Daniel 1:2 - Bible in Tzeltal de Oxchuc y Tenejapa

² Te Cajwaltic ma ba la scoltay te Joacim, jich tsacot yu'un te Nabucodonosor, soc la yac' ochuc ta sc'ab bayal te biluquetic yu'un templo yu'un te Diose. Te Nabucodonosor la yic' bael ta Babilonia te jchuqueletique. Te ch'ul biluquetic la yac' ta yawil sc'ulejal ta templo yu'un te diosetic yu'une.

Bible in Tzeltal Bachajón

² Te Jehová la yac' ta sc'ab Nabucodonosor te Joacim ajwalil yu'un Judá, soc te bintic ya xtuhun ta templo yu'un Dios; la yich'ticlan bahel ta sq'uinal Sinar, ta templo yu'un te dios yu'un, la yac' te biluquetic ta yawil sc'ulejal ta templo yu'un te diosetic yu'une.

Daniel 1:2 Referans Kwoze

2 Crónicas 36:7

Te Nabucodonosor la yich' bael ta Babilonia oliluc sbiluquil te templo yu'un Cajwaltic, c'o yac' ta templo ta Babilonia.

Zacarías 5:11

La sjac'bon, jich la yal: —Ya xba spasbeyic stemplo ta Babilonia. Te c'alal ju'emix a te templo yu'une, ya me yaq'uic tey a, ya me yaq'uic ta yawil ta scajtijib —xi'.

Jueces 4:2

Jich yu'un te Cajwaltic la yac'bey ta sc'ab Jabín, ajwalil-cananeo ay ta lum Hazor. Te mach'a ay ta jtsobwanej ta swenta te soldadoetic yu'un Jabín, Sísara sbiil, nainem ta Haroset-goim.

Jueces 3:8

Ja' ilin Cajwaltic ta stojolic yu'un. Jich la yac'bey ta sc'ab Cusan-risataim te muc' ajwalil ta Mesopotamia. Waxaqueb ja'wil ochic ta abatinel yu'un Cusan-risataim,

Jueces 2:14

Ja' swentail te ilin Cajwaltic ta stojol Israel. Jich la yac' taluc j'eleq'uetic te tal spojbeyic te bitic ay yu'unique. Te scontroic te ayic ta sjoyobal, tsalotic yu'un, xujt' ma ju' yu'unic te ya stsal sbaic soque.

Deuteronomio 32:30

¿Bi yu'un te jtul nax mach'a la yac' anuc jmil ta jtule? ¿Bi swentail te cheb nax la sticun ta anel lajunmil ta jtul? Ja' nax yu'un te Cajwaltic, te ja' Jcanantaywanej yu'unic, la sc'an la yac'bey ta sc'ab yu'un te controe.

Génesis 11:2

Ja'uc me to, loq'uic tel ta stojol sloq'uib c'aal, c'o staic muc'ul spamlej q'uinal ta Sinar, tey c'otic ta nainel a.

Génesis 10:10

Tey mandalaj a ta bay lum Babel, ta Erec, ta Acad soc ta Calne, te ayic ta sq'uinal Sinar.

Habacuc 1:16

Jich yu'un te jtsac-chaye ya squejan sba ta stojol te tsacjibal soc anzuelo yu'une, soc ya yac'bey milbil majt'anil, soc ya xchic'bey pom ta yich'el ta muc'. “Wocol awal”, ya yutic, melel ay swe'elic ta lec yu'un.

Daniel 5:18

“Te Dios mero toyole la yac'bey ta swenta te at'el ta muc' ajwalil te Nabucodonosor, ja' te atate, soc la yac'bey yutsil sc'oplal soc la yac' ta ich'el ta muc'.

Jeremías 51:44

Te Cajwaltic jich ya yal: —Ya me cac'bey castigo te lotil dios Bel ta Babilonia, ya cac'bey xejtay loq'uel te bila sbic'oj c'oeme. Te nacionetic ma xju' ya xbajt'iquix ta stojol; jiniquix ta sjoyobal sts'ajc'ul te Babilonia.

Isaías 11:11

Te c'alal ya sta yoraile, te Cajwaltic ya me yac' ta ilel yan buelta te yu'ele: Ya me stsob xan te mach'atic yu'un te cuxulic to, ya me yic' sujt'el te ayic ta Asiria soc ta Egipto, ta Patros, Etiopía, Elam, Sinar, Hamat soc ta lumetic ta ti'ti'mar.

Esdras 1:7

Te muc' ajwalil Ciro, ta stuquel-o'tan la yac' te biluquetic ya xtuun ta templo yu'un te Cajwaltique. Ja' te la yich' loq'uel ta Jerusalén te Nabucodonosor te la yac' ta templo yu'un te diosetic yu'une.

1 Samuel 5:2

La yich'ic ochel ta templo yu'un Dagón te loc'omba sdiosinejic, la yac'beyic ta sts'eel.

Isaías 42:24

¿Mach'a la yac' permiso te ya yich' tsalel te Israel, te lum yu'un Jacob, soc te ya xba yich' pojbeyel te sbiluque? ¿Ma bal ja'uc la yac' permiso ta melel te Cajwaltique? Melel ja'ic la sle smulic ta stojol Dios, ma la sc'an st'unic bael te be te ac'bot yilic yu'une, ma la xch'uunbeyic te p'ijubtesel yu'une.

2 Reyes 24:1

Te c'alal ay ta muc' ajwalil a te Joacim, te Nabucodonosor muc' ajwalil yu'un Babilonia la yochintay te nacione. Te Joacim la yac' sba ta abatinel yu'un oxeb ja'wil. Patil yanaj yo'tan, la stoy sba ta stojol.

Jeremías 25:1

Ta xchanebal ja'wil yat'el ta ajwalil a te Joacim te snich'an Josías ta Judá, te Cajwaltic la yalbey te Jeremías te sc'oplal spisil lum Judá. Ja' sbabial ja'wil yat'el ta muc' ajwalil a te Nabucodonosor ta Babilonia.

Jeremías 27:16

Jich nix la jtojlin ta c'op te sacerdoteetic soc spisil te lume, jich la calbey: —Ja' la yal Cajwaltic: “Ma x'awich'beyic ta muc' sc'op te j'alwanejetic, te mero smelelil yaiyele, te ora nax ya xcha'sujt' tel ta Babilonia te sbiluquil templo. Te bila ya yalbeyexe, lotil me.

Jeremías 28:3

Ta cheb ja'wil ya jpas te ya sujt' tel ta templo spisil sbiluquil te la yich' bael ta Babilonia te muc' ajwalil Nabucodonosor.

Jeremías 35:11

Ja'uc me to, c'alal och tel ta bay in lumq'uinal to te Nabucodonosor te muc' ajwalil yu'un Babilonia, la jnoptic te tey talotic ta anel ta Jerusalén yu'un te soldado-caldeoetic soc te yu'un siriaetique; jich yu'un nainemotic ta Jerusalén —xiic.

Jeremías 50:2

—Alaic ta bayuc te c'ope, ac'beyaic sna' stojol te nacionetique. Tejc'anbeyaic señail te c'ope; ma me xanaq'uic. Alaic jich bit'il to: “¡Te Babilonia ochix ta c'abal! Te lotil dios Bel la yich'ix tse'luyel; te lotil dios Merodac nojel nax q'uexlal ta stojol. Te loc'ombaetic yu'unic, ja' te diosetic yu'unique, la yich'ic jilel tse'luyel soc nojel q'uexlal ta stojolic”, xaex me.

Daniel 5:13

Jich bajt' ta iq'uel ta stojol muc' ajwalil te Daniel, jojc'obot yu'un: —¿Ja'at bal te Danielate, te ja' ajoy te judioetic ic'otic loq'uel tel ta Judea yu'un te anima muc' ajwalil Nabucodonosor, ja' te jtate?

2 Crónicas 36:5

Te Joacim ay jo'eb xcha'winic (25) ya'wilal te c'alal jajch' ta at'el ta muc' ajwalil, at'ej ta ajwalil ta Jerusalén bulucheb ja'wil. Ja'uc me to, te yat'ele ma lecuc ta sit te Cajwaltic te Dios yu'une.