Daniel 1:19 - Bible in Tzeltal de Oxchuc y Tenejapa

¹⁹ Te muc' ajwalil la sc'opon te queremetique, pero ta spisil te queremetic ma'yuc jtuluc yan te pajal soc Daniel, Ananías, Misael, soc Azarías. Ja' yu'un, tey jilic ta abatinel ta stojol a te muc' ajwalile.

Bible in Tzeltal Bachajón

¹⁹ Te ajwalil la sc'opon te queremetique, pero ta spisil te queremetic mayuc jtuhluc te pajal soc Daniel, Ananías, Misael, soc Azarías. Ha yu'un, tey hilic ta a'batinel ta stojol a te ajwalile.

Daniel 1:19 Referans Kwoze

Daniel 1:5

Te Nabucodonosor, la yal mandal te ja' nix ya x'ac'botic swe' yuch'ic jujun c'aal te swe'el-yuch'el te ajwalil, soc ya me yich'ic p'ijubtesel oxeb ja'wil. Te c'alal ya xc'ax te oxeb ja'wile, chapalic meix yu'un abatinel.

Proverbios 22:29

Te mach'a ya spas ta lec te yat'ele, ya me x'ic'ot ta at'el ta stojol muc' ajwaliletic; ma ja'uc ya x'at'ej ta stojol te mach'atic peq'uelique.

Génesis 41:46

Lajuneb xcha'winic (30) ya'wilal a te José te c'alal ic'ot ta stojol faraón. Te José la spatbey jilel yo'tan te faraón, la yoclin spamal sq'uinal Egipto.

Jeremías 15:19

Jich yu'un te Cajwaltic la sjac'bon jc'op: —Teme ya sujt'at tel ta jtojole, ya jcha'quic'at xan soc ya xju' ya awac' aba ta abatinel cu'un. Teme ya acom aba ta puro c'op, te ja'uc nax ya awal te bila ya sc'an alele, ja'at me ya xc'opojat bael ta jwenta abi. Ja'ic me te ya sc'an sujt'ic tel ta atojole, ma ja'ucat te ya sc'an sujt'at bael ta stojolic.

1 Reyes 17:1

Te j'alwanej yu'un Dios Elías, te talem ta Tisbe te ay ta sq'uinal Galaad, jich la yalbey te Acab: —¡Ya calbat ta jamal ta stojol Cajwaltic Dios yu'un Israel, te yacon ta abatinel yu'une, te ma ba ya xtal ja'al che'oxeb ja'wil baele, soc ni yacuc xyal tel ts'ujul, ja' to teme jo'on ya cale! —la yut.

Daniel 1:6

Ta yolil te queremetic tey ay a te Daniel, Ananías, Misael soc Azarías, te sts'umbal Judá ta spisilic.

Daniel 1:7

Te queremetic jeltaybot sbiilic yu'un te jwentainwanej yu'un j'at'eletic ta palacio yu'un ajwalil: te Daniel, Beltsasar sbiil c'ot; te Ananías, Sadrac sbiil c'ot; te Misael, Mesac sbiil c'ot; te Azarías, Abed-nego sbiil c'ot.

Daniel 1:18

C'alal ts'acaj sc'aalelal te chapal yu'un te muc' ajwalile, ja' te ya xbajt' ta ac'beyel ta stojol te queremetique, te jwentainwanej yu'un j'at'eletic ta spalacio ajwalil ba yac'bey ta stojol.

Daniel 2:13

Te c'alal pujq'uemix ta alel a te mandale, la sticunic ta leel te Daniel soc te sjo'taque, swenta yu'un ya yich'ic milel uuc.

Daniel 3:29

Yo'tic jo'on ya cal mandal, mach'auc a te ya yal amen c'op ta stojol te Dios yu'unic te winiquetic in to, ac'a yich'ic milel ta jyalel. Te snae, jc'axel ac'a yich' busanel ta jinel, ta bayuc lumil talem, bayuc nacionil soc biluc c'opil ya xc'opojic a. Melel, ma'yuc yan dios jich ya xju' yu'un coltaywanej te bit'il te Dios yu'unique —xi'.

Daniel 1:4

t'ujbil queremetic te ma'yuc sfaltaic ta sbaq'uetalique, te ay sp'ijil sjolic soc ay sp'ijil yo'tanique, te mero bayal bitic snopojic ta bayuque, soc te chapalic yu'un at'el ta palacio yu'un ajwalil, ya me awic' tel. Ja'ic me ya yich'ic ac'beyel snopic te jc'optic soc te libroetic cu'untic jo'otic te caldeootic —la yut.