Cantares 4:8 - Bible in Tzeltal de Oxchuc y Tenejapa

⁸ Joinawon coel ta Líbano, ja'at te mero ya jmulanate; joinawon coel ta Líbano. Mulana te muc'ul spamlej c'alal ta sba te wits Amana, c'alal ta sba wits Senir soc wits Hermón, c'alal ta xch'en te león-chojetic, c'alal ta wits yu'un leopardo-chojetic.

Bible in Tzeltal Bachajón

⁸ Joquinawon cohel ta Líbano, jlecolat, joquinawon cohel ta Líbano. Ilawil c'alal ta sba te wits Amana, c'alal ta sba wits Senir soc Hermón; c'alal ta ch'entiquil yu'un chojetic, c'alal ta wits yu'un c'an bo'olay choj.

Cantares 4:8 Referans Kwoze

Deuteronomio 3:9

(Ja' in wits to, Sirión sbiil yu'unic te sidonetique; te amorreoetic, Senir sbiil yu'unic stuquel.)

Cantares 2:13

Te higuera ayix sit, te jts'usubiltic ya xpujq'uix bael sbujts'. “Jajch'an, ja'at te bayal ya jmulanate; beenan, ya xbootiquix, ja'at te jc'anojate.

Salmos 45:10

Cantsil-nich'an, aiya me awaiy ta lec te bila ya calbate: Ch'aya me ta awo'tan te ame'-atat, ch'aya me ta awo'tan te alumale.

1 Crónicas 5:23

Te olil sts'umbal Manasés nainic tey a ta bay q'uinal te ay bael ta Basán, ja' to c'alal Baal-hermón, Senir soc ta wits Hermón, melel c'axem to xan bayalic ta jyalel.

San Juan 12:26

Teme ay mach'a ya sc'an ya yac' sba ta abat cu'une, ac'a me sts'aclinon bael. Melel te bay ya xc'oon te jo'one, tey me ya xc'ot uuc te cabate. Te mach'a ya yac' sba ta abatinel cu'une, ya me x'ac'bot yich' yutsilal yu'un te Jtate.

Isaías 62:5

Melel jich bit'il jtul querem te ya xnujbin soc te ach'ixe, ja' ni me jich te Diose, ya me yic' yinaminat c'oem. Ya me xcha'yutstesat ta pasel; jich me bin nax awo'tan soc, jich bit'il bin nax yo'tan soc yinam te winique.

Cantares 7:11

La' me, te ja'at te bayal ya jmulanate, ya xbootic ta aquiltic. Ya xc'ax ajc'ubal cu'untic ta yolil nichimaltic yu'un alheña.

Cantares 5:1

Ochonix tel ta nichimaltic cu'un, ja'at jch'ielat, te quinamate. La quich'ix te mirra cu'un soc te perfumeetic cu'une, la jpasix prueba te chab cu'une, la cuch'ix te vino soc te leche cu'une. Ja'ex te jun co'tantique, we'anic soc uch'aic, uch'aic spisil te bi ya ac'anique.

Proverbios 9:6

Ijq'uitayaic te ma x'ana'ic stsajtayel abaique, jich me ya xcuxinex; jich me xbeenex te bit'il mach'atic ay sp'ijil sjole”, la yut.

Salmos 76:4

Dios cu'un, mero bayal awutsilal atuquel; mero c'axem jich smuc'ul awutsilal a te bit'il smuc'ul yutsilal te witsetic sbajt'el q'uinal ayique.

Salmos 76:1

Te Diose na'bil sba ta Judá; te sbiile muc' sc'oplal ta alel ta Israel.

1 Reyes 4:33

La yalbey sc'oplal te'etic soc ja'maletic, la yalbey sc'oplal te cedro te ay ta switsul Líbano soc te ja'mal ya xch'i ta ch'ujt' ts'ajc'. Soc la yalbey sc'oplal te chambalametic ya xbeen ta lum, te chambalametic ay sc'uc'umal, te chambalametic staslajan ta lum, soc te chayetique.

Josué 12:1

Ja'ic te muc' ajwaliletic te la stsalic te israeletic ta stojol sloq'uib c'aal yu'un te muc'ja' Jordán soc te q'uinal la yich'beyique, c'alal ta muc'ja' Arnón, c'alal ta wits Hermón, te ay ta swenta sloq'uib c'aal yu'un te muc'ja' Jordán:

Deuteronomio 3:25

Ya calbat wocol te yacuc awac'on c'axel ta jejch' ja' Jordán, yu'un co'tan xquil te buen lequil q'uinale, ja' te buen t'ujbil witstiquil soc te Líbano”, xoon.

2 Reyes 5:12

¿Ma bal c'axemuc jich yutsil a jiche te muc'ja'etic yu'un Damasco, ja' te Abaná soc Farfar, te bit'il ta spisil te muc'ja'etic yu'un Israel? ¿Yu'un bal ma xju' ya xboon, ya xba jpoc jba tey a swenta yu'un jich ya xlecubon te jichuque? —xi'. Mero ilinem a, jajch' bael tey a.

Salmos 72:16

Ayuc me bayal trigo ta lumq'uinal soc ac'a me esmajuc ta baba wits. Ac'a loc'uc sit jich te bit'il ta Líbano; ac'a loc'uc bayal sit jichuc ja'maltic ta lumq'uinal.

Salmos 89:12

Ja'at la apas te bitic ay ta norte soc te bitic ay ta sur; bin nax yo'tanic ya sc'ajintayat te wits Tabor soc te wits Hermón.

Ezequiel 27:5

Ta spisil te ach'ujte'al la yich' pasel ta c'antajetic ich'bil tel ta wits Senir. Te snajt'il te'el apac'ul la yich' pasel ta cedro talem ta Líbano.