Apocalipsis 9:1 - Bible in Tzeltal de Oxchuc y Tenejapa

¹ Te yo'ebal ch'ul abate la yoq'uesin te oq'uese. La quil te ay ec' ch'ay coel tel ta ch'ulchan te c'ot ta sba te balumilale. Te eq'ue ac'bot ta sc'ab te sllaveil sti'il te xaabe.

Nuevo Testamento Tzeltal de Amatenango

¹ Te yoꞌebal ángel la yokꞌesin te skornetae, y la kil jun ekꞌ te chꞌay tal koel ta chꞌulchan jul ta balmilal. Te ekꞌe aꞌbot te syaweul te chꞌen te lom toyole.

Bible in Tzeltal Bachajón

¹ Te yo'ebal ch'ul a'bat la yoq'uesin te scorneta; la jquil ay ec' ch'ay cohel tal ta ch'ulchan, hul ta bahlumilal. A'bot te llave yu'un te xahabe.

Apocalipsis 9:1 Referans Kwoze

Apocalipsis 8:10

Te yoxebal ch'ul abate la yoq'uesin te oq'uese. Ay muc'ul ec' ch'ay coel tel ta ch'ulchan te yac ta tilel jich bit'il silbil taje. C'ot ta bay jteb ma oliluc te muc' ja'etique soc te sloc'ja'etique.

Apocalipsis 9:2

Jich la sjambey sti' te xaabe. Tey mo loq'uel tel ch'ail te jich yilel te bit'il xch'ailel te muc'ul hornoe. Te xch'ailele ijc'ub yu'un te c'aale, soc ijc'maxantic nax a bajt' te q'uinale.

Romanos 10:7

“Soc ma me jichuc xawal xaal: ‘¿Mach'a me te ya xco bael ta bay te xaabe?’, ma me xauquex”, te xie. (Ja' bi, “¿Mach'a ya yic' moel tel ta bay animaetic te Cristoe?”, xi' c'oem.)

Apocalipsis 1:18

Jtalel cuxulon. Lajon, ja'uc me to, cuxulonix sbajt'el q'uinal. Jichuc. Quich'oj te sllaveil te lajele soc uuc te stsojbjibal animaetique.

Apocalipsis 20:1

Soc la quil jtul ch'ul abat te yac ta coel tel ta ch'ulchan. Yich'oj ta sc'ab te sllaveil te xaabe, soc yich'oj ta sc'ab jlijc' muc'ul cadena.

Apocalipsis 17:8

Te muc'ul chambalam te xi'bantic sba te la awile, ja' seña te mach'a ay ta neelale te ma ba chican ta ora to soc te ya to xmo loq'uel tel ta bay te xaabe. Patil ya me xbajt' ta lajel ta jc'axel. Te mach'atic cuxajtic ta balumilal te ma nacaluc sbiilic ta lista swenta cuxinel c'alal to ta xjajch'ibal te balumilale, cham nax me ya yaiyic te c'alal ya yilic te muc'ul chambalam te xi'bantic sba te ay ta neelal te ma ba chican ta ora to soc te ya to xchicnaj xane.

San Lucas 8:31

Te pucujetic la yalbeyic wocol te Jesuse, te manchuc ya x'ac'otic bael ta xaab yu'une.

Apocalipsis 8:12

Te xchanebal ch'ul abate la yoq'uesin te oq'uese. Bolob jxejt' ta yox-xejt'el te c'aale soc jxejt' ta yox-xejt'el uuc te ue soc jteb ma oliluc uuc te eq'uetique. Jich ijc'ub jxejt' ta yox-xejt'el te q'uinale. Jich ay chanebuc ora tup'en xojobil c'aal ta c'aaleltic soc jich nix te u ta ajc'ubal.

Apocalipsis 8:2

La quil ay juctul ch'ul abatetic tec'ajtic ta stojol te Diose. Ac'botic juqueb oq'uesetic.

Apocalipsis 20:10

Te pucuj te lo'layotic yu'une, la yich' ch'ojel ochel ta muc' pamal c'ajc' te yac ta tilel soc azufre, ta banti yich'ojix ch'ojel te muc'ul chambalam te xi'bantic sbae soc te lotil j'alwanej yu'une. Tey me ya xc'ax swocolic a ta c'aal ajc'ubal ta sbajt'el q'uinal.

Apocalipsis 1:20

Jich ay sc'oplal te muquen c'op te juqueb eq'uetic te ay ta swa'el jc'abe soc te jucch'ix yawil c'ajc' te pasbilic ta oroe: Te juqueb xtuchtijib eq'uetique, ja' sc'oplalic te juctul ch'ul abatetic te ayic ta bay te jucchajp jch'uunjeletique, soc te jucch'ix xtuchtijib c'ajc' te la awile, ja' sc'oplal te jucchajp jch'uunjeletique —xi' la caiy.

San Lucas 10:18

La yal te Jesuse: —Jich na'ax, melel yacon ta yilel te ch'ay coel tel ta ch'ulchan te Satanase. Jich la quil te bit'il xlememet ya xco tel te chawuque.

Isaías 14:12

“¡Bit'il ch'ayat coel ta ch'ulchan, ja'at te muc'ul ec' ta sacubel q'uinale! La awich' ch'ojel coel ta lumq'uinal, ja'at te la atsal spisil te nacionetique.

Apocalipsis 6:13

Te eq'uetic te ayic ta ch'ulchane, ch'ayic coel tel ta balumilal, jich bit'il xbuquet nax ya xco xyaxal sit te higo-te' teme yuc'ot yu'un te tulan iq'ue.

Apocalipsis 11:7

Ja'uc me to, c'alal ju'ix yu'unic a te yat'elic ta testigoe, ya me xloc' tel ta xaab te muc'ul chambalam te xi'bantic sbae. Ya me spasic guerra soc ya me stsalotic yu'un, soc jc'axel ya xmilotic yu'un.