Apocalipsis 6:11 - Bible in Tzeltal de Oxchuc y Tenejapa

¹¹ Jich ac'bot slapic saquil c'u'il juju-jtul, soc albotic te junuc yo'tan ac'a smaliyic xan jtebuc, ja' to teme ts'acaj yajtalul te yermanotac te ayic ta abatinel yu'un te Cristoe, puersa ya yich'ic milel uuc, jich te bit'il la yich'ic milel stuquelique.

Nuevo Testamento Tzeltal de Amatenango

¹¹ Jicha akꞌtalanbot sakil skꞌuꞌ-spakꞌik, y altalanbot te ya to xkux yoꞌtanik jun chebuk xanix kꞌaal, jaꞌ to teme tsꞌakay te jaytul xan yermanotak te ayik ta abatinel yuꞌun te Cristoe te puersa jich ya xlajik jachik tutꞌil lajik stukelike.

Bible in Tzeltal Bachajón

¹¹ Hich ac'ticlambot slapic saquil pac' soc halbotic te ya me smahliyic jtebuc xan, ha to teme ts'acay spisil te smohloltac soc te yermanotac te ya to xlajic ta milel hich te bin ut'il lajic ta milele.

Apocalipsis 6:11 Referans Kwoze

Apocalipsis 7:9

Ta patil la quil ay bayal mach'atic talemic ta bay yanyantic nacionetic soc ta bay chajbalchajp sts'umbalic soc ta bay yanyantic slumalic soc ta bay yanyantic te sc'opique. Spisil tec'ajtic ta stojol te muc'ul nactijibale soc ta stojol te Alalchije. Bayalic ta c'axem to xan te ma xju' ta ajtayele. Sac te sc'u'-spac' slapojique, soc stuchojic palma ta sc'abic juju-jtul.

Apocalipsis 14:13

Soc la caiy stojol te ay mach'a c'opoj tel ta ch'ulchane. Jich la yalbon: —Ts'ibuya ta jun in to: “Bin nax me yutsilic ta ora to soc ta sbajt'el q'uinal te animaetic te xch'uunejic Cajwaltic te lajique”, xi' me —la yuton. La yal te Espiritue: —Melel nix a. Ya me yich'ic lewa yu'un te yat'elique, soc ya me sjoinic tey a te yat'elique —xi'.

Apocalipsis 7:14

La calbey: —Tatic, ja'at ya ana' —la cut. Jich la yalbon: —Ja'ic in to te mach'atic c'axix yu'unic te bayal uts'inele. Sac'ojiquix sc'u'-spaq'uic. Ja' la sacubtesic a te xch'ich'el te Alalchije.

Hebreos 11:40

yu'un ay yan te c'axem to xan ay yutsilal te xchajbanej te Diose. Melel ayotic ta yo'tan uuc te jo'otique. Jich ma stuqueluc nax te ya yich'ic utstesel ta jc'axele, melel jo'otic ya me quich'tic utstesel ta jc'axel uuc.

San Juan 16:2

Ya me stenex loq'uel ta sinagogaetic, soc ya me sta yorail te mach'auc ya smilexe, yu'un scuyojic te ja' yat'el Dios te ya spasique.

Daniel 12:13

Pero te ja'ate, Daniel, tojan bael ta slajibal awu'un, baan cuxa awo'tan, ja' to ta slajibal c'aal ya me xjajch'at ta yich'el te stojol ac'abe —la yuton, jo'on te Danielone.

Apocalipsis 17:6

La quil te antse yacuben yu'un xch'ich'el te mach'atic ch'ul lum yu'un te Diose soc te xch'ich'el te mach'atic la yich'ic milel yu'un te la yalic ta jamal te xch'uunejic te Jesuse. Te c'alal la quile, cham nax la caiy yu'un.

Apocalipsis 13:15

Soc ac'bot ta swenta te ya yac' cuxinuc sloc'omba te sbabial chambalam te xi'bantic sbae, swenta yu'un jich me ya xc'opoj te loc'ombae soc swenta yu'un jich ya yac' ta milel spisil te mach'a ma sc'an slajin sbaic ta stojole.

San Mateo 10:21

“Ay me yermano sbaic te ya yac' sbaic ta milele. Soc ay me tatil te ya yac' ta milel te yal-snich'ane. Soc ay me alnich'anetic ya xjajch' scontroinic te sme'-statique, soc ya me yaq'uic ta milel.

San Lucas 15:22

“Ja'uc me to, te state la yalbey mandal ta ora te abatetic yu'une: “Ich'bonic tel ta ora te lequil c'u'ule. Ac'bonic slap a. Ac'bonic xch'ocow ta sc'ab, soc ac'bonic xanab slap.

Hechos 20:24

Ja'uc me to, ma ba ya jmel co'tan yu'un. Ma'yuc sc'oplal te bit'il ay te jcuxlejale. Ja' nax ay sc'oplal ta co'tan te bin nax co'tan ya jloq'ues te jayeb c'aal ay ta jwenta, ja' to c'alal te ya xc'ot coraile, soc te ya ju'tes cat'el te yac'ojbon ta jwenta spasel te Cajwaltic Jesuse, ja' bi ja' te la yac'bon ta jwenta yalel sc'oplal te jcoleltic ta swenta nax yutsil yo'tan cu'untic te Diose.

2 Tesalonicenses 1:7

Yan te ja'ex, te awich'ojic controinele, ya me yac'beyex awich'ic lewa yu'un awocolic, soc uuc te jo'otic, te bi ora ya xchicnaj tel ta ch'ulchan te Cajwaltic Jesuse. Joytaybil ta yat c'ajc' ya xtal soc te ch'ul abatetic yu'une te ay bayal yipique.

2 Timoteo 4:7

Te jo'one la caiyix tsalaw, ju'ix cu'un te animal beele, ma ba ch'ay te xch'uunjel co'tane.

Hebreos 4:10

Melel te mach'atic ya x'ochic tey a ta bay te cux-o'tan yu'un te Diose, ya yich'ic lewa yu'un yat'elic uuc jich bit'il te la yich' lewa yu'un yat'el te Diose.

Hebreos 12:23

te stsoboj sbaic ta sc'ajintayel te Diose, soc ta bay stsoboj sbaic te sbabial alnich'anetic yu'un Dios te nacal sbiilic ta bay te ch'ulchane. Soc noptsajemex ta stojol te Diose te Jchajbanwanej yu'un spisil te ants-winiquetique, soc ta bay ay xch'ulelic te mach'atic xch'uunejbeyic smandal Dios te utstesbilic ta jc'axel yu'une,

Apocalipsis 10:6

Jich la yac' ta testigo te Mach'a stalel cuxul sbajt'el q'uinal te la spas te ch'ulchane soc spisil te bitic tey ae, te balumilale soc spisil te bitic tey ae, te mare soc spisil te bitic ay tey ae, jich la yal: “Ma ba jalix c'aal.