Apocalipsis 8:11 - Bible in Tzeltal de Oxchuc y Tenejapa

¹¹ Ch'aal Wamal sbiil te eq'ue. Mero ch'a c'ot te ja'etic yu'une. Jich laj bayal ta jtul te ants-winiquetic ta swenta te ja'e, yu'un mero c'ax jelawen nax xch'aal c'ot.

Nuevo Testamento Tzeltal de Amatenango

¹¹ Te sbiil te ekꞌe: “Chꞌa”, y ta yoxxejtꞌelal te ba ay jaꞌetike chꞌa a la sujt. Y ta skaj te chꞌaub te jaꞌetik, bayal gente a cham.

Bible in Tzeltal Bachajón

¹¹ Ch'ahco' sbihil te eq'ue. Ch'ahub jun ta yoxeht'el te ha'etic, soc tsobol mach'atic chamic ta scaj te ha' te ch'ahube.

Apocalipsis 8:11 Referans Kwoze

Jeremías 23:15

Jich yu'un, te jo'on Ajwalilon te Spisil ya xju' cu'une, ya cal ta stojolic te mach'atic j'alwanejetique: Ya cac'bey swe'ic te bila bayal xch'aale; ya cac'bey ja' yuch'ic te yich'oj veneno. Melel te mach'atic j'alwanejetic ta Jerusalén pujq'uemix yu'unic te bila amen ta spamal te lumq'uinale —xi' te Cajwaltique.

Jeremías 9:15

Te jo'on Ajwalilon te Spisil ya xju' cu'une, te Dioson yu'un Israel, ja' swentail te ya cal: Ya cac'bey swe'ic te bila bayal xch'aale, ya cac'bey yuch'ic ja' te capal soc veneno.

Deuteronomio 29:18

Ma me ayuc ants o winic ta awolilic ta chajbalchajp te yo'tic ya yijq'uitay ta yo'tan te Cajwaltic Dios cu'untic, ta scaj te ya xbajt' ta yich'el ta muc' te lotil diosetic yu'unic te nacionetique. Ma me ayuquex ni jtuluc te pajalex soc yisim ch'aal wamal te ay svenenoile.

Amós 6:12

¿Ya bal xju' x'animajic ta tontiquil te caballoetique? ¿Ya bal xju' ta joq'uel jichuc lum te mar? Melel te ja'ex c'atp'ujem awu'unic ta veneno te chajbanele; te sit ya yac' te chajbanele, ja' te mel-o'tane.

Amós 5:7

Ya me awil awocolic ja'ex te ya aboltesic te chajbanele, melel ay swocolic yu'un te lume. Ya ach'ayic bael te bitic ay ta swentaic yich'el juju-jtul.

Lamentaciones 3:19

Ya jna' te ayon ta mel-o'tan soc te jtuquel ayone, te ch'auben co'tan yu'un te woclajel ya caiye;

Proverbios 5:4

pero te slajibale, c'axem jich xch'aal ya xc'ot a te bit'il ch'aal wamale, soc c'axem jich ya xlajinwan a te bit'il puñal te xcha'jejch'el ay ye.

Apocalipsis 8:7

Te sbabial ch'ul abate la yoq'uesin te oq'uese. Chicnaj bat soc c'ajc' capal soc ch'ich' te la yich' malel coel ta bay te lum q'uinale. Laj ta c'ajq'uel jxejt' ta yox-xejt'el te te'etic ta lum q'uinale, soc laj ta c'ajq'uel spisil uuc te yax aquiltique.

Hebreos 12:15

Tsajtaya me abaic, ma me ayuc jtuluquex te ma ba ya ataic te yutsil yo'tan te Diose. Ma me ayuc jtuluquex te ay bila ma lecuc ay ta awo'tanique. Melel teme muc'ube, ay me awocolic yu'un, soc jich me ay tsobol ya xbolob yo'tanic yu'un.

Lamentaciones 3:5

Jajch' sjoytayonic jichuc corral te xch'aal mel-o'tan soc te woclajele;

Rut 1:20

Te Noemí la sjac': —Ma xawalboniquix Noemí, yu'un ma t'ujbiluquix q'uinal ya caiy. Ja' lec ac'boniquix jbiilin Mara, melel te Dios te Spisil ya xju' yu'une, la yac'bon ch'aubuc co'tan sujt'el tel yu'un mel-o'tan.

Éxodo 15:23

C'alal c'otic ta Mara, ma ju' la yuch'ic te ja' tey a, yu'un ch'a. Ja' swentail te Mara c'ot sbiil yu'unique.

Zacarías 13:8

Ta yoxchajbal te nainemic li' ta lumq'uinal, ya me xlajic cha'chajp, ja' xanix jchajp cuxul ya xjil. Ja' te jchajp ya xjile, ya me cac' c'axuc ta c'ajc'; jich me ya jlecubtes te bit'il ya yich' lecubtesel plata, soc jich te bit'il ya yich' pasel t'ujbil oro. Ya me sc'opononic, jo'on ya me jac'bey sc'opic: “Lum cu'un”, xoon me ta stojolic. Jich me ya yalic ta sjaq'uel: “Te Cajwaltic ja' Dios cu'untic”, xiic me. Jo'on Ajwalilon, ya cal ta jamal —xi' te Cajwaltique.

Apocalipsis 9:15

Jich colic bael ta chuquel te chantul ch'ul abatetique, swenta yu'un ya xba smilic jteb ma oliluc te ants-winiquetique. Melel ja' swentail te chapalique, ja' to teme ya sta te bi ora soc bi c'aalil soc bi uil soc bi ja'wil te ya xc'ot ta pasele.

Apocalipsis 9:18

Jteb ma oliluc te ants-winiquetic te lajic yu'un te oxchajp miljibale, ja' bi ja' te c'ajq'ue soc ch'ail soc azufre te loc' ta yeic te caballoetique.

Apocalipsis 12:4

Ta sne la smes coel jteb ma oliluc te eq'uetic ta ch'ulchane, soc la xch'oj coel ta balumilal. Te muc'ul chane la stejc'an sba ta stojol te ants te ya x'ayinix te yale, swenta yu'un ya me sbic'bey ta ora te c'alal ya x'ayine.