Daniel 1:1 - Bible in Tzeltal de Oxchuc y Tenejapa

¹ Ta yoxebal ja'wil yochel ta muc' ajwalil a te Joacim, ja' te muc' ajwalil yu'un Judá, te Nabucodonosor te muc' ajwalil yu'un Babilonia, c'ot ta Jerusalén. C'alal c'ot la sjoyintayic soc soldadoetic te lume.

Bible in Tzeltal Bachajón

¹ Ta yoxebal ha'bil yochel ta ajwalil a te Joacim ajwalil yu'un Judá, tal ta Jerusalén te Nabucodonosor ajwalil yu'un Babilonia, la sjoytay ta ya'beyel guerra.

Daniel 1:1 Referans Kwoze

2 Reyes 24:13

Patil te Nabucodonosor la sloq'ues spisil tey a te c'ulejalil ta templo yu'un Cajwaltic, soc te ay ta sna te muc' ajwalile. Jich nix te bit'il la yal te Cajwaltic, la stop' spisil te biluquetic pasbilic ta oro yu'un te Salomón muc' ajwalil yu'un Israel ta namey, te la spas te tuun yu'un ta templo.

Isaías 39:7

Ay me ats'umbal ya x'ic'otic bael ta Babilonia, ya me spas ta capón, ya me x'ac'otic ta mosoil ta spalacio te muc' ajwalile”, xi' me te Cajwaltique —xi' te Isaiase.

Jeremías 25:1

Ta xchanebal ja'wil yat'el ta ajwalil a te Joacim te snich'an Josías ta Judá, te Cajwaltic la yalbey te Jeremías te sc'oplal spisil lum Judá. Ja' sbabial ja'wil yat'el ta muc' ajwalil a te Nabucodonosor ta Babilonia.

Jeremías 35:1

Ta yorail te ay ta ajwalil Joacim snich'an Josías te ay ta muc' ajwalil ta Judá, te Cajwaltic la sc'oponon, jich la yalbon:

Jeremías 35:11

Ja'uc me to, c'alal och tel ta bay in lumq'uinal to te Nabucodonosor te muc' ajwalil yu'un Babilonia, la jnoptic te tey talotic ta anel ta Jerusalén yu'un te soldado-caldeoetic soc te yu'un siriaetique; jich yu'un nainemotic ta Jerusalén —xiic.

Jeremías 36:1

Ta xchanebal ja'wil yat'el ta ajwalil a te Joacim snich'an Josías, te muc' ajwalil yu'un Judá, te Cajwaltic la sc'opon Jeremías, jich la yalbey:

Jeremías 45:1

Ta xchanebal ja'wil yat'el ta ajwalil a te Joacim te snich'an Josías, te muc' ajwalil yu'un Judá, te Baruc snich'an Nerías yac ta sts'ibuyel a te bila yac ta yalel te j'alwanej Jeremías. Te Jeremías la yalbey:

Jeremías 50:1

Te sc'oplal yu'un Cajwaltic te Babilonia, te slumal te caldeoetique, te la yalbey ta swenta te j'alwanej Jeremías:

Jeremías 52:12

Ta slajunebal c'aal sjajch'el a te yo'ebal u yu'un te sbalunlajunebal ja'wil yat'el a te Nabucodonosor muc' ajwalil yu'un Babilonia, te Nabuzaradán muc'ul abat yu'un te muc' ajwalile, soc comandante yu'un te jcanantaywanejetic yu'un te muc' ajwalile, c'ot ta Jerusalén.

Jeremías 52:28

Te jayeb te la yic' bael te Nabucodonosor ja' jich yipal in to: ta sjuquebal ja'wil yat'el ta ajwalil a, la yic' loq'uel ta Judá oxmil soc oxeb xcha'winic (3,023);

Daniel 5:13

Jich bajt' ta iq'uel ta stojol muc' ajwalil te Daniel, jojc'obot yu'un: —¿Ja'at bal te Danielate, te ja' ajoy te judioetic ic'otic loq'uel tel ta Judea yu'un te anima muc' ajwalil Nabucodonosor, ja' te jtate?

2 Reyes 23:36

Te Joacim ay jo'eb xcha'winic (25) ya'wilal a te och ta muc' ajwalile. Jalaj bulucheb ja'wil ta muc' ajwalil ta Jerusalén. Te sme'e Zebuda sbiil, yantsil-nich'an Pedaías, Ruma sbiil te slumale.