Cantares 1:8 - Bible in Tzeltal de Oxchuc y Tenejapa

⁸ Teme ma ba ana'oj te ja'ate, ja'at te c'axem at'ujbilale, t'una bael te yacan ta spisil te chambalametic. Ac'a ta we'el tey a te ch'in tentsunetic awu'une, tey me ta nopol nailwamal yu'un te jcanan-chijetique.

Bible in Tzeltal Bachajón

⁸ Teme ma ba yac ana', ha'at te c'ax t'ujbilat ta yohlil yantic antsetic, t'una bahel te yoc ta schahpal te chambahlametic, ac'a ta we'el te tut tentsunetic awu'un ta sts'ehl te nahilpaq'uetic yu'un te jcanan-tuminchijetique.

Cantares 1:8 Referans Kwoze

Cantares 6:1

Ja'at te c'axem at'ujbilale, ¿banti bajt' te mach'a bayal amulaneje? ¿Banti wan baem? Ya me joinat bael ta sleel.

Cantares 5:9

¿Bi swentail awu'un te ma pajaluc soc yantic te mach'a mero bayal mulanbil awu'une, ja'at te c'axem at'ujbilale? ¿Bi swentail awu'un te mach'a bayal mulanbil awu'un te ya ac'an te ay bila ya caltic ta jamal ta atojol yu'une?

1 Pedro 3:6

Jich bit'il te Sarae, la xch'uunbey smandal te Abrahame. “Cajwal”, xi' ta stojol. Jich yu'un ja'ex antsetic, yantsil-alex Sara teme lec te bila ya apasique, soc teme ma'yuc bila ya xiw awo'tanic yu'un.

Santiago 5:10

Quermanotac, ja'uc me te ejemplo ta atojolic te la sts'ic swocolic te namey q'uinal j'alwanejetic te c'opojic ta swenta te Cajwaltique.

Santiago 2:21

¿Ma bal ja'uc toj ilot yu'un Dios ta swenta yat'el te jtatic Abrahame te c'alal jun nax yo'tan c'an smil ta scajtijib smajt'an Dios te snich'an Isaaque?

Hebreos 13:7

Juluc me ta awo'tanic te mach'atic ya x'at'ejic ta atojolique, te la xcholbeyex awaiyic te sc'op Diose. Na'aic me te bila lec ju' yu'unic spasele, soc nopbeya yo'tanic te bit'il la yac' xch'uunjel yo'tanique.

Hebreos 6:12

Ma jc'antic te ya xch'ajubexe. Ja' ya jc'antic te ya anopbeyic yo'tan te mach'atic ay xch'uunjel yo'tanique soc te jun yo'tanic yacalic ta smaliyel te bila ya x'ac'bot ta swentaic te yaloj te Diose.

Efesios 5:27

Swenta yu'un jich ay bayal yutsilal te jch'uunjeletic te ya stejc'an ta stojole. Ma'yuc bay ts'ilajem soc ma'yuc bay boloben, soc xujt' ma'yuc chican te bila ma lecuque. Jich ch'ultesbil ya xc'ot, soc ma'yuc te smule.

1 Corintios 11:1

Ja' me xanopic spasel te bila ya jpase, jich te bit'il la jnopbey te bila la spas te Cristoe.

San Juan 21:15

Te c'alal lajix yo'tanic ta we'ele, te Jesús caj yalbey te Simón Pedroe: —Simón, te snich'anat Jonase, ¿c'ax bal jich c'uxon ta awo'tan a te bit'il in yantic to? —xi'. La yal te Pedroe: —C'ux, Cajwal. Ana'oj stojol te c'uxat ta co'tane —xi'. La yal te Jesuse: —Mac'linbon te alal chijetic cu'un jiche —xi'.

Jeremías 6:16

Te Cajwaltic jich ya yalbey te lum yu'une: —Tejc'ana abaic ta bebetic soc ilawilic, jojc'oic te namey biq'uit beetique, ja' te banti lec xan te be; t'unaic bael, tey me ya acux awo'tanic a —xi'. Ja'uc me to jich la yalic: —Ma jc'an jt'untic bael —xiic.

Cantares 4:10

C'ax bujts'an ta aiyel te bujts'iyel awu'un, ja'at te jch'ielat toe, te quinamate. Te bujts'iyel awu'une c'axem jich sbujts' a te bit'il vino; te perfume awu'une, c'axem jich sbujts' a te bit'il yantic bitic bujts'an yiq'ue.

Cantares 4:7

Mero c'ax t'ujbilat ya quil, ja'at nax mulanbilat cu'un, mero t'ujbilat ta awacan c'alal ta ajol. Ma'yuc bila ma t'ujbiluc awu'un.

Cantares 4:1

Mero buen t'ujbilat, ja'at te bayal ya jmulanate. Mero buen t'ujbilat ya quil. Te asite, pajal soc cheb stsumutetic te ja' nac'bil yu'un te areboso; te stsotsil ajole, pajal soc ch'in tentsunetic te ya xtajinic ta animal ta witstiquil Galaad.

Cantares 2:10

Te mach'a ya jmulane jich la yalbon: “Ja'at te bayal ya jmulanate, jajch'an, ya xbootiquix, ja'at te jc'anojate.

Cantares 1:15

Ja'at te buen mulanbilat cu'une, mero buen t'ujbilat ya quil, c'ax t'ujbilat ya quilat. Ta xchebal te asite pajal soc cheb stsumutetic ya quil.

Proverbios 8:34

Bin nax me yutsil te ants-winic te ya yaiybon te jc'ope, soc te spisil ora jujun c'aal ya yilon ta sti' te jnae.

Salmos 45:13

Yac meix ta ochel te yantsil-nich'an ajwalile, buen xch'aloj me sba. Te sc'u'e capal ta jalel soc oro.

Salmos 45:11

Melel te muc' ajwalil ya smulanbat te at'ujbilale; ja' yu'unatix, ja' yu'un, ya me ach'uunbey smandal.

Salmos 16:3

Te yajcananic te ay ta jlumale, bayal yu'el ta sc'opic, jich ya yalic te mach'atic bin nax yo'tanic yu'un.

Santiago 2:25

Ja' nanix jich c'ot uuc te Rahab te jmulawil antse. Ja' toj ilot yu'un Dios yu'un te yat'ele, te la yic' ta sna te jtsajtaywanejetique soc te la slebey te bit'il ya xloq'uic bael ta bay te lume.