Apocalipsis 9:8 - Bible in Tzeltal de Oxchuc y Tenejapa

⁸ Te stsotsil sjole pajal yilel soc stsotsil sjol ants. Te sbaquel yeique pajal yilel soc sbaquel ye te león-chojetique.

Nuevo Testamento Tzeltal de Amatenango

⁸ Te stsotsil sjole jachik tutꞌil stsotsil sjol ants, y te yeike pajal sok ye choj.

Bible in Tzeltal Bachajón

⁸ Te stsotsel sjolic sjel ta stsotsel sjol ants, soc sjel ta sbaquel ye choj te sbaquel yehique.

Apocalipsis 9:8 Referans Kwoze

Joel 1:6

Melel te c'ulubetique, pajal soc soldadoetic te bayal yipique, pajal sbaquel yeic soc león-choj, pajal scolmilloic soc me' león-choj, ja'ic ju' yu'unic yochintayel te lumq'uinal cu'une.

1 Pedro 3:3

Ma me ja'uc awutsilalic te ya ach'al abaic ta ilel ta stojol te ants-winiquetique. Jich bit'il teme c'axem to xan ya ach'al ta tesel te ajolic, soc teme ya awuanic ualiletic te pasbil ta oroe, soc teme ja' nax ya smulan awo'tanic slapel te t'ujbil c'u'ul-pac'al te bayal stojole.

1 Timoteo 2:9

Ja' nanix jich uuc te antsetique, ya jc'an te yich'ojuc swentail te sc'u'-spac' ya slapique. Nujuluc me yo'tanic te ya xch'al sbaique, ma me swentauc toybail. Ma me c'axemuc to xan te ya xch'alic te sjolique, jich te bit'il ya xch'al sbaic ta oro soc perlaetic, soc te ya sman slapic sc'u'-spaq'uic te c'ax toyem stojole.

Isaías 3:24

Te sbujts' perfume ya xc'atp'uj ta stuil; te xchujq'uil ch'ujt'ic, lazo ya xc'ot sjelol; te buen tesbil sjolique, t'axal ya xjil; te c'ax t'ujbil sc'u'ique, ch'ixal pac' ya xc'ot sjelol; te bit'il jelawen yutsil ta ilel te antsetique, ya me yich' marca ta c'ajc'al tan.

Salmos 57:4

Pacalonix ta lum ya caiy, ayonix ta yolil león-chojetic ya caiy, ja' te león-chojetic ya sti'ic ants-winiquetique; te sbaquel yeique pajal soc lanzaetic, pajal soc yat'ejibal t'imalte'etic, te yeique pajal soc ye puñal.

2 Reyes 9:30

Te Jehú bajt' ta Jezreel. C'alal la yaiy te Jezabel, la sbon ta ch'alel ta ijc'al tinta sjoyobal te jujun site, soc la xch'al te sjole. Patil la sjelan loq'uel sjol ta ventana.

Romanos 9:29

Jich bit'il la yal ta neelal to te Isaiase: “Te Cajwaltic te Spisil ya xju' yu'une, te manchuc ayuc jts'umbaltic jilel yu'une, jich pajal c'ootic soc te lum Sodoma soc te lum Gomorra te jichuque”, te xie.