Apocalipsis 9:5 - Bible in Tzeltal de Oxchuc y Tenejapa

⁵ Ja'uc me to, ma ba ac'botic te ya smilic ta jc'axel te ants-winiquetique. Ja' nax ac'bot ta swentaic te ya yac'bey c'axuc swocolic jo'eb u. Te xc'uxul te sti'awique, ja' pajal soc te xc'uxul sti'aw te tseque.

Nuevo Testamento Tzeltal de Amatenango

⁵ Pero ma akꞌtalanbot smilik te gentee, sino ke jaꞌ nax ya xꞌakꞌtalanbot tulan swokolik joꞌeb u. Y te xkꞌuxul te stiꞌawe jaꞌ pajal sok te stiꞌaw tseke.

Bible in Tzeltal Bachajón

⁵ Ma ba a'bot te ya smilic, ha a'bot te ya ya'beyic swocolic ho'eb u; hich sc'uxul te swocolic te bin ut'il ya xti'awan tsec.

Apocalipsis 9:5 Referans Kwoze

Apocalipsis 9:10

Ay sneic jich bit'il sne te tseque te ya xti'awanique. Ac'bot ta swenta sneic yuts'inel jo'eb u te ants-winiquetique.

Job 2:6

Te Cajwaltic jich la yalbey te Satanase: —Lec ay jiche, ya cac'bat ta ac'ab, pero ma awu'unuc stuquel te xcuxlejale —la yut.

Apocalipsis 9:3

Ta bay te ch'aile, loc' tel c'ulubetic tey a te wilic bael ta spamal te balumilale. Ac'bot yipic ta ti'aw jich bit'il ya xti'awanic ta balumilal te tsequetique.

Apocalipsis 13:7

Soc ac'bot permiso te ya spas guerra soc te mach'atic ch'ul lum yu'un te Diose, ja' to teme la stsale. Soc ac'bot yich' yat'el ta stojol spisil ta jchajp sts'umbal te ants-winiquetique soc spisil ta jchajp lum te yanyantic sc'opique soc te yanyantic nacionetique.

Apocalipsis 13:5

Te muc'ul chambalam te xi'bantic sbae, ac'bot permiso te ya yal te bila muc' ya xju' yu'un spasel, soc te ya stoybac'optay te Diose, soc ac'bot yich' yat'el te ya xjalaj ta at'el cheb yoxwinic (42) ue.

Apocalipsis 11:7

Ja'uc me to, c'alal ju'ix yu'unic a te yat'elic ta testigoe, ya me xloc' tel ta xaab te muc'ul chambalam te xi'bantic sbae. Ya me spasic guerra soc ya me stsalotic yu'un, soc jc'axel ya xmilotic yu'un.

San Juan 19:11

Jesús la yalbey: —Ma'yuc awat'el ta jtojol te manchuc yac'ojbat te Diose. Jich yu'un te mach'a la yac'on ta ac'abe, ja' c'ax to xan ay smul stuquel —xi'.

Daniel 7:6

“Te yoxebale, pajal yilel soc leopardo-choj, pero ay chaneb xic' ta spat, soc la quil ay chaneb sjol. Te leopardo-choj la yich' ac'beyel yip ta mandalteswanej.

2 Crónicas 10:11

Teme al la yac'beyex awijc'atsic, c'axem to xan al ya cac'beyex a te jo'one. Teme nujc'ul la smajex a, te jo'one chicote ya jmajex jtuquel a te yich'oj taq'uin ta sni'ile”, uta me —xiic.

2 Crónicas 10:14

Ja' la yal loq'uel te sc'op te queremetic pajal ya'wilal soc, jich la yal: —Teme al ijc'atsil ac'botic yu'un te jtate, c'axem to xan me yalal ya cac'beyex jtuquel a. Teme nujc'ul majotex yu'un a te jtate; ja'uc me to, chicote ya cac'beyex jtuquel a te ay taq'uin ta sni'ile —la yut.

Ezequiel 2:6

Ja'at winic, ma me xtal xiwel ta awo'tan ta stojolic, soc ma me x'axi' te bila ya yalic ta atojole, manchuc me jich ta awo'tan te bit'il sjoyintayejat bayal ch'ixe, manchuc me ayat ta yolil tsequetic ya awaiy. Ma me xiwat yu'un teme ay bila ya yalbate, soc ma me xnijc' awo'tan yu'un teme ya xyanaj sitique, manchuc me mero tulan ya yac' sbaic ta jtojol.