Apocalipsis 5:3 - Bible in Tzeltal de Oxchuc y Tenejapa

³ Ja'uc me to, ma ba wejt' jtuluc ta ch'ulchan soc ta balumilal soc ta ye'tal balumilal te ya xju' yu'un sjamel te balbil june. Ni jtuluc ma'yuc mach'a ju' yu'un yilel.

Nuevo Testamento Tzeltal de Amatenango

³ Pero ni ta chꞌulchan ni ta balmilal ni ta yeꞌtal balmilal, ni jtuluk ya xjuꞌ ya sjam te balbil june sok ni jtuluk ya xjuꞌ ya yil.

Bible in Tzeltal Bachajón

³ Mayuc mach'a ay ta ch'ulchan, ta bahlumilal o ta ye'tal bahlumilal te hu' yu'un ya sjam te hun o te ya yile.

Apocalipsis 5:3 Referans Kwoze

Apocalipsis 5:13

Spisil te bitic chicnantesbil yu'une te ay ta ch'ulchan soc ta balumilal soc ta ye'tal balumilal soc ta mar soc spisil te bitic ay tey a, jich yacalic ta yalel: “Te mach'a nacal ta muc'ul nactijibal soc te Alalchije, ac'a yich' albeyel wocol. Ay ta ich'el ta muc', ay yutsilal soc ay yu'el ta sbajt'el q'uinal”, xiic ta spisilic.

Romanos 11:34

Te melel jich ts'ibubil jilel: “¿Mach'a c'an ju'uc yu'un sna'el te bila snopoj te Cajwaltique? ¿Soc mach'a c'an ac'botuc consejo yu'un?

Isaías 41:28

Yacon ta yilel te ma'yuc jtuluc te jcuybilic ta diosetic ya xchicnaj; ma'yuc mach'a ya yalbon te bila lec ta pasele, ma'yuc mach'a ya sujt'esbon te bila ya jojc'oe.

Filipenses 2:10

Jich yu'un ta swenta sbiil te Jesuse, ya me squejan sbaic te mach'atic ayic ta ch'ulchane, soc te mach'atic ayic ta balumilale, soc te mach'atic ayic ta yanil te balumilale.

Apocalipsis 5:4

Bayal la coq'uetay jba yu'un, melel ma ba wejt' jtuluc te mach'a ya xju' yu'un sjamel soc sc'oponel te june.