Apocalipsis 7:16 - Bible in Tzeltal de Oxchuc y Tenejapa

¹⁶ Ma ba ya xc'axix swocolic ta wi'nal soc ta taquinti'il. Soc ma ba ya yaiybeyiquix xc'uxul te c'aale, soc ma ba ya xwoclajiquix yu'un te xq'uixnale.

Nuevo Testamento Tzeltal de Amatenango

¹⁶ Makꞌ xkꞌaxix swokolik ta wiꞌnal ni ta takin-tiꞌil. Ni makꞌ ya yaꞌiyikix xkꞌuxul kꞌajkꞌal, ni makꞌ ya xwokolajik yuꞌun te xkꞌixnale.

Bible in Tzeltal Bachajón

¹⁶ Ma ba ya xwi'najiquix soc ma ba ya ya'iyiquix taquinti'il, ma ba ya ya'iyiquix sc'uxul c'ahc'al, o yan sq'uixnal,

Apocalipsis 7:16 Referans Kwoze

Isaías 49:10

“Ma me ayuc wi'nal, soc ma me ayuc taquinti'il ya yaiyic; ma x'uts'inotic yu'un te c'aale, ni sq'uixnal te q'uinale. Melel c'uxic ta co'tan soc ya xneelajon yu'unic, soc ya quic' bael ta sloq'uibja'etic.

San Juan 4:14

Yan te mach'a ya yuch' te ja' ya cac' jtuquele, sbajt'el q'uinal ma xtaquej yo'tan yu'un. Melel te ja' ya cac' jtuquele, jich bit'il sloq'uib ja' ya xc'ot ta yo'tan. Ya me xcuxin sbajt'el q'uinal yu'un —xi' te Jesuse.

Apocalipsis 21:4

Soc ya me scusbot ya'lel sitic yu'un te Diose. Soc ma'yuquix te lajele soc te oq'uele soc te mel-o'tane soc te bila ay xc'uxule. Yu'un te bila ay ta neelale, ch'ayix bael ta spisil”, xi' la caiy.

San Mateo 5:6

“Bin nax me yutsil te mach'atic ayic ta wi'nal soc te taquin yo'tanic yu'un te bila toj ta pasele, te melel ya me xnojesbot ta yo'tanic te bila leque.

Salmos 121:6

Te c'aal ma xju' ya yuts'inat ta c'aaleltic, soc te u ma xyuts'inat ta ajc'ubal.

San Lucas 6:21

“Bin nax me awutsilic ja'ex te ayex ta wi'nal ta ora to, te melel ya me xnoj ach'ujt'ic. “Bin nax me awutsilic ja'ex te yacalex ta oq'uele, te melel ya me stse'en awo'tanic.

San Lucas 1:53

Te mach'atic ayic ta wi'nale, la snojesbeyix xch'ujt'ic ta lequil we'elil; yan te jc'ulejetique, jochol sc'abic la sticunix bael.

Isaías 41:17

“Te ants-winiquetic te ma'yuc bi ay yu'unique, ya sle ja' yuch'ic; ja'uc me to, ma ba ya staic. C'ax taquinajem yeic yu'un te taquinti'ile; ja'uc me to, jo'on te Ajwalilon ya me cat'elin yaq'uel, te jo'on te Dioson yu'un Israel, ma ba ya jpijt'es.

Isaías 25:4

Melel ja' anjibalat yu'un te me'bae, ja' ya xc'opojat yu'un te bitic ya xtuun yu'unic te mach'atic ayic ta wocole, anjibalat yu'un, ta bay tulan yic'al ja'al, axinalat yu'un te toyol sq'uixnal c'aale. Te bitic ya spas te winiquetic te c'ax amen yo'tanique, jich c'oem te bit'il tulan ic' ta yorail invierno,

Isaías 65:13

Jich yu'un te Cajwaltic ya yal: —Te abatetic cu'un ay me swe'elic, yan te ja'ex ya xwoclajex ta wi'nal; te abatetic cu'un ay me ja' ya yuch'ic, yan te ja'ex ya xwoclajex ta taquinti'il; te abatetic cu'un bin nax me yo'tanic, yan te ja'ex ya xjilex ta q'uexlal;

San Mateo 13:6

Te c'alal q'uejp te q'uinale, taquej yu'un, scaj te ma ba c'uben te yisime.

Cantares 1:6

Ma me ja'uc ay sc'oplal awu'un te bit'il ijc'one, soc ma me ja'uc ay sc'oplal awu'un te bit'il xchic'ojbon jnujc'ulel te c'aale. Te jbanquiltac ilinic ta jtojol, jich la yac'onic ta scanantayel ts'usubiletic; te jts'usubil c'oem ma ba ju' cu'un scanantayel.

Salmos 42:2

Taquin co'tan ta stojol Dios, ja' te Dios yu'un te cuxlejale. ¿Bi wan ora ya xtalon xan te ya jtejc'an jba ta stojol te Diose?

Santiago 1:11

Yu'un te c'alal ya xloc' tel te c'aale soc teme tulan q'uixnaj te q'uinale, ya xtaquej te wamale, soc ya xlubaj coel te sniche. Tey ya xch'ay a te yutsilale. Ja' nanix jich te jc'uleje, jich ya xch'ay bael ta q'uinal soc te bila ya spas ganar ae.

San Marcos 4:17

Ja'uc me to, te bit'il ma ba c'uben ta lec te yisime, jich ma xjalajic. Teme ya xtal yiljibal yo'tanic soc uts'inel ta stojolic ta scaj te sc'op Diose, tic' ya xch'ay xch'uunjel yo'tanic a.

San Marcos 4:6

Te c'alal q'uejp te q'uinale taquej yu'un, scaj te ma ba c'uben te yisime.

San Mateo 13:21

Ja'uc me to, ma ismajemuc ta yo'tan te bila la yaiy stojole. Teme tal woclajel soc uts'inel ta stojol ta scaj te Sc'op Diose, ya xchebaj yo'tan ta ora yu'un.

Jonás 4:8

C'alal loc' tel c'aal, Dios la yac' taluc q'uixin ic' ta stojol sloq'uib c'aal. Soc te bit'il ja' mero tojlinbot ta xc'uxul c'aal te sjol Jonás, jajch' ta buen wocol yu'un. Ya sc'an ya xlajix ya yaiy. La yal te Jonase: —Ja' mero lequix ya caiy te yacuc xlajonixe, ja' ma jc'anix te ya xcuxinone —xi' te Jonase.

Isaías 32:2

Ta juju-jtulic jich bit'il anjibal ya xc'ot yu'un te tulan iq'ue soc te tulan yic'al ja'ale. Jich me c'oemic te bit'il pasbil beja' ta taquin q'uinale, jich bit'il yaxinal muc'ul ton ta jochol taquin q'uinal.

Salmos 143:6

Ya jtoy moel jc'ab ta atojol; taquejemix co'tan yu'un te ma jtaate, jich c'oemonix ya caiy te bit'il taquin lume.

Salmos 63:1

Dios cu'un, ja'at Diosat cu'un. Spisil co'tan ya jleat, melel taquin co'tan ya caiy, ya jc'anat jichuc ja', Cajwal; mero spisil soc jcuxlejal ya jc'anat, jich bit'il taquin lumq'uinal te ma'yuc ya'lele, jich bit'il lumq'uinal te ma'yuc bi cuxul tey a.

Salmos 121:5

Te Cajwaltic, ja' te ya scanantayat; te Cajwaltic, ja' te ya yaxintesat ta yu'el; ja' te teq'uel ta ats'eel ta scoltaybelate.