Apocalipsis 6:14 - Bible in Tzeltal de Oxchuc y Tenejapa

¹⁴ Te ch'ulchane ch'ay bael ta jsit jich bit'il ora nax ya yich' balel te june. Jeltaybot yawilic spisil te witstiquile soc te ch'in sejbelsejp q'uinaletic te joytaybilic ta mare.

Nuevo Testamento Tzeltal de Amatenango

¹⁴ Te chꞌulchane chꞌay bael jachik tutꞌil ya xbalot te june. Y spisil te witstikile y sok te chꞌinik luwar te joybil ta jaꞌe, jeltalanbot sluwar.

Bible in Tzeltal Bachajón

¹⁴ Te ch'ulchan ch'ay bahel hich te bin ut'il ya yich' balel hun, soc jeltaybot yawilic spisil witsiltic soc te q'uinaletic joytaybilic ta ha'.

Apocalipsis 6:14 Referans Kwoze

Isaías 34:4

Spisil te bitic xlemlajan ta ch'ulchan ya me sjin sbaic. Te ch'ulchane, ya me sbal sba, jich bit'il balal jun; soc spisil te eq'uetic ya me xtup' xojobilic, jich ya xch'ayic te bit'il ya xch'ay coel yabenal te sts'usub o te yabenal higuerae.

Apocalipsis 16:20

Spisil ch'ayic bael ta ilel te ch'in q'uinaletic te joytaybilic ta mare soc te witstiquile.

2 Pedro 3:10

Ma na'biluc cu'untic te bi c'aalil ya xtal te Cajwaltique cu'untic, jich bit'il ma na'biluc cu'untic te ay ajc' nax ya xtal j'elec' ta ajc'ubale. Te bi c'aalil ya xtal te Cajwaltique, xnililet nax me ya xlaj bael te ch'ulchane. Soc ya me xlilaj ta c'ajq'uel spisil te c'aale, te ue, te eq'uetique. Soc te balumilale ya me xlaj ta chiq'uel soc spisil te bitic ay tey ae.

Salmos 102:26

Ta spisilic jc'axel ya xlajic stuquelic, yan te ja'at atalel cuxul ya xjilat atuquel. Spisilic c'unc'un ya xlajic ta jc'axel jichuc c'u'il; ja'at nix ya ajeltay, jich jeltaybil ya xjil awu'un, jich c'oem te bit'il mach'a ya sjeltay te sc'u'e.

Apocalipsis 20:11

La quil ay mero muc'ul saquil nactijibal te ay mach'a nacal tey a. Loc' bael ta anel ta stojol te ch'ulchan balumilale, ma ba wejt' xan yawilic ta banti ya x'ainique.

Ezequiel 38:20

Te chayetic ta mar, te mutetic ta toyol, te jti'awal chambalametic, soc te bitic staslajan ya xbeenic ta lume, ya me xnijq'uic yu'un xiwel ta jtojol, soc ja' ni me jich te ants-winiquetic ta balumilale. Te witstiquil ya me xlaj ta jemts'ujel, te tonetic ya me xyalic coel, spisil me te joyob ts'ajq'uetic ya me xyalic coel ta lum.

Isaías 54:10

Manchuc me ya sjel yawil te witstiquile, soc te ch'in witstiquil ya xjemts'ujic coel, yan te xc'uxul co'tan ta atojole, ma xyanaj, ni ma stij sba te trato swenta lamal-o'tanile —xi'. Jich la yal te Cajwaltic te ya sna'bat yo'bolil abae.

Apocalipsis 21:1

Soc la quil yach'il ch'ulchan soc yach'il balumilal. Yu'un te sbabial ch'ulchane soc te sbabial balumilale ch'ayiquix bael soc ma'yuquix te mare.

Habacuc 3:6

Te lumq'uinal ya xnijc' te c'alal ya xcom ta beele; ya xcajic ta nijq'uel te nacionetic te c'alal ya x'ilot yu'une. Te muc'ul witsetic ya xjemic coel; ya xch'ayic bael te antiguo witsetique. Yan te beetic yu'un Dios sbajt'el q'uinal ayic stuquel.

Nahúm 1:5

Ya xnijq'uic te toyol witstiquil ta stojol; te peq'uel witstiquil ya x'ulubic yu'un. Spisil te lumq'uinal ya stij sba te c'alal ya yil; spamal balumilal ya stij sba soc te mach'atic nainemic tey a.

Jeremías 51:25

Jcontroinejat ja'at, wits c'oemat swenta jinawanej, te ya ajin spamal te balumilale. Jo'on Ajwalilon, jich ya cal. Ya me jtoy jc'ab, ya cac'bat castigo. Ya jtselc'unat coel tel c'alal ta sba muc'ul tonetic, soc ya jc'atp'unat ta c'ajq'uem wits.

Habacuc 3:10

Te witsetic ya xnijq'uic te c'alal ya yilate; ya xco tel ta ch'ulchan bayal ja'al. Te snabilal te mar ya x'awun, yu'un te ya stoyes moel yip te sbule.

Jeremías 3:23

Ma'yuc bila la jtatic a te ya xbootic ta ch'in witstiquil, o te ya x'awunotic ta sba witstiquil; ja' nax ta swenta Cajwaltic te Dios cu'untic te ya jtatic jcoleltic, jo'otic te israelotique.