Apocalipsis 3:11 - Bible in Tzeltal de Oxchuc y Tenejapa

¹¹ Ya me xtalon ta ora nax. Canantaya me te bila ay awu'une, swenta yu'un ma'yuc mach'a yan ya yich'bat te acoronae.

Nuevo Testamento Tzeltal de Amatenango

¹¹ Ya xtalon ta ora. Kꞌeja te tut ay awuꞌune, yuꞌun maꞌyuk machꞌa ya yichꞌbeyat te amajtane.

Bible in Tzeltal Bachajón

¹¹ Nopol ya xtalon. Ma me xch'ay awu'un te bin ay awu'un, scuenta yu'un mayuc yan mach'a ya yich'bat te acorona.

Apocalipsis 3:11 Referans Kwoze

Santiago 1:12

Bin nax yutsil te mach'a jun yo'tan ya xts'ijc' yu'un te swocole. Yu'un teme cujch' yu'un te swocole, ya me yich' corona swenta cuxlejal, ja' bi ja' te yaloj Dios te ya yac'bey spisil te mach'atic c'ux ta yo'tanic te Diose.

Apocalipsis 22:12

“Melel nopol ya xtalon. Ya me quich'bey tel smajt'an juju-jtul chican bi yilel te bila spasoje.

Apocalipsis 2:10

Ma me xiwat yu'un te bit'il ya xc'ax bayal awocole. Melel te pucuje ya me yaq'uex ta chucjibal swenta yu'un jich me ya yilbeyex awo'tanic ta apisilic. Tey me ya xc'ax awocolic lajuneb c'aal a. Ja'uc me to, junuc me awo'tan ta jtojol, manchuc teme ya xlajat tey a. Jich me ya cac'bat acorona swenta cuxlejal.

Apocalipsis 2:25

Ja'uc me to, spisil ora ma me xawac' ch'ayuc te bila ach'uunejique, ja' to te c'alal ya xtalone.

2 Timoteo 4:8

Ta ora to, ja' xanix ya jmaliy te jcorona te bit'il toj ainon ta q'uinale te q'uejbil yu'un te Cajwaltique, te ya yac'bon te c'alal ya sta sc'aalelal te ya xcha'tal xane. Melel ja' lequil juez stuquel te toj ya xchajbanwane. Ma jo'ocon nax jtuquel te ya yac'bon jmajt'ane, melel ya yac'bey smajt'an uuc spisil mach'atic bin nax yo'tanic ta smaliyel te bi ora ya xchicnaj tele.

2 Timoteo 2:5

Ja' nanix jich te mach'a ya yaiy tajimale, ma sta smajt'an yu'un teme ma ba jich ya xtajin te bit'il ay sc'oplale.

Apocalipsis 22:20

Te mach'a ya yal ta testigo spisil in to, jich ya yal: “Melel xcal, nopol ya xtalon”, xi'. Jichuc, Cajwal Jesús, la' me ta ora.

Apocalipsis 1:3

Bin nax me yutsil te mach'a ya sc'opon in jun to, soc te mach'a ya yaiybey stojol te sc'op te j'alwaneje, soc te ya yac' ta yo'tan te bila ts'ibubile, te melel nopol te ya xc'otix ta pasel.

Apocalipsis 4:10

Te chaneb xcha'winic (24) mamaletique ya squejan sbaic ta stojol te mach'a nacal ta smuc'ul nactijib te stalel cuxul sbajt'el q'uinale. Ya scojt'es scoronaic ta stojol te muc'ul nactijibale soc jich ya yalic:

1 Corintios 9:25

Spisil te mach'a ya yac' puersa ta tsalawe, ya me scom sba ta spasel spisil te bila ya xlajinbot yip yu'une. Jich ya spasic, swenta yu'un jich me ya yich' scoronaic te ma xjalaj te yutsile. Yan te jo'otique, ja' ya quich'tic te corona te ma sna' xlaj yutsil stuquele.

Apocalipsis 3:3

Na'a me xan te bila la awaiy stojol te la ach'uune. Canantaya me, soc sujt'esa me awo'tan. Teme ma x'awic' asite, ya me xtalon ta atojol jich te bit'il ya xtal te j'eleq'ue, yu'un ma na'biluc awu'un te bi ora ya xtalone.

Apocalipsis 4:4

Ta sjoylejal te muc'ul nactijibale, la quil chaneb xcha'winic (24) nactijibaletic te tey nacalic a te chaneb xcha'winic (24) ta jtul mamaletic. Sac te sc'u'-spac' slapojique soc ay scorona ta sjolic te pasbil ta oro.

Apocalipsis 2:13

Jo'on quilojbat te awat'ele, soc ya jna' te banti nainemate soc ta banti ay smuc'ul nactijib te Satanase. Ja'uc me to, jun awo'tan awich'ojbon ta muc' te jbiile, ma ba amucojon ta awo'tan te bit'il ay xch'uunjel awo'tan cu'une, ni ja'uc te bi ora ac'ot ta lajel ta awolilic te Antipase, te jun yo'tan ta jtojol te la xch'uun milel tey a ta banti nainem te Satanase.

Apocalipsis 22:7

“Aiya awaiyic stojol, nopol ya xtalon. Bin nax me yutsil te mach'atic ya yac' ta yo'tanic te sc'op Dios te ts'ibubil jilel li' ta bay in jun to”, xi' te Jesuse.

Sofonías 1:14

Nopol ayix tel smuc'ul sc'aalelal te Cajwaltique; nopol ayix tel, animal nax me ya xtal. Muc' me ya xbulan sc'opic te c'alal ya yilbeyic sc'aalelal te Cajwaltique. Ya me xch'aub q'uinal yaiyic yu'un asta ya x'awunic te mach'atic tulanique.

Santiago 5:9

Quermanotac, ma me talel jc'axeluc ya ale abaic ta c'op, swenta yu'un ma me x'ac'botex castigo yu'un Dios. Te juez ayix ta ti'nail.

Filipenses 4:5

Ac'a me chicnajuc ta ilel xc'uxul awo'tan ta stojol spisil te mach'atic ayex ta balumilal soque. Yu'un nopol xtalix te Cajwaltique.

Apocalipsis 16:15

“Aiya awaiyic stojol, jich me ya xtalon te bit'il j'eleq'ue. Bin nax me yutsil te mach'a wiq'uil sit soc te slapoj sc'u' swenta yu'un ma me t'analuc ta comonsitil ya x'ilot yu'un ants-winiquetic te sbaq'uetale”, xi' te Cajwaltique.