Cantares 2:3 - Bible in Tzeltal de Oxchuc y Tenejapa

³ Te winic bayal ya jmulane, c'ax jich st'ujbilal a te bit'il yantique, pajal soc ste'el manzana ya quil ta yolil ja'mal q'uinal. Mero bayal yutsil co'tan ya jnajc'an jba ta yaxinal. Buen chi' ya caiy te site.

Bible in Tzeltal Bachajón

³ Hich te bin ut'il ste'el manzana ta yohlil te te'etic, hich ay ta yohlil te queremetic te mach'a c'ux ta co'tan. Bayel ya jmulan te ya juhcan jba ta yaxinal, soc buen chi' ya ca'iy te site.

Cantares 2:3 Referans Kwoze

Cantares 8:5

¿Mach'a a te yac ta talel ya quil ta jochol taquin q'uinal, te pacal ta snejq'uel te mach'a bayal smulaneje? Ta ye'tal ste'el manzana la jtijbat awayel; tey ta banti jajch' xc'uxul swocol ta alajel te ame'e; tey ta banti la yayintesate.

Isaías 32:2

Ta juju-jtulic jich bit'il anjibal ya xc'ot yu'un te tulan iq'ue soc te tulan yic'al ja'ale. Jich me c'oemic te bit'il pasbil beja' ta taquin q'uinale, jich bit'il yaxinal muc'ul ton ta jochol taquin q'uinal.

Isaías 25:4

Melel ja' anjibalat yu'un te me'bae, ja' ya xc'opojat yu'un te bitic ya xtuun yu'unic te mach'atic ayic ta wocole, anjibalat yu'un, ta bay tulan yic'al ja'al, axinalat yu'un te toyol sq'uixnal c'aale. Te bitic ya spas te winiquetic te c'ax amen yo'tanique, jich c'oem te bit'il tulan ic' ta yorail invierno,

Hebreos 12:2

Ja' me ya jtojlintic ta ilel te Jesuse te la yac'botiquix quiltic te bit'il ya sc'an ya cac' xch'uunjel co'tantic ta stojol te Diose, soc te ya yac' ju'uc cu'untique. Melel te Jesuse soc sbujts' yo'tan la sts'ic swocol ta milel ta cruz, soc ma'yuc sc'oplal ta yo'tan te sq'uexlal te lajel ta cruz. Yu'un sna'oj stojol teme c'ax swocole, ya me sta bayal sbujts' yo'tan yu'un ta patil, soc la snajc'anix sba ta swa'el smuc'ul nactijib te Diose.

Ezequiel 47:12

Ta xchebal te sti'il te muc'ja'e, ya me xch'i te'etic te ya yac' site. Ma me ayuc bi ora ya xlubaj yabenal, soc spisil me ora ay sit. Ta jujun me u ay sitic, melel ja' yac ta aq'uel ya'lel yu'un te ja' yac ta loq'uel tel ta templo. Te sitique ya me xtuun ta we'elil, te yabenalique ya me xtuun ta poxil —xi'.

Isaías 4:6

swenta yu'un ya me scanantay soc ya me scoltay; ja' ya xtuun yu'un yaxinal sq'uixnal te c'aale, soc ja' yaxib ya xc'ot yu'un te tulan yic'al ja'ale.

Isaías 4:2

Te bi c'aalile, ay bi ya yac' xpulin jajch'el te Cajwaltique, ja' me xch'alil yutsilal te jayeb mach'atic cuxulic ya xjilic ta lum Israel. Te bitic ya yac' te q'uinale, ja' smuc'ul yo'tanic ya yaiy soc ja' yich'el ta muc'.

Cantares 5:16

Te ye, mero buen bujts'an xchi'il. Ta scojt'ol stec'lejal mero t'ujbil soc mulantic sba ta ilel. Antsetic ta Jerusalén, jich me ay stuquel te mach'a mero mulanbil cu'une, jich ay te mach'a mero smulanej te co'tane.

Cantares 4:16

Ic' ta stojol norte, jajch'an. Ic' ta stojol sur, la' li'to. Jujch'iya tel abaic ta stojol nichimaltic cu'un, pucbeyaic bael yic' te perfume yu'une. La' me talan ta nichimaltic awu'un, ja'at te buen mulanbilat cu'une; lo'beya me te sit te buen bujts'ane.

Cantares 2:5

Ac'bon xan yich' yip co'tan, ac'bon xan yip co'tan soc pejchanbil taquin ts'usubetic, mac'linawon ta manzana, melel te jo'one, ya xlajonix ya caiy yu'un te ya jmulanate.

Salmos 91:1

Te mach'a ay ta canantayel yu'un Dios te mero Toyole, te ay ta yaxinal te Mach'a Spisil ya xju' yu'une,

Salmos 89:6

Cajwal, ma'yuc mach'a ay ta ch'ulchan te pajalat soque. Te mach'a ay yu'elique ma spajat te ja'ate.

Salmos 57:1

Na'bon yo'bolil jba, Dios cu'un, na'bon yo'bolil jba, melel ta atojol ya me jle canantayel. Ya jc'an ya jnac' jba ta ye'tal axic' c'oem, ja' to teme c'axix bael a te woclajele.

Salmos 45:2

Ja'at c'axem jich at'ujbilal a te bit'il yantic winiquetique; ma ba wocol ya xloc' t'ujbil c'opetic ta awe. Melel spisil ora yac'ojbat bendición te Diose.

Jueces 9:15

Te ch'ix la yal: “Teme melel te jich ya sc'an awo'tanic te ya x'ochon ta muc' ajwalil awu'unique, apisilic me ya xtal awac' abaic ta caxinal. Yan teme ma jichuc awo'tanic te muc' ajwalilon awu'unique, ya me xloc' tel c'ajc' ta jtojol, ya me slajin te cedroetic te ay ta Líbano”, xi' te ch'ixe —xi' te Jotame.

Cantares 1:16

Buen t'ujbil winicat, buen ya jmulanat ya caiy, mero buen t'ujbilat ya quil. Yaxal ja'mal te jwayibtique.

Cantares 4:13

nichimaltic te banti ay granado te buen bujts'an site; nichimaltic te banti ay alheña-nichim,

Cantares 7:13

Te mandrágoraetic ya spuc bael sbujts'. Ta sti'il jnatic, ay spisil ta jchajp sit te'etic te lequic ta lo'ele; ay taquinix soc ay jtulel to nax, te parte cac'ojix yu'un ja'at awu'un te buen mulanbilat cu'une.

Cantares 8:11

Te Salomón, ay jun sts'usubil ta Baal-hamón. La yac' jilel ta canantayel yu'un jcananetic. Te c'alal la sta yorail ya xloc' te site, ac'bot jmil ta jsejp plata ta juju-jtul.

Cantares 8:12

Te jmil ta jsejp plata, ja'at awu'un, Salomón, jich te jcananetique lajunwinic (200) yu'unic. Yan te jo'one ja' nix ya jcanantay te ts'usubil cu'une.

Joel 1:12

Taquejix te ts'usubile, tojol ch'ay te higueraetique. Taquin a jilic uuc te granadoetic, te palmaetic, soc ste'el manzanaetic, soc ta spisil ste'el te q'uinaletique. Jich ch'ay te yutsil yo'tanic spisil te ants-winiquetique.

Salmos 45:3

Chuca ta ach'ujt' te apuñale, ja'at te ma xiwate; ay axojobil soc ayat ta ich'el ta muc'.