Apocalipsis 3:1 - Bible in Tzeltal de Oxchuc y Tenejapa

¹ Soc la yalbon: —Ts'ibubeya te ch'ul abat yu'un te jchajp jch'uunjeletic te ay ta lum Sardis: Te mach'a yic'oj juqueb Espirituetic yu'un te Diose soc te yich'oj juqueb eq'uetique, jich la yal: Jo'on quilojbat spisil te awat'ele. “Cuxul”, xi' ac'oplal, ja'uc me to, lajemat ya quil jtuquel.

Nuevo Testamento Tzeltal de Amatenango

¹ Sok la yalbon: —Jich me xꞌatsꞌibabe xan ta sjun te ángel te ba ay te jtijkꞌ hermanoetik te aylan ta Sardise: “Ja to jich ya yal te Machꞌa yichꞌoj jukeb Espirituetik yuꞌun Dios y sok te jukeb ekꞌetike. “Kiloj spisil te tut ya apase, y kiloj te chamenate aunke ya to yalbelat te kuxulate.

Bible in Tzeltal Bachajón

¹ Ts'ihbabeya te ch'ul a'bat yu'un te iglesia ta Sardis: Hich ya yal te Mach'a yich'oj te huqueb espírituhetic yu'un Dios soc te huqueb eq'uetic: Ya jna' bin yilel awa'tel; cuxul, xchi ac'oblal, pero chamenat.

Apocalipsis 3:1 Referans Kwoze

1 Timoteo 5:6

Ja'uc me to, te me'ba ants te ja' nax baem ta yo'tan spisil te bila smulanej te sbaq'uetale, lajemix c'oem te bit'il cuxul to ta q'uinale.

Santiago 2:26

Jich bit'il ma cuxuluc abaq'uetal teme ma teyuc a te ach'ulele, ja' nanix jich lajem te xch'uunjel-o'tanil teme ma'yuc te at'elile.

Apocalipsis 1:4

Jo'on Juanon te ya jpatbeyex awo'tanic ja'ex te jucchajp jch'uunjelex te ayex ta sq'uinal Asia. Ac'a yac'beyex bayal yutsil yo'tan, soc lamaluc me q'uinal ya awaiyic yu'un te mach'a stalel aye, te ay ta namey tele, soc te mach'a talelixe, soc uuc te juqueb espirituetic te ayic ta yelaw te muc'ul nactijibale,

Colosenses 2:13

Te ja'exe lajemex yu'un te mulile soc ma ba awich'ojic circuncisión te abaq'uetalique. Ja'uc me to, Dios la yac'beyexix acuxlejalic soc Cristo te bit'il la spasbeyex perdón yu'un spisil te amulique.

Judas 1:12

Ja' nax ya sboltesbeyex ac'oplalic te bit'il sjoinejex ta spasel te q'uin swenta c'uxul-o'tanile. Melel xchinchon nax q'uinal yu'unic tey a te yacalic ta we'el-uch'ajele. Ja' nax ya sle stuquelic te bila ya xtuun yu'unique. Pajalic soc tocal te ma'yuc ya'lel, te bayuc ya x'eanot bael yu'un te iq'ue. Pajalic soc te'etic te ma xyac' sit ta yoraile, te cheb buelta lajemique, soc te bulbil loq'uel soc te yisime.

Apocalipsis 2:19

Jo'on quilojbat te awat'ele, te ay xc'uxul awo'tane, te ay xch'uunjel awo'tane, te awac'oj aba ta abatinele, soc te ts'ijq'uem awu'un te awocole, soc te c'ax jich yacatix ta at'el ta ora to te bit'il at'ejat ta neelal toe.

San Lucas 15:24

Melel in jnich'an to, lajemix la caiy, ja'uc me to, cha'cuxemix”, xi' te state. Jich och spasic te q'uine.

Apocalipsis 1:16

Ta swa'el sc'ab sloch'oj juqueb eq'uetic. Soc yac ta loq'uel puñal ta ye te xcha'jejch'el ay yee. Te sit yelawe xlememet nax xojobil jich bit'il c'aal te bayal yip ya xtile.

Efesios 2:5

Te bit'il lajemotic yu'un te mulile, jich la yac'botic jcuxlejaltic ta swenta Cristo. (Ta swenta nax yutsil yo'tan Dios te colemexe.)

San Lucas 15:32

Ja'uc me to, snujp' te ya jpastic q'uine, yu'un ay sbujts' co'tantic. Melel te awijts'ine lajemix, ja'uc me to, cha'cuxemix. Jc'axel ch'ayem ta jc'op, ja'uc me to, la jtaix”, xi' te state —xi' ta yalel te Jesuse.

Efesios 2:1

Jich te ja'exe, Dios la yac'beyex acuxlejalic te c'alal lajemex yu'un te la ac'axintayic mandal soc te la ale amulique.

Apocalipsis 2:13

Jo'on quilojbat te awat'ele, soc ya jna' te banti nainemate soc ta banti ay smuc'ul nactijib te Satanase. Ja'uc me to, jun awo'tan awich'ojbon ta muc' te jbiile, ma ba amucojon ta awo'tan te bit'il ay xch'uunjel awo'tan cu'une, ni ja'uc te bi ora ac'ot ta lajel ta awolilic te Antipase, te jun yo'tan ta jtojol te la xch'uun milel tey a ta banti nainem te Satanase.

Apocalipsis 1:20

Jich ay sc'oplal te muquen c'op te juqueb eq'uetic te ay ta swa'el jc'abe soc te jucch'ix yawil c'ajc' te pasbilic ta oroe: Te juqueb xtuchtijib eq'uetique, ja' sc'oplalic te juctul ch'ul abatetic te ayic ta bay te jucchajp jch'uunjeletique, soc te jucch'ix xtuchtijib c'ajc' te la awile, ja' sc'oplal te jucchajp jch'uunjeletique —xi' la caiy.

Apocalipsis 4:5

Ta bay te muc'ul nactijibale, loc' tel tsantsewal tey a, soc ay bila bayal yac ta bul sc'op tey a, soc ay chawuc. Soc ay juqueb c'ajq'uetic tuchajtic ta tilel ta stojol te muc'ul nactijibale, ja'ic te juqueb Espirituetic yu'un te Diose.

Apocalipsis 1:11

Jich la yal: —Jo'on Alfaon, jo'on Omegaon, ayon ta xjajch'ibal soc ayon ta slajibal. Ts'ibuya ta jun te bila ya awile, soc ticuna bael ta bay te jucchajp jch'uunjeletic te ayic ta sq'uinal Asia: Ja'ic te lum Éfeso, te lum Esmirna, te lum Pérgamo, te lum Tiatira, te lum Sardis, te lum Filadelfia, soc te lum Laodicea —xi' la caiy.

San Juan 1:33

Ma to jna'ojbey sba uuc, ja'uc me to, te mach'a la sticunon tel ta yaq'uel te ich'ja'e, ja' nix la yalbon stuquel: “Te mach'a ya awil ya xjul ainuc ta stojol te Espíritu ya xcoj tele, ja' me ya yac' ich'ja' ta swenta te Ch'ul Espiritue”, la yuton.

San Juan 1:16

Jpisiltic quich'ojbeytic te bila nojel ta yo'tane. Yanyan ta esmajel te yutsil yo'tan ta jtojoltique.

Apocalipsis 5:6

Jich la quil ta bay te muc'ul nactijibale soc ta banti ay te chancojt' bitic cuxajtic te ay ta yolilal te mamaletique. Tey cotol a te jcojt' Alalchij. Yich'oj milel yilel, te ay juqueb xulub soc juqueb sit, ja'ic te juqueb Espirituetic yu'un Dios te la yich'iquix ticunel bael ta spamal te balumilale.

1 Pedro 1:11

La snopilayic mach'a a, soc te bi ora ya xc'ot ta pasel te bila la yal te Espíritu yu'un te Cristo te sjoinejique. La yalbey sc'oplal te bila woclajel ya yaiy te Cristoe, soc te bila utsilal ya sta ta patile.

Hechos 2:33

Ic'ot moel c'alal ta swa'el sc'ab te Diose, soc ac'bot ta swenta te Ch'ul Espíritu yu'un te State. Jich la smalix ta jtojoltic te bit'il albil sc'oplale. Ja' meix te yacalex ta yilele soc te yacalex ta yaiyel stojole.

San Juan 20:22

Patil la sjujch'iy soc la yalbey: —Ic'aic te Ch'ul Espiritue.

San Juan 3:34

Melel te mach'a ticunbil yu'un te Diose, ja' ya yal te sc'op Diose, yu'un ma p'isbiluc nax Espíritu ya yac' te Diose.

Apocalipsis 2:9

Jo'on quilojbat spisil te awat'ele. Soc quiloj te bit'il ayat ta uts'inele, soc te ma'yuc bi ay awu'une. (Ja'uc me to, ay ac'ulejal.) Soc te ayat ta toybac'optayel yu'un te mach'atic scuyoj sbaic ta judioe, ja'uc me to, ma ja'uquic, melel ja' nainbil yo'tanic yu'un te Satanase.

Apocalipsis 2:2

Jo'on quilojbat spisil te awat'ele. Quiloj te bit'il tulan ya x'at'ejate, soc te ts'ijq'uem awu'un te awocole. Soc jna'oj stojol te ma xju' awu'un ts'iquel te mach'atic amen yo'tanique, soc la apasix ta prueba te mach'atic scuyoj sbaic ta jpuc-c'opetique, ja'uc me to, ma ja'uquic, soc ataojbeyix slotic.

Apocalipsis 3:2

Wic'a me asit. Ac'beya xan yip te bila cuxul to awu'une, te melel jlajelix ta jc'axel. Yu'un quiloj te ma lecuc te awat'el ta stojol te Diose.

Apocalipsis 3:8

Jo'on quilojbat spisil te awat'ele. Soc ta ora to jamojbatix ti'nail ta atojol te ma'yuc mach'a ya xju' yu'un te ya smaque. Manchuc teme jteb nax te awipe, ja'uc me to, awat'elinej spasel te bila la cale, soc ma ba amucoj ta awo'tan te jbiile.

Apocalipsis 3:15

Jo'on quilojbat te awat'ele. La caiyix te ma sicucate soc te ma q'uixinucate. Co'tanuc te q'uixinate o te mero sicate.