Apocalipsis 7:17 - Bible in Tzeltal de Oxchuc y Tenejapa

¹⁷ Melel te Alalchij te ay ta bay yolilal te muc'ul nactijibale, ja' me jcanan yu'unic. Ya me x'ic'otic bael yu'un ta bay sloc'ja' te ya xcuxinic yu'une. Soc ya scusbot ya'lel sitic yu'un te Diose —xi' ta c'op.

Nuevo Testamento Tzeltal de Amatenango

¹⁷ Porke te Chꞌin Karnerae, te teꞌey ba yolil te mukꞌul naktajibale, ya skanantaylan jachik tutꞌil ya yichꞌ kanantayel te karneraetike. Y ya yikꞌtalan bael te ba lokꞌi-jaꞌ yuꞌun te kuxlejale. Y Dios ya skustalanbot yuꞌun spisil te yaꞌlel sitike —xchi.

Bible in Tzeltal Bachajón

¹⁷ como te Jcolel Tuminchij te ay ta yohlil te muc'ul-huctajibal ha ya scanantay soc ya me stojobteslan bahel ta banti ay sloq'uib ha'etic scuenta cuxlejal. Soc ya me xcusticlambot ya'lel sitic yu'un te Diose, xchi.

Apocalipsis 7:17 Referans Kwoze

San Juan 4:14

Yan te mach'a ya yuch' te ja' ya cac' jtuquele, sbajt'el q'uinal ma xtaquej yo'tan yu'un. Melel te ja' ya cac' jtuquele, jich bit'il sloq'uib ja' ya xc'ot ta yo'tan. Ya me xcuxin sbajt'el q'uinal yu'un —xi' te Jesuse.

San Juan 4:11

Jich la yal te antse: —Tatic, ma'yuc bila ya aloq'ues tel a te ja'e, soc mero najt' coel te pozoe. ¿Banti ya ata ya awal te ja' te cuxul ya awac'bone?

Apocalipsis 22:1

Te ch'ul abate la yac'bon quil muc'ja' te ya yac' cuxinele. Xlemet nax jich bit'il cristal. Tey loc' tel ta bay smuc'ul nactijib te Diose soc te Alalchije,

Apocalipsis 21:4

Soc ya me scusbot ya'lel sitic yu'un te Diose. Soc ma'yuquix te lajele soc te oq'uele soc te mel-o'tane soc te bila ay xc'uxule. Yu'un te bila ay ta neelale, ch'ayix bael ta spisil”, xi' la caiy.

Salmos 23:5

Achajbanejbon jwe'el ta mesa ta stojol te jcontrotaque. Amalojbonix perfume ta jol, soc la anojesbonix ta taza te bi ya cuch'e, yac ta malel loq'uel ta sti'il.

Apocalipsis 21:6

Soc la yalbon xan: —Ju'ix cu'un. Jo'on Alfaon, jo'on Omegaon. Ayon ta xjajch'ibal soc ayon ta slajibal. Te mach'a taquin yo'tane, smajt'an me ya cac'bey yuch' te sloc'ja' te ya yac' cuxinele.

San Juan 10:11

Jo'on te lequil jcanan-chijon. Te lequil jcanan-chije, ya yac' sba ta lajel yu'un te chijetique.

Isaías 25:8

Te Cajwaltic ya sjin ta sbajt'el q'uinal te lajele. Ya me scusbey loq'uel ya'lel sitic ta spisilic; ya me yac' xch'ay ta jc'axel ta spamal balumilal te bit'il boloben sc'oplal te lum yu'une. Te Cajwaltic ja' yaloj stuquel.

San Juan 10:14

“Jo'on te lequil jcanan-chijone. Ya sna'bon jba te Jtate soc ya jna'bey sba uuc. Ja' nanix jich jna'bey sba te chijetic cu'une soc ya sna'bonic jba uuc. Soc ya cac' jba ta lajel yu'un te chijetique.

Jeremías 2:13

“Te lum cu'une cha'chajp mulil la spas: la yijq'uitayon ta yo'tanic, te cuxul sloq'uibja' c'oemone, soc la spasic pozoetic yu'un stuquelic, lomen pozoetic te ma xpamaj ya'lele.

Ezequiel 34:23

Ya me cac' chicnajuc xan tel te cabat David, ja' me ya cac' ochel ta jcanan-chij stuquel. Ja' me ya xcanantayotic yu'un, ja' me jcanantaywanej yu'unic ta mero melel stuquel.

Apocalipsis 5:6

Jich la quil ta bay te muc'ul nactijibale soc ta banti ay te chancojt' bitic cuxajtic te ay ta yolilal te mamaletique. Tey cotol a te jcojt' Alalchij. Yich'oj milel yilel, te ay juqueb xulub soc juqueb sit, ja'ic te juqueb Espirituetic yu'un Dios te la yich'iquix ticunel bael ta spamal te balumilale.

San Mateo 2:6

“Te ja'at lum Belén, te ayat ta sq'uinal Judá, ma ch'in xujt'uc c'oemat ta stojol te ajwaliletic ta sq'uinal Judea. Melel tey ya xloc' tel a te jtul ajwalil te ya swentainbon te lum Israel cu'une”, te xie —xiic.

Isaías 12:3

Ja' nix jich te ja'exe ya xju' ya xba awuch'ic soc sbujts' awo'tanic te sloq'uibja' yu'un colele.

Salmos 28:9

Cajwal, coltaya te lum awu'une, ac'beya bendición te mach'atic awu'unineje. Canantaya me, jich bit'il te jcanan-chije; peta ta ac'ab spisil ora.

Miqueas 5:4

Te muc' ajwalil ya me xjajch' scanantay te lum yu'un ta yu'el, ta yutsilal te Cajwaltic te Dios yu'une. Lamal nax me q'uinal ya yaiyic, melel te Cajwaltic muc' me ya xc'ot ta jyalel c'alal ta sti'il te balumilale.

Isaías 60:20

Ja' c'aal c'oemon ma ba ya xtup'ix bael ta jyalel, ni ja'uc te u awu'une, ma xch'ayix bael xojobil. Melel jo'on Awajwalon, jo'on me luzon awu'un sbajt'el q'uinal; te jayeb c'aal te mel-o'tan awu'une, ya me xch'ay ta jc'axel.

Isaías 49:9

Swenta yu'un ya yich' albeyel te mach'atic ayic ta chuquele: “Loc'anic ta libre”, xi' me sc'oplalic; soc ya yich' albeyel te mach'atic ayic ta ijc' q'uinale: “Loc'anic ta saquil q'uinal”, ya x'utot. Ta xch'ixil bael te beetic, ya me sta aquiltic tey a, soc ta bayuc ay te witstiquil te t'axale, ay me swe'el xchamsbalamic tey a.

Isaías 35:10

te mach'atic scoltayej loq'uel tel te Cajwaltique. Ya me x'ochic bael ta Sión ta c'ayoj soc sbujts' yo'tanic; spisil me ora bin nax yo'tanic ya xcuxinic tey a. Ya me staic sbujts' q'uinal yaiyic soc smuc'ul yo'tanic, ya me xch'ay ta jc'axel te mel-o'tan soc te bila c'ux ya yaiyique.

Isaías 30:19

Lum Sión te nainemex ta Jerusalén, ma ba ya x'oc'atix. Te Cajwaltic ya sna'bat yo'bolil aba c'alal ya yaiybat awaw ta sc'anel coltayel yu'une, ora nax ya sjac'bat teme c'ot ta stojole.

Isaías 25:6

Ta wits Sión te Cajwaltic te Spisil ya xju' yu'un ya me xchajbanbey spisil te nacionetic, te buen muc' we'elil soc vinoetic te ayix c'aal pasbile, te buen bujts'anic te we'elile, soc te mero tsabilic te lequil vinoetique.

Apocalipsis 4:11

“Cajwal, ja' awu'un te ich'el ta muq'ue, ya sc'an alel awutsilal soc awu'el. Yu'un ja'at la achicnantes spisil te bitic aye, soc ja' sc'anjel awo'tan te bitic ayic ta q'uinale soc te bitic la yich' chicnantesel awu'une”, xiic.

1 Pedro 5:2

Canantayaic te chijetic yu'un Dios te ay ta awentaique. At'ejanic ta spasemal awo'tanic, melel jich ya sc'an yo'tan te Diose. Ma me sujbiluquex ta spasel, soc ma me ta scajuc nax taq'uin te ya x'at'ejexe. Ja' ya sc'an te binuc nax me awo'tanic ta spasele.

Hechos 20:28

Jich yu'un tsajtaya me abaic ja'ex, soc canantayaic ta stsojbol te chijetic ta banti yac'ojbeyex awat'elic ta scanantayel te Ch'ul Espiritue. Canantayaic te jch'uunjeletic yu'un te Cajwaltic te manbil ta xch'ich'el yu'une.

Miqueas 7:14

Cajwal, canantaya te lum awu'une, ja' te chijetic te awu'unineje, te pijt'em stuquelic ta ja'maltique, te joytaybilic yu'un te buen lequil q'uinale. Jich me x'awic'tilay bael ta aquiltic ta Basán soc ta Galaad, jich te bit'il la apas ta nameye.

Jeremías 31:9

Ya me xtal sc'opononic soc oq'uel. Jo'on ya quic' bael ta beja'etic soc ta pamal be, ta bay ma sc'ojch'in te yacanique. Melel jo'on Staton te Israele, soc te jnich'an Efraín, te ja' banquilale.

Isaías 40:11

Jich me ya xtal te bit'il jtul jcanan-chij te ya scanantay te xchije; te ya stsac jajch'el ta sc'ab te alal chijetic yu'une, ya spet bael ta stan, ya me yat'elin scanantayel te mero alaletic toe.

Salmos 22:26

We'anic, ja'ex te tenbilex ta uts'inele, ja' to me c'alal ya xnoj ta lec te ach'ujt'ique; albeyaic yutsil sc'oplal Cajwaltic ja'ex te ya aleique, cuxinanic bayal ja'wil.

Isaías 30:25

C'alal ya xc'ot sc'aalelal te muc'ul miltomba, soc te ya xjin coel te toyol ts'ajq'uetic, ay me ja'etic te c'ax tulan ya x'oquinic ta spisil te toyol witsetic soc te peq'uel witsetique.

Isaías 51:11

Ja' nix jich ya sujt'ic tel te mach'atic la yich' loq'uesel tel yu'un te Cajwaltique, soc ya x'ochic bael ta lum Sión. Ya me x'awunic ochel yu'un yutsil yo'tanic; ya me staic yutsil yo'tanic soc bin nax yo'tanic tey a. Te bitic c'ux la yaiyic, soc mel-o'tan, ya me xch'ayic bael.

Isaías 65:19

Te jo'one bin nax co'tan yu'un te Jerusalén, ay me yutsil co'tan yu'un te lum cu'une. Ma ba ya x'aiyot xan stojol oq'uel tey a, ni aw yu'un mel-o'tan.

San Mateo 5:4

“Bin nax me yutsil te mach'atic ayic ta oq'uel, te melel ya me xmuc'tesbot q'uinal yaiyic yu'un te Diose.

San Juan 4:10

Te Jesús la yalbey: —Te lajuc ana' stojol te majt'anil yu'un te Diose, soc te lajuc ana'bey sba te mach'a la sc'anbat ja'e, ja'at la ac'anbon te jichuque. Jich me ya cac'bat te ja' te cuxul stuquele —xi'.

Apocalipsis 14:4

Ja'ic te mach'atic ma ba la sboltes sbaic soc te antsetique, melel ju' yu'unic te ma ba nujbinique. Ja'ic nax stuquelic te ya stsac'linic te Alalchije, chican te banti ya xbajt'e, soc ja'ic te coltaybilic loq'uel ta yolil te ants-winiquetique, swenta yu'un ja'ic sba sit c'oem ta stojol te Diose soc te Alalchije.

Apocalipsis 21:22

Ma'yuc templo la quil tey a ta bay te muc'ul lume. Melel te Cajwaltic Dios te Spisil ya xju' yu'une soc te Alalchije, ja' templo yu'un te lume.

Apocalipsis 21:23

Ma xtuun xojobil c'aal soc xojobil u tey a. Melel ja' sacuben q'uinal yu'un te yutsil xojobil te Diose soc te xojobil te Alalchije.