Apocalipsis 9:19 - Bible in Tzeltal de Oxchuc y Tenejapa

¹⁹ Melel te caballoetique ya xlajinwanic ta yeic soc ta sneic. Yu'un te sneique pajal yilel soc te jti'awal chane. Ay sjolic te ya yaiyic uts'inwanej soque.

Nuevo Testamento Tzeltal de Amatenango

¹⁹ Porke te spoder te kaewuetike ay ta stiꞌik y ta sneik. Yuꞌun te sneike pajal sok chan yilel, y sok te sjolike ya xꞌilbajinwan.

Bible in Tzeltal Bachajón

¹⁹ te yip te cawuhetic ay ta yehic soc ta snehic; como te snehic, te hich yilelic te bin ut'il chan, ay sjolic te ya x'uts'inwanic a.

Apocalipsis 9:19 Referans Kwoze

Apocalipsis 9:10

Ay sneic jich bit'il sne te tseque te ya xti'awanique. Ac'bot ta swenta sneic yuts'inel jo'eb u te ants-winiquetique.

Isaías 9:15

(Te sjole, ja' seña te mamaletic soc te jtsobwanejetique, te sne, ja' seña te j'alwanejetic te ya yaq'uic ta nopel te lotetique.)

Efesios 4:14

Ma me jichucotic xan te bit'il alaletic te jteb stael yo'tanic, soc te ora nax ya x'eanot bael yu'un yic'al te biluc yach'il nopjibal te ay ta alel ya yaiyique. Ma me jch'uuntic lo'layel yu'un te sp'ijil sc'op ants-winiquetic te ora ya xju' yu'unic lo'laywanej a te sp'ijilique.

Apocalipsis 9:18

Jteb ma oliluc te ants-winiquetic te lajic yu'un te oxchajp miljibale, ja' bi ja' te c'ajq'ue soc ch'ail soc azufre te loc' ta yeic te caballoetique.

Apocalipsis 9:20

Ja'uc me to, te jayeb xan mach'atic ma ba lajic yu'un te miljibaletique, ma la sujt'es yo'tanic yu'un te bila spasoj ta sc'abique. Ma la yijq'uitayic ta ch'uunel te pucujetic soc loc'ombaetic te pasbilic ta oro soc ta plata soc ta bronce soc ta ton soc ta te', te ma xyilic q'uinal soc te ma xyaiyic stojol c'op soc te ma xju' ya xbeenique.