisés soc te Aarón, jich nix te bit'il yalojbey sc'oplal te Cajwaltique.

Génesis 41:8

Ja'uc me to, te c'alal sacub q'uinal, bayal la smel yo'tan yu'un te swaiche. La sticun ta iq'uel spisilic te mach'atic ay bila ya sna'ic yalel soc te mach'atic ay sp'ijilic ta spamal Egipto. La xcholbey yaiyic bit'il ay te swaiche; ja'uc me to, ma'yuc mach'a la sna'bey swentail.

Génesis 31:7

Ja'uc me to, bayal slo'layejon, c'ax bayal buelta la sujt'es sc'op, pero te Diose ma la yac'on ta uts'inel yu'un.

Daniel 5:17

Jich la yal te Daniel: —Te majt'aniletic ya awale, ich'a jilel muc' ajwalil, ac'beya ta swenta yan. Pero ya calbat te bila ya yal te c'opetic ts'ibubil ta pajq'ue.

Daniel 2:21

Ja' ya sjelbey sc'aalelal, soc yajtalul. Ya xju' yu'un ya sloq'ues ajwaliletic, soc ya yac' ochel ajwaliletic. Ya xju' ya yac'bey sp'ijil yo'tan te mach'a ay sp'ijile; ya xju' ya yac'bey snopjibal yu'un te mach'a ay bila sna'oje.

Daniel 2:13

Te c'alal pujq'uemix ta alel a te mandale, la sticunic ta leel te Daniel soc te sjo'taque, swenta yu'un ya yich'ic milel uuc.

Salmos 119:99

C'axem jich ya jna' a te bit'il ya sna'ic spisil te maestroetic cu'un, melel bayal ya jnop ta co'tan te mandaliletic awu'une.

Ezequiel 28:3

¿C'axem bal jich ap'ijil a jiche te bit'il Danel? ¿Yu'un bal ana'oj spisil bitic muquen ayic jiche?

Daniel 1:17

Ta xchanebalic te queremetique, Dios ac'bot sp'ijil yo'tanic yu'un, soc ac'bot sna'ic ta lec te bit'il ay sc'oplal spisil ta jchajp libroetic soc spisil p'ijililetic. Te Daniel ya sna' yalbeyel sc'oplal spisil ta jchajp waichiletic soc te bitic ya x'ac'bot yil ya yaiye.