Apocalipsis 3:15 - Bible in Tzeltal de Oxchuc y Tenejapa

¹⁵ Jo'on quilojbat te awat'ele. La caiyix te ma sicucate soc te ma q'uixinucate. Co'tanuc te q'uixinate o te mero sicate.

Nuevo Testamento Tzeltal de Amatenango

¹⁵ “Kiloj spisil te tut ya apase. Ya jnaꞌ te ni ma sikukat ni ma kꞌixinukat. Koꞌtanuk te sikukate o kꞌixinate.

Bible in Tzeltal Bachajón

¹⁵ Ya jna' bin yilel awa'tel, te ma sicucat soc ma q'uixinucat. ¡Ha lec te sicucat o q'uixinucat!

Apocalipsis 3:15 Referans Kwoze

Romanos 12:11

Ya sc'an te toyoluc awo'tanic, ma me xch'ajubex. Ayuc me yip awo'tanic, ac'a me abaic ta abatinel yu'un te Cajwaltique.

San Mateo 6:24

“Ma'yuc jtuluc abat te ya xju' yu'un te ya yac' sba ta abatinel yu'un te cheb yajwale. Teme jiche, ja' ya sp'aj te jtule; yan te yane, c'ux ya yaiy ta yo'tan stuquel. Jun yo'tan ta stojol te jtule; ja'uc me to, te yane ma'yuc sc'oplal ta yo'tan ya xc'ot. Ja' nanix jich te ja'exe, ma xju' awu'unic te ya awac' abaic ta abatinel yu'un Dios, teme ja' baem ta awo'tanic te ac'ulejalique.

Santiago 1:8

Melel teme xchebet te awo'tanique, jich ma'yuc bila lec te ya xju' awu'unic spasele.

1 Reyes 18:21

Te Elías noptsaj bael ta sts'eel te lume, jich la yal: —¿Jayeb xan ora jich ya x'ainex te bit'il ayexe, te cheb awo'tanique? Teme ja' mero Dios te Cajwaltic, ja' me xat'unic jiche; o teme ja' te Baal, ja' ya sc'an ya at'unic jiche —xi' te Elías. Te lume ma jp'aluc la sjac'.

Apocalipsis 2:4

Ja'uc me to, ay nax junuc te bila amulinej ta jtojole: Ja' te bit'il ma jichuquix xc'uxul awo'tan te bit'il ayat ta neelale.

San Mateo 24:12

Soc ay me tsobol ta jtul ya xch'ay xc'uxul yo'tanic, scaj te esmajix ta pasel spisil te bila amene.

Proverbios 23:26

Jnich'an, ac'a asit ta jtojol, ja' me xanopbon te bila ya jpas ya awile.

1 Pedro 1:22

Jich yu'un utstesbilix acuxlejalic ta swenta te bit'il la ach'uuniquix te smelelil c'op [ta swenta te Ch'ul Espiritue,] swenta yu'un smelelil te c'ux ya awaiy abaic soc te awermanotaque. Jich yu'un ya sc'an te talel c'axel c'ux ya awaiy abaic, ma me ayuc bila ay ta awo'tanic juju-jtulex.

Filipenses 1:9

Jich ya jc'an ta sc'oponel Dios te yacuc xtoy ta c'axem to xan te c'ux ya awaiy abaic ta awo'tanique, soc te yacuc ata bayal sp'ijil awo'tanic soc spisil te bila ay ta na'ele.

2 Corintios 12:20

Melel ya jxi' teme ma jichuc ya xc'o jtaex te bit'il ya sc'an co'tane, soc teme ma jichucon ta atojolic te bit'il ya sc'an awo'tanic uuc te ja'exe. Ya jxi' teme ay jajch'em c'op awu'unic ae, soc bic'tal-o'tanil, ilimba, xatomba, bolc'optaywanej, muquen aiyej, soc toytombail, soc teme bayal jajch'em c'op awu'unique.

San Mateo 10:37

“Ja' te mach'a c'ax jich c'ux ya yaiy ta yo'tan sme'-stat te bit'il c'ux ya yaiyone, ma snujp'in te ja' cu'un ya xc'ote. Soc te mach'a ja' c'ax c'ux ya yaiy ta yo'tan yal-snich'an te bit'il c'ux ya yaiyone, ma snujp'in te ja' cu'un ya xc'ote.

Deuteronomio 5:29

¡Bayal me yutsil teme spisil ora jich ay te yo'tanique, te yacuc yich'onic ta muc' soc te yacuc spasic spisil ora te bila ya yal te mandaliletic cu'une, swenta yu'un bin nax me yo'tanic ya x'ainic soc yal-snich'nab ta spisil ora!

Apocalipsis 3:1

Soc la yalbon: —Ts'ibubeya te ch'ul abat yu'un te jchajp jch'uunjeletic te ay ta lum Sardis: Te mach'a yic'oj juqueb Espirituetic yu'un te Diose soc te yich'oj juqueb eq'uetique, jich la yal: Jo'on quilojbat spisil te awat'ele. “Cuxul”, xi' ac'oplal, ja'uc me to, lajemat ya quil jtuquel.

Apocalipsis 2:2

Jo'on quilojbat spisil te awat'ele. Quiloj te bit'il tulan ya x'at'ejate, soc te ts'ijq'uem awu'un te awocole. Soc jna'oj stojol te ma xju' awu'un ts'iquel te mach'atic amen yo'tanique, soc la apasix ta prueba te mach'atic scuyoj sbaic ta jpuc-c'opetique, ja'uc me to, ma ja'uquic, soc ataojbeyix slotic.

2 Tesalonicenses 1:3

Quermanotac, spisil ora ya calbey wocol Dios ta awentaic yu'un te bit'il yac ta esmajel xch'uunjel awo'tanic, soc te bit'il talel c'axel c'ux ya awaiy abaic juju-jtulex soc te yantique.

Oseas 10:2

Chebajem yo'tan te Israele, ta ora yo'tic ya me stoj te smule. Te Cajwaltic ya sjinbey te scajtijib majt'aniletic yu'une, soc ya me sjinbey te tonetic yac ta xch'uunele.

1 Corintios 16:22

Teme ay mach'a ma c'uxuc ya yaiy ta yo'tan te Cajwaltic Jesucristoe, ac'a bajt'uc ta ch'ayel abi. Ya me xtalix te Cajwaltique.

Oseas 7:8

“Te Efraín la scap sba soc jyanlumetic. Te Efraín jich c'oem te bit'il taquin sit waj te ma la yich' sujt'esele.

Apocalipsis 3:16

Ja'uc me to, samalat ya caiy. Ma sicucat soc ma q'uixinucat. Ya me jxejtayat loq'uel ta que.