Apocalipsis 3:17 - Bible in Tzeltal de Oxchuc y Tenejapa

¹⁷ Melel te ja'ate jich ya awal: “C'ulejon te jo'one. Ju'ix cu'un tsobel bayal te jc'ulejale. Xujt' ma'yuquix jwocol”, te xaate. Ja'uc me to, ma x'ana' te ay bayal awocol soc te bayal yo'bolil aba ta q'uinale, xujt' ma'yuc bila ay awu'un te ma'sitate soc te t'analate.

Nuevo Testamento Tzeltal de Amatenango

¹⁷ Yuꞌun te jaꞌate jich ya awal te jkꞌulejate, sok te lek ayat bael, sok te ni maꞌyuk tut palta ya awaꞌiye. Y ni makꞌ ya awaꞌiy aba tutꞌ ayat te toj oꞌol abae, sok te maꞌyuk tut ay awuꞌune, sok te ma xꞌawil kꞌinale, sok te tꞌaxalate.

Bible in Tzeltal Bachajón

¹⁷ Hich yac awal: Jc'uhlejon, la jtahix jc'uhlejal, mayuc bin ya spason falta, xchihat. Pero ma xana' te mayuc bin ay awu'un, c'ux obol aba, pobrehat, ts'o'sitat soc watalat.

Apocalipsis 3:17 Referans Kwoze

Proverbios 13:7

Ay mach'atic ma'yuc bila ay yu'un, pero jc'ulejetic yilel; ay yantic ay yu'un ta spisil, pero me'baetic yilel.

Oseas 12:8

Efraín ya yal: “Melel xawal, jc'ulejonix, la jtaix jc'ulejal. Pero ma'yuc mach'a ya xju' slebon jmul yu'un te bit'il la jta te jganare, ma ba mulil te bila la jpase”, xi'.

Apocalipsis 2:9

Jo'on quilojbat spisil te awat'ele. Soc quiloj te bit'il ayat ta uts'inele, soc te ma'yuc bi ay awu'une. (Ja'uc me to, ay ac'ulejal.) Soc te ayat ta toybac'optayel yu'un te mach'atic scuyoj sbaic ta judioe, ja'uc me to, ma ja'uquic, melel ja' nainbil yo'tanic yu'un te Satanase.

Romanos 7:24

¡Obol jba yu'un ya caiy! ¿Mach'a ya xju' ya scoltayon a te jbaq'uetal te ya yac'on ta lajele?

San Lucas 1:53

Te mach'atic ayic ta wi'nale, la snojesbeyix xch'ujt'ic ta lequil we'elil; yan te jc'ulejetique, jochol sc'abic la sticunix bael.

San Mateo 9:12

Te c'alal la yaiy stojol te Jesuse, jich la yal: —Te mach'atic bujts'an q'uinal ya yaiyique, ma xtuun yu'unic te jpoxtaywaneje. Ja' nax ya xtuun yu'unic jpoxtaywanej te mach'atic ayic ta chamele.

Apocalipsis 16:15

“Aiya awaiyic stojol, jich me ya xtalon te bit'il j'eleq'ue. Bin nax me yutsil te mach'a wiq'uil sit soc te slapoj sc'u' swenta yu'un ma me t'analuc ta comonsitil ya x'ilot yu'un ants-winiquetic te sbaq'uetale”, xi' te Cajwaltique.

Romanos 12:3

Te bit'il yac'ojbon quich' cat'el ta swenta yutsil yo'tan te Diose, jich yu'un ya calbeyex awaiyic ta apisilic te ma me ayuc mach'a muc' scuyoj sba. Yich'ojuc me swentail te bit'il c'oem sba ta yo'tan ya yaiye, chican te jayeb majt'anil ac'bot yu'un Dios ta swenta xch'uunjel te yo'tane.

Génesis 3:7

Jich a jambot sit xchebalic, la sna'ic stojol te bit'il t'analique. Jich yu'un la sts'isic yabenal higuera, la smac sbaq'uetalic a.

2 Pedro 1:9

Yan te mach'a ma'yuc yu'une, pajal c'oem soc jtul ma'sit, soc pajal c'oem soc te mach'a ma'yuc yip te site. Melel ch'ayix ta yo'tan te bit'il la yich' poquel te smul sleoj ta neelal toe.

San Mateo 5:3

—Bin nax me yutsil te mach'atic me'ba ya yaiy sba ta yo'tanic, te melel ja' me ya x'ochic ta banti ay ta ajwalinel te Diose.

San Lucas 6:24

“Yan te ja'ex te jc'ulejexe ¡ya me awil awocolic, melel muc'ubenix q'uinal ya awaiyic atuquelic!

Zacarías 11:5

Te mach'atic ya smanique, ma muliluc ta yo'tanic te ya smilique. Jich te mach'atic ya xchonic bael, jich me ya yalic: “Wocol la yal te Cajwaltic, jc'ulejonix”, xiic yu'un. Ni ja'uc te jcananetic yu'unic ya xna'bot yo'bolil sbaic yu'un te chijetique.

Éxodo 32:35

Te Cajwaltic la sticun tel tulan chamel ta stojol te lume, ta scaj te la xch'uunic te sloc'omba alal toro te la spasbey Aarón.

Romanos 11:25

Quermanotac, ya jc'an te ya ana'ic stojol in c'op to, te ma ac'ot ta na'el ta neelal toe. Ya me calbeyex awaiyic, swenta yu'un ma ba ya atoy abaic yu'un te ac'oplalique. Melel te sts'umbal Israele tulanuben yo'tanic ja' to teme ochic spisilic te mach'atic jyanlumetique.

Romanos 11:20

Melel nix a te la yich'ic loq'uesele, ta scaj te ma la yac' xch'uunjel yo'tanique. Yan te ja'exe, la awich'iquix ts'aquel tey a ta swenta nax xch'uunjel awo'tanic. Ma me xatoy abaic. Xiwanic me yu'un.

Jeremías 2:31

(Ja' nix jichex, te jcaj alnich'anex ayex ta q'uinal ta ora to, aiybeya awaiyic stojol sc'op te Cajwaltique.) Israel, ¿yu'un bal jochol taquin q'uinalon ta atojol? ¿Jich bal acuyojon te bit'il q'uinal te nojel nax yu'un te ijc' q'uinale? Lum cu'un, ¿bi yu'un ya awal: “Ayotic ta libre; mero ma sujt'otiquix bael ta atojol”, te xaate?

Isaías 42:19

Ma'yuc mach'a c'ax to xan ma'sit a, ni c'ax to xan cojc' a te bit'il cabat, ja' te mach'a jticuneje. Ma'yuc mach'a c'ax to xan ma'sit a, ni c'ax to xan cojc' a te bit'il te j'alwanej, te yabat te Cajwaltique.

Proverbios 30:9

Melel teme ya spas sobrail, repente ya xch'ayat ta co'tan yu'un, ya niwan cal te ma jna'bat abae. Yan teme ayon ta wi'nal, ya niwan caiy elec' yu'un; soc jich ya jbolc'optaybat te ach'ul-biile.

Apocalipsis 3:16

Ja'uc me to, samalat ya caiy. Ma sicucat soc ma q'uixinucat. Ya me jxejtayat loq'uel ta que.