Apocalipsis 9:14 - Bible in Tzeltal de Oxchuc y Tenejapa

¹⁴ La caiy stojol te jich albot te swaquebal ch'ul abat te yich'oj oq'uese: “Coltaya bael te chantul ch'ul abatetic chuculic ta bay ti' muc'ul ja' Eufrates”, la yut.

Nuevo Testamento Tzeltal de Amatenango

¹⁴ Y te kꞌope la yalbe te swaktulul ángel te yichꞌoj kornetae: “Kolesa te chantul angeletike te teꞌ chukajtik te ba ay te mukꞌul ukꞌum Eufratese”, xchi.

Bible in Tzeltal Bachajón

¹⁴ Hich la yalbe te swaquebal ch'ul a'bat te yich'oj te corneta: Tila te chaneb ch'ul a'batetic chuculic ta sti'il te muc'ul-ha' Éufrates, xchi sc'oblal.

Apocalipsis 9:14 Referans Kwoze

Apocalipsis 16:12

Te swaquebal ch'ul abate ba smal ta bay muc'ja' Eufrates te copa yich'oje. Jich taquej te muc'ja'e, swenta yu'un jamal sbeic ya xc'otic a te muc' ajwaliletic te ya xtalic ta bay te sloq'uib c'aale.

Apocalipsis 9:15

Jich colic bael ta chuquel te chantul ch'ul abatetique, swenta yu'un ya xba smilic jteb ma oliluc te ants-winiquetique. Melel ja' swentail te chapalique, ja' to teme ya sta te bi ora soc bi c'aalil soc bi uil soc bi ja'wil te ya xc'ot ta pasele.

Jeremías 51:63

Ta ora nax te c'alal ya xlaj awo'tan ta yilel te libro, chuca soc jp'ijuc ton, ch'oja ochel ta muc'ul ja' Éufrates.

2 Samuel 8:3

Soc la stsal te Hadad-ezer, te snich'an Rehob, te muc' ajwalil ta Soba, te c'alal yac ta yu'uninel xan a te q'uinal ta muc'ja' Eufrates.

Génesis 2:14

Tigris sbiil te yoxebale, ja' te ya x'oquin c'axel ta stojol sloq'uib c'aal ta sq'uinal Asiria. Éufrates sbiil te xchanebale.

Apocalipsis 8:6

Jich te juqueb ch'ul abatetic te yich'oj ta sc'abic te juqueb oq'uesetique, la xchajban sbaic ta yoq'uesinel.

Apocalipsis 7:1

Ta patil la quil chantul ch'ul abatetic. Tey tec'ajtic juju-jtul ta bay xchanjejch'elul te balumilale. Scomojic te chanchajp ic' te ya xbeenic ta balumilale, swenta yu'un xujt' ma xbeen ic' ta sba te lum q'uinale soc ta sba te mare, te jich ma stij sba pejt'uc a te te'etique.

Apocalipsis 8:2

La quil ay juctul ch'ul abatetic tec'ajtic ta stojol te Diose. Ac'botic juqueb oq'uesetic.

Génesis 15:18

Jich yorail a te Abram albot yu'un te Cajwaltic ta swenta trato: —Yu'un ats'umbal ya xc'ot cu'un in q'uinal to c'alal ta beja' yu'un Egipto, c'alal ta muc'ja' Éufrates,

Deuteronomio 1:7

Tsoba abiluquic, baanic ta witsetic yu'un amorreoetic soc ta spisil q'uinaletic te slac'oj sba soque: ja'ic te suclej Arabá, te toyol witstiquil, te peq'uel witstiquil, te sq'uinal Néguev, te sti'il mar, te slum-sq'uinal cananeoetic, te Líbano soc c'alal ta muc'ja' Éufrates.

Josué 1:4

Ya cac'bat spisil te q'uinal c'alal ta bay jochol taquin q'uinal ja' to c'alal ta witsetic yu'un Líbano, soc c'alal ta muc'ja' Éufrates, ja' spisil te sq'uinal hititaetic, ja' to c'alal ta Mar Mediterráneo.

Apocalipsis 7:2

Soc la quil yan ch'ul abat te moj tel ta bay sloq'uib c'aal. Yich'oj tel ta sc'ab te sello yu'un te cuxul Diose. Ja' in ch'ul abat to tulan awun ta yawtayel te chantul ch'ul abatetic te yich'oj yat'elic ta lajinwanej ta bay lum q'uinal soc ta bay te mare.