Apocalipsis 6:10 - Bible in Tzeltal de Oxchuc y Tenejapa

¹⁰ Tulan yacalic ta aw, jich la yalic: “Cajwal, Ch'ul Diosat ta melel, ¿jayeb to xan c'aal sc'an te ya sta yorail te ya awaiy chajbanwanej te ya awac'bey stojic te bit'il la smalbotic jch'ich'eltic te mach'atic nainemic ta balumilale?”, xiic ta aw.

Nuevo Testamento Tzeltal de Amatenango

¹⁰ Tulan ya yalik: “Chꞌul Kajwaltik, y te ben jun awoꞌtane, ¿tut to ora ya awichꞌ jkuenta te machꞌatik ay ta balmilal te la smilotike, y te ya awaꞌbe stoje?” xchiik.

Bible in Tzeltal Bachajón

¹⁰ Tulan hich yac yalbelic: Cajwal te toj awo'tan soc te smelelil te ac'ope, ¿bin to ora te yac awich' ta c'op soc te yac awa'be stoj te mach'atic ayic ta bahlumilal te la smal jch'ich'elcotic? xchihic.

Apocalipsis 6:10 Referans Kwoze

Apocalipsis 19:2

Yu'un toj awo'tan ya awac' castigo ta swenta te bila smelelile, melel la awac'beyix castigo te mero jmulawil ants te la sboltes ta smulwej spamal te balumilale. Dios la yac'beyix stoj te la smilbey te abatetic yu'une”, xiic.

Apocalipsis 11:18

Ilinix yo'tanic te nacionetique. Ja'uc me to, c'otix yorail te awilimbae, soc c'otix yorail te ya awilbey yat'elic te mach'atic lajemique, soc te ya awac'bey stojol sc'abic te abatetic awu'un te yacalic ta yaiyel j'alwaneje, soc te jayeb te mach'atic ch'ul lum yu'un te Diose, soc spisil mach'atic yich'oj ta muc' te abiile, chican teme muc' biq'uite, soc c'otix yorail te ya awac' ta lajel te mach'atic ya sboltesic te balumilale”, xiic ta yalel.

Romanos 12:19

Quermanotac te c'uxex ta co'tane, ma me xawac'beyic spacol te mach'a staoj smul ta atojole. Ijq'uitaybeya ta swenta yilimba te Diose, te melel jich ts'ibubil jilel ta Sjun te Diose: “Jtuquel ay ta jwenta yaq'uel spacol. Jo'on ya cac'bey stoj”, te xi' te Cajwaltique.

Salmos 9:12

Dios ya sna' te mach'atic ya smel yo'tanique; ma ba ya xch'ay ta yo'tan yu'un te yajc'anique, soc ya yac'bey castigo te mach'atic ya x'uts'inwanique.

Apocalipsis 3:7

Soc la yalbon: —Ts'ibubeya te ch'ul abat yu'un te jchajp jch'uunjeletic te ay ta lum Filadelfia: Jich me la yal te ch'ul Dios te ma'yuc lot ta yo'tane, ja' te Mach'a yich'oj te llave yu'un te muc' ajwalil Davide, ja' te Mach'a ya sjam te ma'yuc jtuluc ya xju' yu'un smaquele. Te bila ya smaque, ma'yuc jtuluc mach'a ya xju' yu'un sjamel.

San Lucas 21:22

Yu'un ja' me yorailix te castigo ta stojolique. Jich me ya xc'ot ta pasel spisil te bila ts'ibubil jilel sc'oplal ta Sjun te Diose.

Zacarías 1:12

Te ch'ul abat yu'un Cajwaltic, jich la yal: —Cajwal te Spisil ya xju' awu'une, ayix ta lajuneb xchanwinic (70) ja'wil te ilinemat ta stojol te Jerusalén soc te lumetic yu'un Judá. ¿Bi to ora soc bi to c'aalil te ya acha'na'bey xan yo'bolil sbaique? —xi'.

Apocalipsis 18:20

Bujts'najuc me awo'tanic, ja'ex te ayex ta ch'ulchane soc te jpuc-c'opexe soc te j'alwanejex yu'un te Diose soc ja'ex te ch'ultesbilexe. Yu'un Dios la yac'beyix stoj te bila amen la spasbeyexe.

Apocalipsis 18:24

Melel ta bay te muc'ul lume, chicnajix te tey malbil xch'ich'elic te j'alwanejetic yu'un te Diose soc te mach'atic ch'ul lum yu'un te Diose soc spisil yantic te lajemic ta milel ta balumilale.

Salmos 79:10

Ma me xyalic te mach'atic ma ba xch'uunejate: “¿Banti ay te Dios yu'unique?” te xiique. Ac'a quiltic bit'il ya asujt'esbey spacol te la yich'ic milel te abatetic awu'une; soc yacuc yilic uuc te mach'atic ma ba xch'uunejate.

1 Samuel 24:12

Ja' ac'a xchajbanotic ta jchebaltic te Cajwaltic, soc ja' ac'a sujt'es spacol ta atojol stuquel. Yan te jo'one ma'yuc bi ora ya xyal jc'ab ta atojol.

Apocalipsis 3:10

Scaj te ach'uunejbon te bila la calbat te jun me awo'tan ya ats'ic awocole, jo'on me ya jcanantayat te c'alal ya xtal prueba ta spamal balumilal, swenta yu'un ya me x'ilbot yo'tanic spisil te mach'atic ainemic ta balumilale.

Génesis 4:10

Te Diose jich la yalbey: —¿Bi yu'un jich la apas? Ja' la yalat te xch'ich'el awijts'in te la amalbey ta lumq'uinale.

Hebreos 12:24

soc ta bay teq'uel ta c'op te Jesús ta xchajbanel te yach'il tratoe, soc ta ba ay te xch'ich'el te yich'oj tsijts'anel te c'axem to xan t'ujbil a te bit'il xch'ich'el te Abele.

Daniel 12:6

Ay jtul c'opoj, la sjojc'obey te winic sc'u'inej lino-pac', ja' te ay ta yajc'olal te muc'ja'e, jich la yalbey: —¿Bi ora ya sta yorail slajibal te bitic jchajp xanix sc'oplal ae? —la yut.

Isaías 61:2

Tal jcholbey sc'oplal te ya'wilal c'uxtayel yu'un te Cajwaltique, ja' sc'aalelal yu'un te Dios cu'untic te ya yac'bey spacol te jcontrotique. La sticunon tel ta smuc'tesbeyel q'uinal yaiyic spisilic te mach'atic ayic ta mel-o'tane,

Salmos 35:17

Cajwal, ¿jayeb to xan c'aal ya awilulay bael? Coltaybon te jcuxlejal, te cuxulon ae; ja' león-chojetic c'oem, yacalic ta aw bael.

Salmos 13:1

Cajwal, ¿jayeb xan c'aal ya ach'ayon ta awo'tan? ¿Sbajt'el bal q'uinal ya ach'ayon ta awo'tan? ¿Jayeb xan c'aal ya anac' aba ta jtojol?

Jueces 16:28

Te Sansón la sc'opon te Cajwaltic, jich la yal: —Ya calbat wocol, Cajwal, na'awon junuc xan buelta. Ac'bon xan quip te ya stojbonic filisteoetic ta xchebal te jsite, jun nax buelta ta spisilic —xi' ta sc'oponel te Diose.

Daniel 8:13

Patil la caiy yac ta c'op jtul ch'ul abat, la sjojc'obey yan ch'ul abat, jich yac ta yalel: —¿Bi to ora ya xlaj te bila chican yac ta pasel ta scajtijib ta chiq'uel milbil smajt'an Dios swenta jujun c'aale? ¿Jayeb c'aal ya xjalaj te mulil ilaybil sbae, ja' te ay ta c'abal soc yac ta pech'el ta teq'uel te ch'ul awilal yu'un Cajwaltic soc te mach'atic ch'uunbil yu'une? —xi'.

Salmos 119:84

¿Jayeb xan c'aal ya jmaliy? ¿Bi ora ya awac'bey castigo te mach'atic ya yuts'inonique?

San Lucas 2:29

—Cajwal, jun co'tan ic'awonix ta atojol. Melel c'otix ta pasel te bila awalojbon te awabatone.

2 Pedro 2:1

Ja'uc me to, namey q'uinal ay lotil j'alwanejetic ta yolil te lum Israele. Ja' nanix jich ya me xchicnaj lotil maestroetic ta awolilic uuc. Muquen me ya yaq'uic ta nopel yan c'op te ya xjinawane. Ma ja'uc ya yaq'uic ta ich'el ta muc' te Cajwaltic te la stojbey scolelique. Jich me ora ya yich'ic jinel stuquelic.

Lamentaciones 3:64

Cajwal, ac'beya castigo te bit'il ya sc'ane, ac'beya stoj te bit'il nix te yat'elique.