Apocalipsis 6:8 - Bible in Tzeltal de Oxchuc y Tenejapa

⁸ Jich la quil cojt' c'anal caballo. Te mach'a cajal ta spate, Lajel xi' te sbiile, soc ts'acal ta spat te Stsobjibal-animaetique. Ac'bot ta swenta jxejt' ta xchanxejt'el te balumilal te ya smil ta puñal, ta wi'nal, ta chamel soc ta ti'el ta jti'awal chambalametic ta balumilal.

Nuevo Testamento Tzeltal de Amatenango

⁸ La kil y la jta ta ilel jkojt kawu yax-yaxtik ta ilel y te machꞌa moem aye, “Lajel” xchi te sbiile. Tsꞌakal tal ta spat te machꞌa skuentainej te yawil te animaetike. Y aꞌbot spoder ta xejtꞌuk te xchanxejtꞌel te balmilale, yuꞌun ya smil ta guerra, ta wiꞌnal, ta chamel, y sok ta tiꞌel ta chanbalametik te aylan ta balmilale.

Bible in Tzeltal Bachajón

⁸ Hich la jquil ay jcoht c'anal cawu. Te mach'a cajal tey a, Lajel te sbihile, ha t'umbil yu'un te Yawil mach'atic chamenic. A'bot ta scuenta jun ta schanxeht'el te bahlumilal yu'un ya smil ta espada, ta wi'nal, ta tulan chamel soc ta ti'awal chambahlametic.

Apocalipsis 6:8 Referans Kwoze

Oseas 13:14

¿Ya bal cac' ta libre yu'un yu'el te muquenale? ¿Ya bal jcoltay loq'uel yu'un a te lajele? ¿Banti ay awu'el, ja'at lajel, te jinwanejate? ¿Banti ayic, muquenal, te bila amen awu'une? Ma ba ya jna'beyix yo'bolil sba te ants-winiquetique —xi' te Cajwaltique.

Apocalipsis 1:18

Jtalel cuxulon. Lajon, ja'uc me to, cuxulonix sbajt'el q'uinal. Jichuc. Quich'oj te sllaveil te lajele soc uuc te stsojbjibal animaetique.

Zacarías 6:3

Te yoxebale, nitbil ta saquil caballoetic. Te xchanebale, nitbil ta caballoetic te algo sacsactic stsotsilique.

Ezequiel 5:12

Ya me xlaj jun ta yoxebal ta c'ajc'al chamel te alumale, soc ya me xchamic ta wi'nal ta yutil alumal. Jun xan ta yoxebal ya me xlajic ta milel yu'un te contro ya xtal ta sjoyobale. Te yan jun xan ta yoxebal jileme, ya me jpuc bael ta xchanxujc'ul balumilal. Te jo'one ya me xboon ta spatic soc jpuñal ta smilel.

Jeremías 16:4

Ya me xlajic yu'un chamel te xiweltic sbae, soc ma'yuc mach'a ya x'oq'uetayotic yu'un, ni ma'yuc mach'a ya xmucotic yu'un; limilic me ta lum ya xjilic jich bit'il stsa' chambalam. Ta guerra soc ta wi'nal ya xlajic bael; te sbaq'uetalic ya me xlajic ta ti'el ta xulem soc jti'awal chambalametic —xi' te Cajwaltique.

Apocalipsis 9:18

Jteb ma oliluc te ants-winiquetic te lajic yu'un te oxchajp miljibale, ja' bi ja' te c'ajq'ue soc ch'ail soc azufre te loc' ta yeic te caballoetique.

Isaías 25:8

Te Cajwaltic ya sjin ta sbajt'el q'uinal te lajele. Ya me scusbey loq'uel ya'lel sitic ta spisilic; ya me yac' xch'ay ta jc'axel ta spamal balumilal te bit'il boloben sc'oplal te lum yu'une. Te Cajwaltic ja' yaloj stuquel.

Apocalipsis 9:15

Jich colic bael ta chuquel te chantul ch'ul abatetique, swenta yu'un ya xba smilic jteb ma oliluc te ants-winiquetique. Melel ja' swentail te chapalique, ja' to teme ya sta te bi ora soc bi c'aalil soc bi uil soc bi ja'wil te ya xc'ot ta pasele.

1 Corintios 15:55

Te ja'at lajel, ¿bit'il c'an awaiy xan tsalaw? Muquenal, ¿bit'il c'an ayuc xan awat'ejibe?”, te xie.

Habacuc 2:5

Te toyba winiquetic ya sc'anic te c'ulejalil, mero ma xlubic ta sleel. Spisil ora ya sc'anic xan bayal, manchuc me ja' syalesjibal ya xc'ot yu'unic. Ya sjam yeic jichuc muquenal; ma tic'uc ya yaiy yo'tanic a, jich bit'il te lajele. Ja' swentail te ya sten sbaic ta yu'uninel yantic nacionetic.

Jeremías 16:16

“Jo'on Ajwalilon, jich ya cal, ya me cac' xtal bayal jtsac-chayetic c'oem, swenta yu'un ya me stsaquic jichuc chay te israeletique. Soc ya cac' xtalic bayal jnutsmajeletic c'oem, swenta yu'un ya xnutsmajic soc ya sloq'uesic tel ta spisil witstiquil, ta ch'in witstiquil, soc asta ta bay jatemic te tontiquile.

San Mateo 11:23

Jichat uuc lum Capernaúm te atoyoj abaic c'alal ta ch'ulchan, ja'uc me to, c'alal ta infierno ya xch'ojotat coel. Melel te jichuc la yich' pasel jchajp at'eliletic ta banti lum Sodoma jich bit'il te la yich' pasel ta awolilique, chican to ta q'uinal ta ora to te jichuque.

Jeremías 43:11

Ya me xtal soc ya me sjin spamal sq'uinal Egipto. Te mach'atic chapal sc'oplal te ya xlaje, jich nix me ya xlaj abi; te mach'atic chapal sc'oplal ya x'ic'ot bael ta mosoil, jich nix me xbajt'ic abi; te mach'atic chapal sc'oplal ya xlaj ta guerra, jich nix me ya xlaj abi.

Proverbios 5:5

Teme ya acap aba soc te antse, ya me yic'at bael ta sbelal lajel; te juju-jtejc' te yacane, toj ya xbajt' ta muquenal ch'en.

Apocalipsis 12:4

Ta sne la smes coel jteb ma oliluc te eq'uetic ta ch'ulchane, soc la xch'oj coel ta balumilal. Te muc'ul chane la stejc'an sba ta stojol te ants te ya x'ayinix te yale, swenta yu'un ya me sbic'bey ta ora te c'alal ya x'ayine.

Jeremías 14:12

Manchuc teme bayal ya spas ayuno yu'un, ma ba ya quich'bey ta wenta te ya sc'anbonic coltayele. Manchuc me bayal chic'bil majt'anil ta scojt'ol soc te ya yac'bonic majt'anil harina ya yich'bonic tel, ma ba ya jtsacbey sc'op yu'un. Ya me jin ta guerra, ta wi'nal soc te chamel ya xmilawane —xi' te Cajwaltique.

Jeremías 24:10

Ya jticunbey guerra ta stojolic, wi'nal soc chamel te ya xmilawane, ja' to me te ma'yuc jtuluc ya xjil ta slumalic te la cac'bey yu'uninic soc te antiguo sme'-statique —xi' te Cajwaltique.

Jeremías 29:17

Jo'on Ajwalilon te Spisil ya xju' cu'une, jich ya cal: Ya jticun tel guerra ta stojolic, soc wi'nal soc chamel te ya xmilawan. Ya me jpas te jich ya xjilic te bit'il higoetic te c'a'emique, te c'ax amenic ta jyalel, te ma xju'ix ta lo'ele.

Ezequiel 29:5

Ya me jch'ojat c'axel ta jochol taquin q'uinal, ya me jch'ojat c'axel soc spisil te xchayul te muc'ja' awu'une. Ya me xt'uxajat ta yolq'uinal, ma'yuc mach'a ya smucat. Ya me cac' sti'at jti'awal chambalametic, ya me cac' sti'at mutetic te ya xwilic ta toyole.

San Mateo 24:7

Melel ya me xjajch' scontroin sbaic te nacionetique, soc te muc' ajwaliletique ya me xjajch' scontroin sbaic ta guerra. Soc ya me xtal bayal wi'nal, soc chamel, soc tulan nijq'uel ta bayuc.