Cantares 1:5 - Bible in Tzeltal de Oxchuc y Tenejapa

⁵ Antsetic ta Jerusalén, ijc'al antson, pero t'ujbilon; ijc'on jichuc campamento yu'un Cedar, buen t'ujbilon jichuc spac'al snailpac' Salomón.

Bible in Tzeltal Bachajón

⁵ Yantsil-nich'nabex Jerusalén, ihc'al antson, pero t'ujbilon hich te bin ut'il te nahilpaq'uetic yu'un Cedar, hich te bin ut'il spac'al snahilpac' Salomón.

Cantares 1:5 Referans Kwoze

2 Corintios 5:21

Melel te Cristoe ma'yuc smul stuquel. Ja'uc me to, te Diose, ja' la yac'bey ta swenta xcuchel te jmultique, swenta yu'un jich me libre ya xc'ootic yu'un jmultic ta swenta bit'il jun c'oemotiquix soc te Cristoe.

San Lucas 15:22

“Ja'uc me to, te state la yalbey mandal ta ora te abatetic yu'une: “Ich'bonic tel ta ora te lequil c'u'ule. Ac'bonic slap a. Ac'bonic xch'ocow ta sc'ab, soc ac'bonic xanab slap.

Cantares 5:16

Te ye, mero buen bujts'an xchi'il. Ta scojt'ol stec'lejal mero t'ujbil soc mulantic sba ta ilel. Antsetic ta Jerusalén, jich me ay stuquel te mach'a mero mulanbil cu'une, jich ay te mach'a mero smulanej te co'tane.

Cantares 5:8

Antsetic ta Jerusalén, teme la atabonic te mach'a bayal ya jmulane, wocoluc albeyaic te ya xlajonix yu'un te smulanele.

Cantares 2:14

“Stsumut cu'un, te ya anac' aba ta muc'ul tontiquile, ta toyol chujc'ul nac'jibaletic, ac'bon quilbat asit-awelaw, ac'bon caiybat ac'op. Mero t'ujbil ya caiy te ya quilate. Ay sbujts' ta aiyel te ac'ope”, xi' ta jtojol.

Cantares 2:7

Antsetic ta Jerusalén, albonic caiy ta jamal ta swenta te ja'mal chijetic, soc ta swenta te tsajal chijetic ta witstiquile, te ma ba ya atijbeyic swayel te mach'a bayal jmulaneje. Ijq'uitayawotic, ac'a wayucotic ja' to c'alal ya jc'an xjajch'otic.

Salmos 120:5

¡Obol jba ya caiy te nainemon ta Mesec jichuc jyanlum, soc te ayon ta yolil te nailpaq'uetic yu'un Cedar!

Romanos 13:14

Ac'a me jc'u'inbeytic yu'el te Cajwaltic Jesucristoe. Ma me xawac' abaic xan ta spasel te bila ya sc'an te abaq'uetalique.

San Lucas 13:34

“¡Jerusalén, Jerusalén! C'aemat ta smilel te j'alwanejetic yu'un te Diose soc c'aemat ta xch'ojel ta ton te mach'atic ticunbilic ta c'op yu'une. Bayal buelta te c'an jtsobeyex te awal-anich'nabe, jich bit'il ya stsob yalatac ta yanil xic' te me'mute. Ja'uc me to, ma la ac'anic.

San Mateo 22:11

“C'alal och yil yula' te muc' ajwalile, la yil jtul winic tey a te ma ja'uc c'u'ul swenta il-nujbinel te slapoje.

San Mateo 10:25

Jich te jnopojele tic'uc me ya yaiy a teme pajal ya xc'ot soc te yajmaestroe. Soc jich uuc te mach'a ay ta abate, tic'uc me ya yaiy a teme pajal ya xc'ot soc te yajwale. Teme Beelzebú xi' sc'oplal te jwolwanej yu'un te jwol nae, ¿ja'uc to bal a te mach'atic ay yu'un ta snae?

Ezequiel 16:14

Pujc' ta alel yutsil ac'oplal ta stojol yantic nacionetic ta scaj at'ujbilal, te mero ts'acal yutsil at'ujbilal c'oat yu'un te ach'alil la cac'bate. Jo'on Ajwalilon te jich caloje.

Isaías 61:10

¡Bayal me yutsil co'tan ta c'axem to xan yu'un te Cajwale! Mero bin nax co'tan yu'un te Dios cu'une, melel la yac'bonix te jcoltayel yu'une, la yac'onix ta tsalaw. Jichon te bit'il mach'a ya xnujbin te ya yich' scorona; jichon te bit'il ach'ix te ya xnujbinix te ya xch'al sba ta c'anal taq'uinetique.

Isaías 60:7

Spisil te chijetic yu'un Cedar ya me awu'unin; te tat chijetic yu'un Nebaiot, ja'ic me ya xtuun awu'un swenta yu'un ya me awac'bey smajt'anin Cajwaltic ta scajtijib, te buen bujts'anuc majt'anil ya awac'beyique. Te Cajwaltic ya me spas ta buen t'ujbil yutsilal te templo yu'une.

Cantares 6:4

Ja'at cu'unat, bayal jmulanejat, buen t'ujbilat, soc bayal awutsilal. Pajal at'ujbilal soc lum Tirsa, soc lum Jerusalén; ya stsalon jichuc jchajp soldadoetic ayic ta marcha.

Cantares 4:3

Te sti'il awe, buen tsaj, pajal soc tsajal hilera; soc buen t'ujbil ta aiyel ta jchiquin te ac'ope. Te jujun mejch' awelaw pajal soc xet'bil granada te macal ta areboso.

1 Juan 3:1

Awaiy bit'il bayal c'uxotic ta yo'tan te Jtatic Diose, swenta yu'un ja' jbiiltic ya xc'ot te yal-snich'anotic te Diose. Ja' swentail te ma sna'botic jbatic te mach'atic ayic ta swenta te balumilale, te melel ma sna'beyic sba te Diose.

Efesios 5:26

Jich la spas swenta yu'un ya xch'ultes soc ya spoc ta ja' ta swenta te sc'ope.

Gálatas 4:26

Yan te Jerusalén te ay ta ch'ulchane, ja' me'il cu'untic ta jpisiltic te ay ta libre stuquele.

Isaías 53:2

Te Cajwaltic la sc'an yo'tan te jichuc ya xmuc'ub yabat te bit'il unin te' te wocol ya xme'in bael yisim ta bay taquin q'uinal. Ma t'ujbiluc, ma'yuc yutsil, ma'yuc ta mulanel, ni jtebuc;

Cantares 8:4

Antsetic ta Jerusalén, albonic ta jamal teme ma ba ya atijbeyic swayel te mach'a bayal jmulaneje. Ijq'uitayawotic, ac'a wayucotic, ja' to c'alal ya jc'an xjajch'otic.

Cantares 3:10

Te yoyal snaule, yich'oj pasel ta plata; te smajq'uil spat yich'oj pasel ta oro; te nactijibal yu'une, potsbil ta púrpura pac'; te yutile, ch'albil yu'un antsetic ta Jerusalén soc yutsil yo'tanic.

Cantares 3:5

Antsetic ta Jerusalén, albonic caiy ta jamal ta swenta te ja'mal chijetic soc ta swenta te tsajal chijetic ta witstiquil, te ma ba ya atijbeyic swayel te mach'a bayal jmulaneje. Ijq'uitayawotic, ac'a wayucotic ja' to c'alal ya jc'an xjajch'otic.

Salmos 149:4

Melel te Cajwaltic ya smulan te lum yu'un; te mach'atic peq'uelic ya x'ac'otic ta ich'el ta muc' ta swenta tsalaw.

Salmos 90:17

Ac'a c'otuc ta jtojoltic te yutsil yo'tan Cajwaltic, te Dios cu'untique. Staleluc ma xch'ay awu'un te cat'eltic, Cajwal; staleluc ma xch'ay awu'un, Cajwal.

Salmos 45:9

Ta yolil antsetic awu'un, ay yantsil-nich'an muc' ajwaliletic tey a; te antsil-ajwalil nacal ta awa'el yu'un te amuc'ul nactijibe, xch'aloj sba ta buen t'ujbil oro.

Isaías 21:16

Te Cajwaltic la yalbon: —Tey ta jun ja'wil ya xlajix a te smuc'ul yutsil Cedar, jun nax ja'wil jich te bit'il ya yal te jtul jle-at'el te ja' cuxul a te stojole.

Ezequiel 27:21

Te Arabia soc spisil te jwentainwanejetic ta Cedar, ja'ic ajo'tac ta manbajel chonbajel, ya stojbat ta ch'in chijetic, tat chijetic, soc tentsunetic.