Apocalipsis 6:12 - Bible in Tzeltal de Oxchuc y Tenejapa

¹² La quil c'alal la sjam te swaquebal sello te Alalchije, tal tulan nijq'uel ta balumilal. Te c'aale ijc'ub. Jich c'ot ta ilel te bit'il ijc'al ch'ixal pac' swenta mel-o'tan. Te ue tsajub jich bit'il stsajal te ch'ich'e.

Nuevo Testamento Tzeltal de Amatenango

¹² Te kꞌalal la xchꞌiꞌ te swakebal seyo te Chꞌin Karnerae, la kil tal jun tulan jikichab. Te kꞌajkꞌale ijkꞌ a sujt jachik tutꞌil kꞌuꞌul-pakꞌal te skuenta ajtal-oꞌtane; te ue spisil tsaj a sujt jachik tutꞌil chꞌichꞌ;

Bible in Tzeltal Bachajón

¹² La jquil c'alal la sjam te swaquebal sello, tal tulan nihquel. Ihc'ub te c'ahc'al hich te bin ut'il ihc'al ch'ixal pac', tsajub te u hich te bin ut'il ch'ich',

Apocalipsis 6:12 Referans Kwoze

San Mateo 24:29

“Teme c'axix sc'aalelal a te woclajel ta uts'inele, ya x'ijc'ub te c'aale, soc ma ba ya yac' xojobil te ue, soc ya me xch'ay coel ta ch'ulchan te eq'uetique, soc ya me yich' tijel te bitic ay yipic ta yolil te ch'ulchane.

Joel 2:10

Te lumq'uinal ya stij sba ta stojolic, te ch'ulchan ya syuc' sba yu'unic, te c'aal te u ya xch'ay xojobil, te eq'uetic ya x'ijc'ub yu'unic.

Joel 3:15

Ya me x'ijc'ub c'aal, ya me x'ijc'ub u, ya me xtup' xojobil te eq'uetique.

Amós 8:9

Jamal ya yal te Cajwaltique: —Te c'alal ya sta yorail, ya me x'ijc'ub q'uinal ta olil c'aal, ta c'aaleltic ya cac' x'ijc'ub q'uinal ta balumilal.

Apocalipsis 16:18

Jich xlemlajan nax jajch'el tsantsewal, soc ay bila bayal yac ta bul sc'op, soc tal tulan chawuc, soc nijc' te balumilale. C'ax jich nicot te bit'il yantic nijq'uel c'axemix tel te jayeb c'aal ayiquix tel ta balumilal te ants-winiquetique.

Apocalipsis 11:13

Ora nax a tal tulan nijq'uel. Jin xejt' ta slajunxejt'el te muc'ul lume, soc jucmil (7,000) ta jtul ants-winiquetic laj yu'un te tulan nijq'uele. Jich te ants-winiquetic te cuxulic jilele, och xiwel ta yo'tanic yu'un. Caj yalbeyic yutsilal te Dios te ay ta ch'ulchane.

Isaías 50:3

Jo'on ya cac'bey slap mel-o'tan pac' c'oem te ch'ulchan, ya jmuc ta ch'ixal pac' —xi' te Cajwaltique.

Apocalipsis 8:5

Te ch'ul abate la stsac xan te xchic'jibal pome. La snojes ta yac'alel c'ajc' te ay ta scajtijib majt'anile. La sbusq'uin coel ta balumilal te yac'alele. Tey chicnaj chawuc a soc ay bila yac ta bul sc'op soc tsantsewal soc tulan nijq'uel.

Isaías 24:23

Te Cajwaltic te Spisil ya xju' yu'une, ya me x'at'ej jichuc muc' ajwalil ta wits Sión, ta Jerusalén; te c'aal soc te u ya me xch'ay xojobilic, te jtsobwanejetic yu'un te lume, ya me yilbeyic yutsil xojobil te Cajwaltique.

San Mateo 24:7

Melel ya me xjajch' scontroin sbaic te nacionetique, soc te muc' ajwaliletique ya me xjajch' scontroin sbaic ta guerra. Soc ya me xtal bayal wi'nal, soc chamel, soc tulan nijq'uel ta bayuc.

San Marcos 15:33

Ta olil c'aal ijc'ub q'uinal ta spamal te balumilale, ja' to ta oxeb ora smalel te c'aale.

San Mateo 28:2

Tal tulan nijq'uel, melel coj tel ta ch'ulchan jtul ch'ul abat yu'un Cajwaltic te c'ot ta muquenale. La stsel loq'uel te muc'ul ton macal sti' a. Tey la snajc'an sba ta sba te tone.

San Mateo 27:54

Te centurión yu'un soldadoe soc te mach'atic sjoineje te yacalic ta scanantayel Jesús soque, bayal xiwic yu'un te la yilic te bit'il nijc' te balumilale soc te bayal bila c'ot ta pasele. Jich la yalic: —Melel nix a te ja' Snich'an Dios in winic to —xiic yu'un.

San Mateo 27:45

Ta olil c'aal ijc'ub q'uinal ta spamal te q'uinale, ja' to ta oxeb ora smalel a te c'aale.

Zacarías 14:5

Te ja'ex ya me x'anex bael ta suclej te ya xjil ta olil yu'un te witsetique, ja' te ya xc'ot c'alal ta Azal, ta sjejch'elul baele. Jich me ya x'anex bael te bit'il anic bael ta namey te antiguo ame'-atatic, ja' te anic ta swenta xi'el te nijq'uel, te c'ax te c'alal ay ta muc' ajwalil a te Uzías, ja' te c'alal swentainej a te sq'uinal Judá. Ya me xtal te Cajwaltic te Dios cu'un, sjoinej me ya xtal spisil te mach'atic jun yo'tan la yac' sbaic ta stojole.

Amós 1:1

Ja' sc'op te Amós, te jcanan-chij ta lum Tecoa, te ac'bot ta swenta yalel yu'un Dios te sc'oplal Israel. Cheb ja'wil sc'an xtal nijq'uel a, ta yorail Uzías te muc' ajwalil ta Judá, soc Jeroboam snich'an Joás te muc' ajwalil ta Israel.

Isaías 34:4

Spisil te bitic xlemlajan ta ch'ulchan ya me sjin sbaic. Te ch'ulchane, ya me sbal sba, jich bit'il balal jun; soc spisil te eq'uetic ya me xtup' xojobilic, jich ya xch'ayic te bit'il ya xch'ay coel yabenal te sts'usub o te yabenal higuerae.

San Mateo 11:21

—¡Lum Corazín, ya me awil awocolic! ¡Lum Betsaida, ya me awil awocolic uuc! Melel te teyuc la yich' pasel jchajp at'eliletic ta bay lum Tiro soc ta lum Sidón jich bit'il te la yich'ix pasel ta atojolique, ora la slapic ch'ixal pac', soc la snajc'an sbaic ta stanul c'ajc' ta sujt'esel yo'tanic te jichuque.

Apocalipsis 8:12

Te xchanebal ch'ul abate la yoq'uesin te oq'uese. Bolob jxejt' ta yox-xejt'el te c'aale soc jxejt' ta yox-xejt'el uuc te ue soc jteb ma oliluc uuc te eq'uetique. Jich ijc'ub jxejt' ta yox-xejt'el te q'uinale. Jich ay chanebuc ora tup'en xojobil c'aal ta c'aaleltic soc jich nix te u ta ajc'ubal.

Apocalipsis 16:8

Te xchanebal ch'ul abate ba smal ta bay c'aal te copa yich'oje. Jich ac'bot tulan yip sc'aal yu'un xchiq'uel ta c'axem to xan te ants-winiquetique.