Apocalipsis 8:13 - Bible in Tzeltal de Oxchuc y Tenejapa

¹³ Jich la quil te ay jtul ch'ul abat te yac ta wilel ta bay sjamalul te ch'ulchane. Tulan yac ta c'op la caiy: “¡Ay! C'ax obol sbaic te mach'atic nainemic ta balumilale, ta scaj te c'alal ya x'oq'uesinot te oxeb xan oq'uesetic te ya yoq'uesinic te oxeb xan ch'ul abatetique”, xi'.

Nuevo Testamento Tzeltal de Amatenango

¹³ Teꞌ nax a la kil, y la kaꞌiy tulan yipal ta kꞌop jkojt aguila te yipal ta wilel ta yolil chꞌuchan. Jich a yal: “¡Ay! ¡Ay! Oꞌol me sbaik te machꞌatik aylan ta balmilale te kꞌalal ya xꞌokꞌ te kornetaetik te ya xba yokꞌesinik te oxtul xan angeletike”, xchi.

Bible in Tzeltal Bachajón

¹³ La jquil ay jxic yac ta wihlel ta po'tal ch'ulchan, tulan yac ta c'op la jca'iy: ¡Ay me swocolic, ay me swocolic, ay me swocolic te mach'atic nahinemic ta bahlumilal, ta scaj te yan oq'uesinel corneta yu'un te oxeb xan ch'ul a'batetique! xchi.

Apocalipsis 8:13 Referans Kwoze

Apocalipsis 11:14

C'axix te xcha'cumul woclajele. Ja' ya xtalix te yoxebal woclajele.

Apocalipsis 9:12

C'axix te sbacumul woclajele. Ay to sc'an xan cha'cum woclajel.

Apocalipsis 14:6

Soc la quil yan ch'ul abat yac ta wilel ta sjamalul te ch'ulchane, yich'oj te lec yach'il c'op swenta scolelic te mach'atic ainemic ta balumilal te ya yalbey yaiyique. Ja' spisil ta jchajp te nacionetic te yanyantic sts'umbalique soc te yanyantic sc'opique soc te yanyan lum ayique.

Ezequiel 2:10

Ta sc'ab la sjambon ta jtojol te june, ts'ibubil ta xcha'mejch'el: Ya yalbey sc'oplal woclajel, aw yu'un xc'uxul, soc oq'uel yu'un mel-o'tan.

Apocalipsis 19:17

Soc la quil jtul ch'ul abat te stec'oj te c'aale. Tulan yac ta yawtayel spisil te mutetic te yacalic ta wilel ta sjamalul te ch'ulchane: “La' me, tsoba abaic tel ta we'el ta bay chajbanbil yu'un te Diose.

Apocalipsis 9:1

Te yo'ebal ch'ul abate la yoq'uesin te oq'uese. La quil te ay ec' ch'ay coel tel ta ch'ulchan te c'ot ta sba te balumilale. Te eq'ue ac'bot ta sc'ab te sllaveil sti'il te xaabe.

Hebreos 1:14

Melel te ch'ul abatetique, abat nax yu'un te Diose. Ya xticunotic yu'un Dios ta scanantayel te mach'atic ya yich'ic coltayel yu'une.

Salmos 103:20

Albeyaic yutsil sc'oplal Cajwaltic ja'ex ch'ul abatetic te tulan ay awat'elique. Ja'ex te ya ach'uunic spasel te bila ya yalbeyexe, melel awat'elinejic xch'uunel smandal.

Apocalipsis 14:3

Yacalic ta sc'ajintayel ach' c'ayoj ta stojol te muc'ul nactijibale soc ta stojol te chancojt' bitic cuxajtique soc ta stojol te mamaletique. Jtul ma'yuc mach'a ya xju' yu'un snopel te c'ayoje, ja' nax te waxaclajunwinic ta jbajc' (144,000) ta jtul te coltaybilic loq'uel ta yolil te ants-winiquetique.

Apocalipsis 3:10

Scaj te ach'uunejbon te bila la calbat te jun me awo'tan ya ats'ic awocole, jo'on me ya jcanantayat te c'alal ya xtal prueba ta spamal balumilal, swenta yu'un ya me x'ilbot yo'tanic spisil te mach'atic ainemic ta balumilale.

Apocalipsis 8:2

La quil ay juctul ch'ul abatetic tec'ajtic ta stojol te Diose. Ac'botic juqueb oq'uesetic.

Apocalipsis 12:12

Jich yu'un bayaluc me sbujts' awo'tanic, ja'ex te ainemex ta ch'ulchane. ¡Ay, ja'ex te nainemex ta balumilal soc ta bay te mare ya me awil awocolic! Yu'un coix tel ta banti ayex te Pucuje. Bayal lijq'uem sjol, yu'un sna'ojix stojol te ma'yuquix bayal c'aale”, xi'.