Apocalipsis 8:2 - Bible in Tzeltal de Oxchuc y Tenejapa

² La quil ay juctul ch'ul abatetic tec'ajtic ta stojol te Diose. Ac'botic juqueb oq'uesetic.

Nuevo Testamento Tzeltal de Amatenango

² Teꞌ nax a la kil jukeb angeletik te tekꞌajtik ta sit te Diose. Akꞌtalanbot jukeb kornetaetik.

Bible in Tzeltal Bachajón

² Patil la jquil te huqueb ch'ul a'batetic te tec'ajtic ta stojol Dios, a'botic huqueb cornetahetic.

Apocalipsis 8:2 Referans Kwoze

Apocalipsis 11:15

Te sjuquebal ch'ul abat la yoq'uesin te oq'uese. Ay mach'atic tulan c'opojic ta ch'ulchan la caiy te jich la yalique: “Spisil te muc' ajwaliletic ta balumilal soc te bila ay ta swentaique, ayix ta swenta stuquel te Cajwaltique soc te Cristo yu'une. Ja' me ay ta ajwalinel sbajt'el q'uinal stuquel”, xiic la caiy.

San Lucas 1:19

La yal te ch'ul abate: —Jo'on Gabrielon te ayon ta abatinel yu'un te Diose. La sticunon tel ta atojol, yu'un tal calbat awaiy in lec yach'il c'op to.

Apocalipsis 8:6

Jich te juqueb ch'ul abatetic te yich'oj ta sc'abic te juqueb oq'uesetique, la xchajban sbaic ta yoq'uesinel.

San Mateo 18:10

“Tsajtaya me abaic. Ma me ayuc jtuluc te ma'yuc sc'oplal ta awo'tanic te mach'atic peq'uel ayique. Ya calbeyex te spisil ora ayic ta canantayel yu'un ch'ul abatetic yu'un te Jtat te ay ta ch'ulchane. [

Apocalipsis 16:1

La caiy stojol te ay mach'a tulan c'opoj loq'uel tel ta bay yutil templo te jich la yalbey te juctul ch'ul abatetique: “Baanic, malaic ta balumilal te juqueb copaetic te nojel ta yilimba te Diose”, utotic.

Apocalipsis 15:1

Ta ch'ulchan la quil yan muc'ul seña te yan sba ta ilele. Ja' bi, ay juctul ch'ul abatetic te yich'ojic te juqueb castigoetic te ya yac' ta patil, te ja' ya slajinbeyic yip yilimba a te Diose.

Zacarías 4:10

Ja' te mach'atic ma ba la yich'ic ta wenta te xch'in jajch'ibal te yat'ele, yo'tic bin nax me yo'tanic yu'un te ya yilic te Zorobabel te ya sju'tes te at'ele —xi'. Ta patil te ch'ul abat jich la yal xan: —Te juqueb yawil c'ajq'ue, ja' seña te sit te Cajwaltic, te yacal ta yilel ta spamal a te balumilale —xi'.

San Mateo 24:31

Te c'alal ya x'oc' tulan te oq'uese, ya me sticun bael te ch'ul abatetic yu'une. Ya me xba stsobic tel ta xchanjejch'elul q'uinal ta spamal balumilal te mach'atic tsabilic yu'une.

San Lucas 21:36

Wiq'uiluc me asitic jiche. C'oponaic Dios ta spisil ora te ayuc me awipic te jich lec ya xc'ax awu'unic spisil te bila ya xc'ot ta pasele, soc te jich me ma'yuc falta awu'unic te ya atejc'an abaic ta stojol te Nich'anile —xi' te Jesuse.

1 Corintios 15:52

Te c'alal ya x'oc' ta slajibal buelta te oq'uese, ya xc'atp'ujotic ta ora nax, jich bit'il ya smuts' sba mujts'eluc te jsitique. Te c'alal ya x'oq'uesinot te oq'uese, spisil te animaetique ya me xcha'cuxic tel. Xujt' ma xju' te ya xlajic xan yan buelta. In te jo'otique, ya xc'atp'ujotic ta jpisiltic.

1 Tesalonicenses 4:16

Melel ya me xchicnaj tulan aw ta mandal, soc te sc'op te jwolwanej ch'ul abate, soc te sc'op oq'ues yu'un Dios, te c'alal ya xcoj tel ta ch'ulchan te Cajwaltique. Jich te mach'atic xch'uunejic Cristo te lajique, neel ya xcha'cuxic tel.

Apocalipsis 1:4

Jo'on Juanon te ya jpatbeyex awo'tanic ja'ex te jucchajp jch'uunjelex te ayex ta sq'uinal Asia. Ac'a yac'beyex bayal yutsil yo'tan, soc lamaluc me q'uinal ya awaiyic yu'un te mach'a stalel aye, te ay ta namey tele, soc te mach'a talelixe, soc uuc te juqueb espirituetic te ayic ta yelaw te muc'ul nactijibale,

Apocalipsis 8:13

Jich la quil te ay jtul ch'ul abat te yac ta wilel ta bay sjamalul te ch'ulchane. Tulan yac ta c'op la caiy: “¡Ay! C'ax obol sbaic te mach'atic nainemic ta balumilale, ta scaj te c'alal ya x'oq'uesinot te oxeb xan oq'uesetic te ya yoq'uesinic te oxeb xan ch'ul abatetique”, xi'.

Apocalipsis 9:1

Te yo'ebal ch'ul abate la yoq'uesin te oq'uese. La quil te ay ec' ch'ay coel tel ta ch'ulchan te c'ot ta sba te balumilale. Te eq'ue ac'bot ta sc'ab te sllaveil sti'il te xaabe.