Apocalipsis 7:2 - Bible in Tzeltal de Oxchuc y Tenejapa

² Soc la quil yan ch'ul abat te moj tel ta bay sloq'uib c'aal. Yich'oj tel ta sc'ab te sello yu'un te cuxul Diose. Ja' in ch'ul abat to tulan awun ta yawtayel te chantul ch'ul abatetic te yich'oj yat'elic ta lajinwanej ta bay lum q'uinal soc ta bay te mare.

Nuevo Testamento Tzeltal de Amatenango

² Jich a kil xan yan ángel te yipal ta talel te ba stojil xlokꞌ tal kꞌajkꞌale. Yichꞌoj te seyo yuꞌun te kuxul Diose. Te ángel to tulan a awun ta kꞌop ta stojol te yan chantul xan te yichꞌoj spoder yuꞌun te ya yixlan te balmilale y te mare.

Bible in Tzeltal Bachajón

² Soc la jquil yan ch'ul a'bat te mo tal ta banti ya xloc' tal c'ahc'al, yich'oj te sello yu'un te cuxul Dios. Tulan la yawtay te chaneb ch'ul a'batetic te yich'oj ya'telic ta sjinel te q'uinal soc te mar,

Apocalipsis 7:2 Referans Kwoze

Efesios 4:30

Ma me xawaq'uic ta mel-o'tan te Ch'ul Espíritu yu'un te Diose, te melel ja' sello awich'ojic yu'un Dios, ja' to teme la sta sc'aalelal te jc'axel ya xcolex yu'une.

2 Corintios 1:22

Jich yac'ojbotiquix quich'tic te selloe, soc yac'ojbotiquix ainuc ta co'tantic te Ch'ul Espiritue swenta seña te bila ya yac'botic xan ta patile.

Apocalipsis 9:4

Albotic mandal te ma ba ya yuts'inic te aquiltic te ay ta balumilale soc spisil te bitic ya xch'iic ta balumilale soc spisil te te'etique. Ja' nax me ya yuts'inic te jich yipal ants-winiquetic te ma ba yich'oj selloic ta stibaic yu'un te Diose.

2 Timoteo 2:19

Ja'uc me to, te yiptajib yac'oj te Diose, ma'yuc ta nijq'uesel stuquel. Ay sello yich'oj te jich ya yale: “Na'bil sbaic yu'un Dios te mach'atic yu'une”, xi'. Soc ya yal: “Spisil te mach'atic ya yalic wocol ta stojol te Cajwaltique, ac'a jiluc yu'unic spisil te mulile”, xi' xan.

Efesios 1:13

Wocol la yal te Cristoe, te la awaiyic stojol te smelelil c'ope, ja' bi, ja' te lec yach'il c'op yu'un te jcoleltique. Soc te c'alal la ach'uunic te Cristoe, la awiq'uic te Ch'ul Espíritu te ja' aselloilic te la yal Dios te ya yac'beyexe.

Apocalipsis 5:2

Soc la quil jtul ch'ul abat te bayal yipe. Tulan yac ta yalel ta aw ta sjojc'oyel yaiy: “¿Mach'a me ya xju' yu'un sjamel te balbil june? ¿Mach'a ya xju' yu'un sjamel te selloetic macbil ae?”, xi' ta aw.

San Juan 6:27

Ma me ja'uc xawat'elinic sleel te awe'elic te lajel lajel aye. Ja' ya sc'an ya awat'elinic sleel te awe'elic te stalel ma xlaj sbajt'el q'uinale te ja' ya yac'beyex te Nich'anile, melel te Jtatic Diose la yaq'uix ta ilel te bin nax yo'tan yu'une —xi' te Jesuse.

Apocalipsis 1:3

Bin nax me yutsil te mach'a ya sc'opon in jun to, soc te mach'a ya yaiybey stojol te sc'op te j'alwaneje, soc te ya yac' ta yo'tan te bila ts'ibubile, te melel nopol te ya xc'otix ta pasel.

Apocalipsis 10:4

Te c'alal laj yo'tanic ta c'op te juqueb chawuque, c'an jts'ibuy te bila la yalique. Ja'uc me to, ay mach'a c'opoj tel ta ch'ulchan la caiy te jich la yalbone: —Muca me ta awo'tan te bila la yalic te juqueb chawuque. Ma me xats'ibuy ta jun —la yuton.

Apocalipsis 10:1

Soc la quil coj tel ta ch'ulchan yan ch'ul abat te bayal yipe. Potsol tel ta tocal soc ay arco iris joyol ta sjol. Te sit yelawe xlememet nax xojobil jich bit'il te c'aale. Te yacane jich yilel te bit'il muc'ul oy te tsajxojan nax sc'aale.

Apocalipsis 8:3

Tal yan ch'ul abat. C'o stejc'an sba ta bay sts'eel scajtijib majt'anil. Yich'oj ta sc'ab te yawil xchic'jibal pom te pasbil ta oroe. Ac'bot ta sc'ab bayal pom swenta stsac'tesjibal sc'oponel Dios yu'un te mach'atic ch'ul lum yu'un te Diose. La yac' ta sba te scajtijib majt'anil te pasbil ta oro te ay ta stojol te muc'ul nactijibale.

Cantares 8:6

Jtuqueluc nax me ayon ta awo'tan, jo'ucon nax me señailon ta ac'ab. Te mulanele, ma xju' ta lajinel sbujts', ja' pajal soc te lajel te ma'yuc mach'a ya xju' ya slajinbey sc'oplal. Te yip ta co'tantic te mulanwaneje, ma xju' ta jinel jichuc bael ta muquenal. Te sc'aal yac ta tilel te mulanwaneje, ja' te c'ajc' talem ta stojol Dios.

Hebreos 12:22

Yan te ja'exe tey noptsajemex bael a ta bay wits Sión soc ta bay te muc'ul lum yu'un te cuxul Diose, ja' bi, ja' te Jerusalén swenta te ch'ulchane, soc ta bay tsobol ta jmil te ch'ul abatetique,

1 Tesalonicenses 1:9

Ja'ic nix te ya yalbeyex ac'oplalic te bin nax awo'tanic la anajc'anotic te c'alal julotic ta atojolique, soc ora nax la awijq'uitayic xch'uunel te loc'ombaetique. La asujt'es awo'tanic ta stojol te Diose, soc ja' la awac' abaic ta abatinel yu'un te mero cuxul Diose.

San Mateo 26:63

Ja'uc me to, te Jesuse jp'al ma c'opoj. Jich yu'un te muc' sacerdote la yalbey xan: —Ya me awal ta melel ta stojol te cuxul Dios teme ja'at Cristoat te Snich'anat te Diose —la yut.

Malaquías 4:2

Yan te ja'ex te awich'ojonic ta muc', ya me xtil ta atojolic jichuc xojobil c'aal te chajbanel cu'une; te xojobile ya me yac' cuxlejal. Ja' yu'un te ja'ex ya me xwilex yu'un sbujts' awo'tanic, jichuc alal wacaxetic te c'alal ya xloq'uic bael ta yawil swe'elique.

2 Reyes 19:4

La yaiy te Cajwaltic te Dios awu'un te sc'op te abat te ticunbil tel yu'un te muc' ajwalil yu'un Asiria, swenta yu'un tal sbolc'optay te cuxul Diose. Te yacuc yac'bey castigo yu'un te bitic la yal la yaiy te Cajwaltic te Dios awu'une. C'opona Dios yu'un jiche te jayeb xan cuxulotique”, xi' me te muc' ajwalil —xiic.

1 Samuel 17:36

Manchuc me león-choj, manchuc me oso, pero ya jmiltic te jo'on te abaton awu'une. Te filisteo te ma ba xch'uunej te cuxul Diose, ja' ni me jich ya xc'ot ta swenta; melel ya stijulabey slab yo'tan te soldadoetic yu'un te cuxul Diose.

1 Samuel 17:26

Jich te David la sjojc'obey te mach'atic ayic ta sts'eele: —¿Bila ya yac'beyic te winic ya smil te filisteo, te jich ya xlaj sc'oplal ta labanel te soldado-israeletique? ¿Mach'a ya scuy sba a te filisteo te ma ba xch'uunej te cuxul Diose te jich tal stijulabey jajch'el slab yo'tanic te soldadoetic yu'un te cuxul Diose? —xi'.

Deuteronomio 5:26

Melel ¿ay bal mach'a ya yaiy yac ta c'op ta yolil c'ajc' te cuxul Diose, jich te bit'il la caiytiquix te jo'otique, te ma ba ya xlaj yu'une?

Malaquías 3:1

Te Cajwaltic te Spisil ya xju' yu'un ya yal: —Ya me jticun tel j'alwanej cu'un swenta yu'un ya xchajbanbon jbe. Te Ajwalil te yacalex ta sleel te ja'exe, ora me ya x'ochix bael ta templo yu'un. Julelix tel te j'alwanej yu'un te tratoe, ja' te mach'a maliybil awu'unique —xi' te Cajwaltique.

Isaías 41:2

¿Mach'a la yac' chicnajuc ta bay sloq'uib c'aal te muc' ajwalil te puersa ya spas ya yaiy tsalawe? ¿Mach'a ya yac'bey ta sc'ab nacionetic soc te ya spejc'an ta stojol te muc' ajwaliletic yu'unic, swenta yu'un ta spuñal soc ta yat'ejibal st'im ya me slic bael soc ya me spuc bael ta wilesel jichuc taquin ac?

Ezequiel 9:4

jich la yalbey: —Beentaya te Jerusalén, ac'beya seña ta sti'ba te mach'atic ya smel yo'tanic yu'un, te bitic ilaybil sba te yac ta c'oel ta pasel yu'un te slumalique —xi'.

San Mateo 16:16

La yal te Simón Pedroe: —Ja'at Cristoat te Snich'anat te cuxul Diose —xi'.

Apocalipsis 9:14

La caiy stojol te jich albot te swaquebal ch'ul abat te yich'oj oq'uese: “Coltaya bael te chantul ch'ul abatetic chuculic ta bay ti' muc'ul ja' Eufrates”, la yut.

Apocalipsis 16:12

Te swaquebal ch'ul abate ba smal ta bay muc'ja' Eufrates te copa yich'oje. Jich taquej te muc'ja'e, swenta yu'un jamal sbeic ya xc'otic a te muc' ajwaliletic te ya xtalic ta bay te sloq'uib c'aale.