Cantares 8:1 - Bible in Tzeltal de Oxchuc y Tenejapa

¹ Te ja'ucat nix a te jxilelat te ch'iemat ta xchu' te jme'e. Te jichuque, teme la jtaat ta calle, ya xju' ya jbujts'iyat, ma me ayuc mach'a ya slabanon yu'un.

Bible in Tzeltal Bachajón

¹ ¡Te ha'uc jbanquilat, te la achu'umbe schu' te jnane! C'alal ya jtahat ta calle ya cuhts'uyat, mayuc mach'a ya sp'ajon yu'un.

Cantares 8:1 Referans Kwoze

Gálatas 4:26

Yan te Jerusalén te ay ta ch'ulchane, ja' me'il cu'untic ta jpisiltic te ay ta libre stuquele.

Zacarías 9:9

¡Binuc nax me awo'tan, lum Sión! ¡C'ajinanic swenta yutsil q'uinal awaiyic, yajwal Jerusalén! Te muc' Ajwalil awu'un ya me xtal ta atojol, buen toj yo'tan, soc ju'em yu'un tsalaw stuquel. Pero peq'uel yac'oj sba, cajal ta jcojt' burro, ta yal me' burra.

San Lucas 2:38

Te c'alal yac ta c'op a te Simeone, tal uuc te Anae. La yalbey wocol Dios yu'un te alal Jesús, soc la yalbey sc'oplal ta stojol spisil te mach'atic yacalic ta smaliyel te bit'il ya yich' coltayel ta libre te lum Jerusalene.

Malaquías 3:1

Te Cajwaltic te Spisil ya xju' yu'un ya yal: —Ya me jticun tel j'alwanej cu'un swenta yu'un ya xchajbanbon jbe. Te Ajwalil te yacalex ta sleel te ja'exe, ora me ya x'ochix bael ta templo yu'un. Julelix tel te j'alwanej yu'un te tratoe, ja' te mach'a maliybil awu'unique —xi' te Cajwaltique.

Hageo 2:7

Ya me cac' nijc'uc ta spisilic te nacionetique. Ya me yich'ic tel sc'ulejalic, te templo cu'un ay me bayal yutsil ya xc'ot —xi' te Cajwaltic te Spisil ya xju' yu'une. Soc jich ya yal ta jamal te Cajwaltique:

Isaías 60:14

Te snich'nab te mach'atic la stenex ta uts'inele, ya me xtalic ta bic'tajel ta atojol; soc spisil mach'atic la yilayat ta yo'tanic, ya me xtal squejan sbaic ta awacan. Ya me yalbeyex: “Lum yu'un te Cajwaltique”, xi' me ac'oplal, soc: “Sión yu'un te Ch'ul Dios yu'un Israel”, xiic me.

Isaías 9:6

Melel ayinemix jtul alal cu'untic, Dios la yac'botic jtul nich'anil, ja' te ac'bil yu'el ta mandalteswanej. Ja' me sbiilic ya xc'ot: “Jchajp nax Jtojteswanej”, “Dios te bayal yip”, “Tatil sbajt'el q'uinal”, soc “Ajwalil yu'un lamal q'uinal”.

Isaías 7:14

Jich yu'un, ja' nix me te Cajwaltic te ya yac'beyex awilic señail: Te ach'ixe yic'ojix yal, ya me x'ayin jtul squerem-al, Emanuel, sbiil ya xc'ot yu'un.

1 Timoteo 3:16

Jamal chican te bit'il muc' sc'oplal ta c'axem to xan te bila muquen jch'uunejtique, jich te bit'il ay ta alele: “Dios la yich' sbaq'uetal, chicnaj ta balumilal. Ac'ot ta na'el te toj yo'tan yu'un te Espiritue. Ilot yu'un te ch'ul abatetique. La yich' cholel sc'oplal ta stojol te nacionetique. La yich' ch'uunel ta balumilal. Ic'ot moel ta utsilal”, te xie.

Filipenses 3:3

Yan te jo'otique quich'ojtic te mero circuncisione. Melel ta swenta nax te Espíritu te yacotic ta abatinel yu'un te Diose. Jich bayal sbujts' co'tantic ta swenta te Cristo Jesuse; ma ba ja' ya smuc'ulin co'tantic te bila ya yich' pasel ta jbaq'uetaltique.

Gálatas 6:14

Yan te jo'one, ma'yuc bi yan te toyol q'uinal ya caiy yu'une, ja' nax toyol q'uinal ya caiy yu'un stuquel te scruz te Cajwaltic Jesucristoe. Ja' ta swenta stuquel, te lajemix sc'oplal cu'un te balumilale, soc jich lajemonix ta stojol uuc te balumilale.

1 Corintios 1:28

Soc ja' stsaoj Dios te mach'atic ilaybilic ta balumilale soc te p'ajbilique. Ja' stsaoj te mach'atic ma'yuc sc'oplale, yu'un ya sjin te mach'atic tulan sc'oplale,

San Juan 16:28

Loc'on tel ta stojol te Jtate, talon ta balumilal. Yan buelta ya quijq'uitayix te balumilale, ya sujt'onix bael ta stojol te Jtate —xi' te Jesuse.

San Juan 8:42

Te Jesús jich la yalbey yaiyic: —Te meleluc te ja' atatic te Diose, c'ux ya awaiyonic te jichuque, melel te jo'one talemon ta stojol te Diose te bit'il li' ayon to. Ma jtuquel-o'tanuc te talone. Ja' la sticunon tel te Diose.

San Juan 3:13

“Ma'yuc mach'a moem bael ta ch'ulchan. Ja' nax stuquel te mach'a coem tel ta ch'ulchane, ja' te Nich'anil te talem ta ch'ulchane.

San Juan 1:14

Te C'opile la yich' sbaq'uetal, soc nain ta coliltic. (La quilbeytic te yutsilale, ja' te yutsilal te jip jtul Snich'an te Jtatic Diose). Nojel te yutsil yo'tane soc te bila melele.

San Lucas 18:9

Te Jesús la yalbey yaiyic yan seña-c'op ta stojol te mach'atic scuyoj sbaic te toj yo'tanic ta stojol te Diose, soc te ya yalic te amen yat'elic ta sc'opic te yantique. Jich la yal:

San Lucas 12:8

“Ya calbeyex, spisil mach'a jamal ya yal ta stojol ants-winiquetic te bit'il xch'uunejone, jich uuc te Nich'anile jamal me ya yal ta stojol te ch'ul abatetic yu'un Dios te bit'il ay ta swentae.

San Lucas 10:16

“Te mach'atic ya yaiybeyex stojol te ac'opique, jo'on la yaiybonic stojol jc'op abi. Te mach'atic ya sp'ajexe, jo'on la sp'ajonic abi. Teme ya sp'ajonic te jo'one, ja' ya sp'ajic uuc te Mach'a sticunejon tele —xi' te Jesuse.

San Lucas 9:26

Teme ya xq'uexawex cu'un, soc ya xq'uexawex yu'un te jc'ope, te Nich'anile, ya me xq'uexaw awu'unic uuc te c'alal ya xtal soc yutsilal te State soc te ch'ul abatetique.

Cantares 1:2

Bujts'iyon caiy. Te bujts'iyel awu'un c'axem jich sbujts' a te bit'il vino.

Salmos 51:17

Te majt'aniletic ya sc'an te Diose, ja' te mach'a mero ya smel yo'tan yu'un te smule; Dios cu'un, ma ba ya awilay atuquel te mach'a peq'uel ya yaiy sba soc te ma'yuquix ta q'uinal ya yaiy ta yo'tane.

Cantares 7:13

Te mandrágoraetic ya spuc bael sbujts'. Ta sti'il jnatic, ay spisil ta jchajp sit te'etic te lequic ta lo'ele; ay taquinix soc ay jtulel to nax, te parte cac'ojix yu'un ja'at awu'un te buen mulanbilat cu'une.

Cantares 8:2

Ya xju' ya quic'at bael ta sna jme', ya quic'at ochel tey a, ya x'ochat ta maestro cu'un te jichuque. Ja' ya cac'bat awuch' te buen lequil vino soc te ya'lel te granada cu'un te jichuque.