Apocalipsis 9:17 - Bible in Tzeltal de Oxchuc y Tenejapa

¹⁷ Jich yilel te caballoetic soc te soldadoetic te cajajtic a te ac'boton quile. Te soldadoetique ay smajq'uilic te tsaj yilel jich bit'il c'ajc', soc yax jich bit'il zafiro, soc c'an jich bit'il azufre. Yan te caballoetique jich sjolic te bit'il león-chojetique. Ta yeic yac ta loq'uel c'ajc' soc ch'ail soc azufre.

Nuevo Testamento Tzeltal de Amatenango

¹⁷ Jich yilel te kawuetik sok te machꞌatik moemik aye te la yaꞌbelon kile: Te machꞌatik moemik aye smakojik te stiꞌ yoꞌtane ta jun smajkil te pajal sok yilel te kꞌajkꞌe: asultik sba sok kꞌankꞌantik sba. Te sjol te kawuetike jachik tutꞌil sjol choj, y ta stiꞌ ya xlokꞌ kꞌajkꞌ a sok chꞌail y sok asufre.

Bible in Tzeltal Bachajón

¹⁷ La jquil ta jnahalsit cawuhetic soc te mach'atic cajajtic tey a, ay smahquil stahnic te tsaj hich te bin ut'il c'ahc', te yax-el'el soc c'an hich te bin ut'il azufre. Te sjol te cawuhetic sjel ta sjol choj, soc yac ta loq'uel c'ahc' ta yehic soc ch'ahil soc azufre.

Apocalipsis 9:17 Referans Kwoze

Apocalipsis 9:18

Jteb ma oliluc te ants-winiquetic te lajic yu'un te oxchajp miljibale, ja' bi ja' te c'ajq'ue soc ch'ail soc azufre te loc' ta yeic te caballoetique.

Apocalipsis 21:8

Yan te mach'atic ya xiwique, soc te ma sc'an xch'uunone, soc te mach'atic ilaybil sba te bila ya spasique, jmilawaletic, jmulwejetic, j'ac'chameletic, soc te mach'atic jch'uunej-loc'ombaetic, jpas-lotetic, ta spisilic in to, ja' me ya xbajt'ic ta bay muc' pamal c'ajc' te yac ta tilel soc azufre te ja' xchebal buelta lajele —la yuton.

Apocalipsis 14:10

ya me x'ac'bot yuch'ic te vino, ja' te yilimba Dios te xujt' ma'yuc scape, te nojel yu'un a te vasoe. Ya me x'ac'bot c'axuc bayal swocolic ta c'ajc' te yac ta tilel ta azufre ta sitic te ch'ul abatetic yu'un te Diose soc ta sit te Alalchije.

1 Crónicas 12:8

Soc ay jchajp sts'umbal Gad te c'axic bael ta sts'eel David, te c'alal ay ta yanjib ch'en ta jochol taquin q'uinal. Ma xiwic, p'ijtesbilic yu'un yaq'uel guerra, ja' yat'ejibic te smajq'uilic soc te slanzaique. Ma xiwic jich bit'il león-chojetic, soc jich ya x'animajic ta witstiquil te bit'il chijetique.

Apocalipsis 19:20

Te muc'ul chambalam te xi'bantic sbae, la yich' tsaquel ta chuquel soc te lotil j'alwanej te la yac' ta ilel seña yu'el ta stojole. Ta swenta te señaetic la yac' ta ilel te lotil j'alwaneje, ju' yu'un slo'layel a spisil te mach'atic la xch'uunic yich'el smarca te chambalam te xi'bantic sbae soc te la slajin sbaic ta stojol te sloc'ombae. Cuxul la yich'ic ch'ojel ochel ta xchebalic ta bay muc' pamal c'ajc' te yac ta tilel soc azufre.

Apocalipsis 20:10

Te pucuj te lo'layotic yu'une, la yich' ch'ojel ochel ta muc' pamal c'ajc' te yac ta tilel soc azufre, ta banti yich'ojix ch'ojel te muc'ul chambalam te xi'bantic sbae soc te lotil j'alwanej yu'une. Tey me ya xc'ax swocolic a ta c'aal ajc'ubal ta sbajt'el q'uinal.

Isaías 30:33

Ayix bayal c'aal chajbanbil ta swenta Asiria soc ta swenta te muc' ajwalil yu'un, te yawil woclajel, te muc' sjamalul soc najt' coel. Ay tsumbil c'ajc' tey a, te yac ta tilel soc c'axem to xan bayal si'il. Ya me stiles c'ajc' a te ic' ya xloc' ta ye te Cajwaltique, jich me ya xtal te azufre te bit'il snojel ja'.

Salmos 11:6

Te Cajwaltic ya me yac'bey woclajel jichuc ja'al; ya me xtal c'ajc' soc azufre ta stojolic te mach'atic amen yo'tanique, soc ya xtal c'ajc'al ic' ta stojolic te jich ya xbacub spisil bitic ay. Jich ya sc'an ya x'ac'bot stojic yu'un te Cajwaltique.

Génesis 19:24

Te Cajwaltic la yac' tel azufre soc c'ajc' ta ch'ulchan jich bit'il ja'al ta stojol te lum Sodoma soc te lum Gomorra.

Apocalipsis 11:5

Teme ay mach'atic ya sc'an ya x'uts'inotic yu'un te cheb testigoetique, ya xloc' c'ajc' ta yeic te jc'axel ya xlaj ta ora yu'un te yajcontroique. Jich yu'un puersa me ya xlaj teme ay mach'a ya sc'an ya yuts'ine.

Apocalipsis 9:9

Ay smajq'uil yo'tanic te pasbil ta taq'uin yilel. Xpumumet nax ya xc'opoj te xiq'uique, jich te bit'il xpumumet nax sc'op ya caiytic bayal carretaetic nitbilic ta caballoetic te animal ya x'ochic ta guerrae.

Ezequiel 33:22

Ajc'ubey te c'ot ta jtojol te winique, te Cajwaltic la scajanbon sc'ab ta jol. Ta sab, te c'alal tal te winique, la yac' c'opojucon, jich ma uma'uconix.

Apocalipsis 21:20

Te yo'ebale ónice. Te swaquebale cornalina. Te sjuquebale crisólito. Te swaxaquebale berilo. Te sbalunebale topacio. Te slajunebale crisopraso. Te sbuluchebale jacinto. Te slajchayebale amatista.

Daniel 8:2

Te c'alal ay bila yacon ta yilel la caiy ae, ayon ta lum Susa ta jsejp sq'uinal Elam, ta sti'il muc'ja' Ulai la caiy.

Daniel 9:21

Te c'alal yacon to ta sc'oponel Dios a, te Gabriel, te chicnaj ta jtojol ta neelal to te c'alal ay bila yacon ta yilel la caiye, wil tel ta jtojol te banti ayone. Ja'ix yorail a te ya yich' aq'uel milbil smajt'an Dios yu'un te smalel c'aale,