Apocalipsis 7:13 - Bible in Tzeltal de Oxchuc y Tenejapa

¹³ Ay jtul te mamaletic te la sjojc'obone, te jich la yalbone: —¿Mach'atic a in to te slapojic saquil sc'u'ique soc banti talemic? —xi'.

Nuevo Testamento Tzeltal de Amatenango

¹³ Ay jtul te machꞌatik lom mamalikixe la sjojkꞌobon: —¿Machꞌatik a to te sak skꞌuꞌ-spakꞌike, sok ba talemik? —xchi.

Bible in Tzeltal Bachajón

¹³ Ay jtuhl te mamaletic la sjoc'obon: ¿Mach'atic a ini te sac sc'u' spac' slapojic soc banti talemic? xchi.

Apocalipsis 7:13 Referans Kwoze

Apocalipsis 7:9

Ta patil la quil ay bayal mach'atic talemic ta bay yanyantic nacionetic soc ta bay chajbalchajp sts'umbalic soc ta bay yanyantic slumalic soc ta bay yanyantic te sc'opique. Spisil tec'ajtic ta stojol te muc'ul nactijibale soc ta stojol te Alalchije. Bayalic ta c'axem to xan te ma xju' ta ajtayele. Sac te sc'u'-spac' slapojique, soc stuchojic palma ta sc'abic juju-jtul.

Apocalipsis 4:10

Te chaneb xcha'winic (24) mamaletique ya squejan sbaic ta stojol te mach'a nacal ta smuc'ul nactijib te stalel cuxul sbajt'el q'uinale. Ya scojt'es scoronaic ta stojol te muc'ul nactijibale soc jich ya yalic:

Apocalipsis 5:11

La quil soc la caiybey stojol sc'op tsobol ta jtul te ch'ul abatetic te sjoytayejic te muc'ul nactijibale soc uuc te bitic cuxajtique soc uuc te mamaletique. Te yajtalul te ch'ul abatetique bayal ta millón ta millón te ma ju' ta ajtayele.

Apocalipsis 5:5

La yalbon ts'iin te jtul mamale: —Ma x'oc'atix. Melel ya xju' yu'un sjamel selloetic te León-choj yu'un te sts'umbal Judá te ja' nix sts'umbal te muc' ajwalil Davide. Melel ju'ix yu'un tsalaw. Jich ya xju' yu'un sjamel soc spolel te juqueb selloe —xi'.

Apocalipsis 4:4

Ta sjoylejal te muc'ul nactijibale, la quil chaneb xcha'winic (24) nactijibaletic te tey nacalic a te chaneb xcha'winic (24) ta jtul mamaletic. Sac te sc'u'-spac' slapojique soc ay scorona ta sjolic te pasbil ta oro.

San Juan 7:28

Te c'alal yac ta p'ijubteswanej ta templo te Jesuse, tulan caj ta c'op: —¿Melel bal te ya ana'bon jba soc te ya ana' te banti talemone? Ja'uc me to, ma jtuquel-o'tanuc te talemone. Ja' ticunbilon tel yu'un te mach'a smelelil ya xc'opoje te ma x'ana'beyic sbae.

Jueces 13:6

Te ants ba yalbey te smamlal: —Ay jtul winic yu'un Dios tal ta jtojol. Bayal la yac'bon xiwuc co'tan, ja' nix yilel te ch'ul abat yu'un te Cajwaltique. Ma la jojc'obey mach'a a, soc ma la yalbon.

Génesis 16:8

Albot yu'un: —Ja'at Agar, te scriadaat Sarai, ¿banti talemat, soc banti ya xbaat? —utot yu'un. —Anel yacon ta stojol te Sarai, ja' te cajwale —xi' te Agar.

Daniel 7:16

Ja' yu'un noptsajon bael ta sts'eel jtul te mach'atic tey tec'ajtic a, la calbey te yacuc yalbon caiy sc'oplale. La xch'uun te ya yalbon caiye.

Hechos 3:12

C'alal jich la yil te Pedroe, jajch' sc'opon te lume: —Israeletic, ¿bi yu'un te yan sba ya awilic in to? ¿Bistuc te ya ana'liyotique? ¿Acuyojic bal te jo'otic la jcoltaytic in winic to? ¿Yu'un bal ya acuyic te jo'otic cu'eltic soc te bit'il lec jch'uunejtic Dios te la cac'tic beenuque?

Apocalipsis 3:4

Ja'uc me to, ay nax cha'oxtuluc te ay ta bay Sardis te ma ba ts'ilajem te sc'u'-spaq'uique. Ja'ic me te ya sjoinonic ta beel te slapoj saquil sc'u'-spaq'uique, yu'un jich me ya sc'an te bit'il ayique.