Apocalipsis 6:17 - Bible in Tzeltal de Oxchuc y Tenejapa

¹⁷ Yu'un c'otix sc'aalelal te yilimbae. ¿Mach'a c'an cujch'uc yu'un?”, xiic ta aw.

Nuevo Testamento Tzeltal de Amatenango

¹⁷ Porke la staix skꞌaalel te tulan kastigoe, ¿y machꞌa kꞌan juꞌuk yuꞌun? xchiik.

Bible in Tzeltal Bachajón

¹⁷ como c'ohtix sc'ahc'alel te tulan yilimba, ¿mach'a c'an hu'uc yu'un stehc'ambel sba? xchihic ta aw.

Apocalipsis 6:17 Referans Kwoze

Malaquías 3:2

Ja'uc me to, ¿mach'a ya xcujch' yu'un te bi c'aalil ya xtale? ¿Mach'a ya xju' yu'un te stalel teq'uel ya xjile? Melel jich ya xjul te bit'il c'ajc' te ya slecubtesotic, jich bit'il xapon te ya sloq'uesbotic sbolil te co'tantique.

Joel 2:11

Te Cajwaltic neel yac'oj sba ta stojol te soldadoetic c'oem yu'une, ya yac' chicnajuc yaw ta mero tulan. Mero bayal te soldadoetic c'oeme, ma x'ajtabaj te mach'atic ya xch'uunbey smandale. Mero muc' soc mero xiweltic sba te sc'aalelal te Cajwaltique. Ma'yuc mach'a ya xcujch' yu'un.

Salmos 76:7

Mero xi'bilat atuquel. ¿Mach'a ya xju' yu'un ya stejc'an sba ta atojol te c'alal ya xtil jajch'el sc'ajc'al te awo'tane?

Apocalipsis 16:14

Ja' te espíritu yu'un te pucujetic te ya yaq'uic ta ilel jchajp at'eliletic soc ya stsobic spisil te muc' ajwaliletic te ayic ta balumilale. Yu'un ya me xtalic ta guerra te c'alal ya sta sc'aalelal te jun c'aal te mero muc' sc'oplal yu'un Dios te Spisil ya xju' yu'une.

Joel 2:31

Ya me x'ijc'ub te c'aale, te u, jich me ya xc'ot yilel te bit'il ch'ich', ja' me te c'alal ma to xc'ot sc'aalelal a te Cajwaltique, ja' te sc'aalelal te mero muc' sc'oplale, ja' te sc'aalelal te mero xiweltic sbae —xi' te Cajwaltique.

Jeremías 30:7

Ya me xnoptsaj tel sc'aalelal te mero xiweltic nax sbae; ma me ayuc jich sc'aalelal ya xc'ot yan a. Ja' me sc'aalelal te ya yaiy mel-o'tan te lum yu'un Jacob; ja'uc me to, ya me jcoltay.

Romanos 2:5

Ja'uc me to, c'ax tulan te awo'tane, yu'un ma ba asujt'esej te awo'tane. Jich yac ta toyel xan castigo ta atojol te quechel ya sta sc'aalelal castigoe. Tey ya xchicnaj a te Dios ya yal ta jamal te stojil te chajbanel yu'une.

Apocalipsis 11:18

Ilinix yo'tanic te nacionetique. Ja'uc me to, c'otix yorail te awilimbae, soc c'otix yorail te ya awilbey yat'elic te mach'atic lajemique, soc te ya awac'bey stojol sc'abic te abatetic awu'un te yacalic ta yaiyel j'alwaneje, soc te jayeb te mach'atic ch'ul lum yu'un te Diose, soc spisil mach'atic yich'oj ta muc' te abiile, chican teme muc' biq'uite, soc c'otix yorail te ya awac' ta lajel te mach'atic ya sboltesic te balumilale”, xiic ta yalel.

Judas 1:6

Soc te ch'ul abatetic te ma la yich' ta muc' te yat'elique, la yijq'uitayic te banti ayique. Ayic ta chuquel ta ijc' q'uinal ta ora to, swenta yu'un ya me yich' ich'el ta c'op te c'alal ya sta sc'aalelale.

San Lucas 21:36

Wiq'uiluc me asitic jiche. C'oponaic Dios ta spisil ora te ayuc me awipic te jich lec ya xc'ax awu'unic spisil te bila ya xc'ot ta pasele, soc te jich me ma'yuc falta awu'unic te ya atejc'an abaic ta stojol te Nich'anile —xi' te Jesuse.

1 Samuel 6:20

Te yajwal lum Bet-semes, jich la yalic: —¿Mach'a ya xju' ya stoy sba ta stojol te Cajwaltic, te ja' mero ch'ul Dios stuquele? ¿Mach'a ya xc'ot ta swenta teme loc' bael ta jtojoltique? —xiic.

Salmos 110:5

Te Cajwaltic ay ta swa'el ac'ab; te bi ora ya xc'ot te sc'ajc'al yo'tan, ya me sjin te muc' ajwaliletique;

Isaías 63:4

Jnopojix te ya sta sc'aalelal te ya jpas chajbanwaneje; c'otix yorail te ya x'ainic ta libre te lum cu'une.

Joel 1:15

¡Ay! Ya xnoptsajix sc'aalelal te Cajwaltique. Mero xiweltic sba te c'aal in to; ya me yich'botic tel lajel, ja' lajel yu'un te Mach'a Spisil ya xju' yu'une.

Joel 2:1

Oq'uesinaic oq'ues ta wits Sión, ac'a ta na'el ta ch'ul wits yu'un Cajwaltic te ya xtal swocolil. Ac'a jajch'icuc ta nijq'uel ta spisilic te mach'atic nainemic ta Judá, melel nopolix sc'aalelal te Cajwaltique:

Nahúm 1:6

¿Mach'a ya xju' yu'un te ya stejc'an sba ta stojol te yilimbae? ¿Mach'a ya xcujch' yu'un te sc'ajc'ale? Te sc'ajc'al yo'tan ya me spuc bael jichuc c'ajc', ya me xjat yu'un te muc'ul tonetique.