Cantares 1:6 - Bible in Tzeltal de Oxchuc y Tenejapa

⁶ Ma me ja'uc ay sc'oplal awu'un te bit'il ijc'one, soc ma me ja'uc ay sc'oplal awu'un te bit'il xchic'ojbon jnujc'ulel te c'aale. Te jbanquiltac ilinic ta jtojol, jich la yac'onic ta scanantayel ts'usubiletic; te jts'usubil c'oem ma ba ju' cu'un scanantayel.

Bible in Tzeltal Bachajón

⁶ Ma me ha'uc xawilon yu'un te ihc'one, como ha la schic'on te c'ahc'ale. Te yalatac te jnan ilinic ta jtojol, la yac'onic ta scanantayel te ts'usubiletic, pero te ts'usubil cu'un ma ba la jcanantay.

Cantares 1:6 Referans Kwoze

Salmos 69:8

Jchajp quilel ya yilonic, ma sna'boniquix jba te mero quermanotaque.

Job 30:30

Ijc'ubenix te jnujc'ulele, ya xtilix yu'un c'ajc' ya caiy te jbaq'uetale.

Gálatas 4:29

Ja' nanix jich ta ora to: Te mach'a ya x'ayin ta swenta ch'ich'-baq'uete, ya yuts'in te mach'a ayin ta swenta te Espiritue.

Hechos 14:22

Te banti c'axique, la yac'bey yip yo'tanic te jnopojeletique, soc la yalbey yaiyic te jc'axel ac'a yac' xch'uunjel yo'tanic. Soc la yalbeyic te puersa me ya xc'ax jwocoltic ta jpisiltic te ya x'ochotic ta banti ay ta ajwalinel te Diose.

San Marcos 4:6

Te c'alal q'uejp te q'uinale taquej yu'un, scaj te ma ba c'uben te yisime.

San Mateo 10:25

Jich te jnopojele tic'uc me ya yaiy a teme pajal ya xc'ot soc te yajmaestroe. Soc jich uuc te mach'a ay ta abate, tic'uc me ya yaiy a teme pajal ya xc'ot soc te yajwale. Teme Beelzebú xi' sc'oplal te jwolwanej yu'un te jwol nae, ¿ja'uc to bal a te mach'atic ay yu'un ta snae?

San Mateo 10:22

Ya me awich'ic p'ajel ta apisilic ta swenta jbiil. Te mach'a ya xcujch' yu'un c'alal ta slajibale, ja' me ya xcol stuquel.

Miqueas 7:6

Melel te nich'aniletic ma lecuc yo'tanic yu'un te sme'-statique. Te ach'ixetic ya stoy sbaic ta stojol te sme'ique. Te alibaletic ya stoy sbaic ta stojol te yalib-me'elique. Te scontro juju-jtul, ja' nix te mach'a ay ta yutil snae.

Lamentaciones 4:8

Yan ta ora to ijc'ubeniquix te yelawique; ma'yuquix mach'a ya sna'bey sba ta calle. Chajalix ta bac, jich bacubenic te bit'il si'.

Jeremías 12:6

Asta te mero awermanotaque, te jun ana soque, ya yac'at ta c'abal, soc ya yawtayat ta ixta c'op ta apat. Ma xawac' smuc'ul awo'tan yu'unic, manchuc teme lec nax sc'op te ya sc'oponate.

Jeremías 8:21

Ya xwoclajon yu'un swocol te jlumale; te mel-o'tan soc te xiwele la yu'uninon ta jyalel.