Cantares 4:1 - Bible in Tzeltal de Oxchuc y Tenejapa

¹ Mero buen t'ujbilat, ja'at te bayal ya jmulanate. Mero buen t'ujbilat ya quil. Te asite, pajal soc cheb stsumutetic te ja' nac'bil yu'un te areboso; te stsotsil ajole, pajal soc ch'in tentsunetic te ya xtajinic ta animal ta witstiquil Galaad.

Bible in Tzeltal Bachajón

¹ ¡Buen t'ujbilat, ha'at te c'uxat ta co'tan, mero t'ujbilat! Te asit te macbil yu'un smahquil, hich te bin ut'il stsuhmut. Te stsotsel ajol hich te bin ut'il jchahp tentsunetic te ya xco tal ta witsiltic yu'un Galaad.

Cantares 4:1 Referans Kwoze

Cantares 1:15

Ja'at te buen mulanbilat cu'une, mero buen t'ujbilat ya quil, c'ax t'ujbilat ya quilat. Ta xchebal te asite pajal soc cheb stsumutetic ya quil.

Cantares 6:5

Ma x'awilonix yan buelta, melel la yu'uninbonix co'tan ya caiy te asite. Te stsotsil ajole, pajal soc ch'in tentsunetic te ya xtajinic ta animal ta witstiquil Galaad.

Cantares 6:7

Te jujun mejch' awelaw, pajal soc xet'bil granada te macal ta areboso.

Miqueas 7:14

Cajwal, canantaya te lum awu'une, ja' te chijetic te awu'unineje, te pijt'em stuquelic ta ja'maltique, te joytaybilic yu'un te buen lequil q'uinale. Jich me x'awic'tilay bael ta aquiltic ta Basán soc ta Galaad, jich te bit'il la apas ta nameye.

Cantares 7:5

Te ajol te ay ta sba te abaq'uetale, pajal yilel soc wits Carmelo; púrpura hilera yilel te stsotsil ajole; jtul muc' ajwalil chucul c'oem ta sjalbenal.

Cantares 2:14

“Stsumut cu'un, te ya anac' aba ta muc'ul tontiquile, ta toyol chujc'ul nac'jibaletic, ac'bon quilbat asit-awelaw, ac'bon caiybat ac'op. Mero t'ujbil ya caiy te ya quilate. Ay sbujts' ta aiyel te ac'ope”, xi' ta jtojol.

2 Corintios 3:18

Jich yu'un te jo'otique, lemen xojobil yutsilal Cajwaltic ta jsit quelawtic, jich te bit'il espejo, yu'un ma ba macalix jsitic ta pac'. Jich yanyanotic ta c'atp'ujel ta swenta te pajal quileltic ya xc'ootic soc te yutsilale. Ja' yat'el te Espíritu yu'un te Cajwaltic te ya x'at'ej ta co'tantic.

San Mateo 11:29

Ich'bonic te yugo-te' cu'une. Nopbonic co'tan te melel manso co'tan soc peq'uel cac'oj jba. Jich me ya yich' lewa te awo'tanique.

Ezequiel 16:14

Pujc' ta alel yutsil ac'oplal ta stojol yantic nacionetic ta scaj at'ujbilal, te mero ts'acal yutsil at'ujbilal c'oat yu'un te ach'alil la cac'bate. Jo'on Ajwalilon te jich caloje.

Cantares 2:10

Te mach'a ya jmulane jich la yalbon: “Ja'at te bayal ya jmulanate, jajch'an, ya xbootiquix, ja'at te jc'anojate.

Salmos 45:11

Melel te muc' ajwalil ya smulanbat te at'ujbilale; ja' yu'unatix, ja' yu'un, ya me ach'uunbey smandal.

Números 32:40

Jich yu'un te Moisés la slebey sq'uinal te sts'umbal Maquir ta bay lumq'uinal Galaad tey nainic a.

Números 32:1

Te sts'umbal Rubén soc Gad ay bayal ta jyalel te chambalametic yu'unique. C'alal la yilic te lumq'uinal yu'un te Jazer soc te Galaad te mero lec yu'un yawil te chambalametic,

Jeremías 22:6

Melel te Cajwaltic ja' ya yalbey sc'oplal te palacio yu'un muc' ajwalil ta Judá: —Te ja'ate jich c'oemat ta co'tan te bit'il sq'uinal Galaad, jichat te bit'il ba wits ta Líbano; ja'uc me to, jamal ya cal te ya jc'atp'unat ta jochol taquin q'uinal, ja' te q'uinal te ma'yuc yajwale.