Apocalipsis 22:8 - Bible in Tzeltal de Oxchuc y Tenejapa

⁸ Jo'on Juanon te la caiy stojol soc te la quil ta jsit spisil in to. Te c'alal la caiy stojol soc te la quile, la jpajc'an jba ta yacan te ch'ul abate, yu'un c'an jlajin jba ta stojol.

Nuevo Testamento Tzeltal de Amatenango

⁸ Joꞌon Juanon la kil y la kaꞌiy te tutik to. Y ta patil te la kiltalan y te la kaꞌilane, la jkejan jba ta yok te ángele te la yaꞌbon kile yuꞌun ya kichꞌ ta muk.

Bible in Tzeltal Bachajón

⁸ Ho'on Juanon te la jca'iy soc te la jquil spisil ini. Laj nax ca'iybel a soc laj nax quilbel a, la jpahcan jba ta ye'tal yoc ta sch'uhuntayel te ch'ul a'bat te la ya'bon quil ini.

Apocalipsis 22:8 Referans Kwoze

Apocalipsis 19:10

La jpajc'an jba ta yacan te ch'ul abate, yu'un c'an jlajin jba ta stojol. Ja'uc me to, jich la yalbon: —Ma me xapas jich. Melel te jo'one, yabaton uuc te Diose, jich te bit'ilate soc spisil awermanotac te jun yo'tanic ta xch'uunel te testigo-c'op la yal te Jesuse. Ja' me x'alajin aba ta stojol te Diose —la yuton. Melel te testigo-c'op la yal te Jesuse, ja'ix te ya x'at'ej ta yo'tanic te mach'atic j'alwanejetic yu'un te Diose.

Apocalipsis 1:1

Jich ay te bila la yac' ta na'el Dios ta swenta te Jesucristoe, swenta yu'un jich me ya yac'bey sna' te abatetic yu'une, ja' te bila ya xc'ot ta pasel ta ora naxe. Ta swenta te ch'ul abat yu'un te Jesucristoe, la yac'bey sna' stojol te Juan te ay ta abatinel yu'une.

Apocalipsis 19:19

Soc la quil te muc'ul chambalam te xi'bantic sbae soc te muc' ajwaliletic te ayic ta balumilale soc te soldadoetic yu'unique. Spisilic stsoboj sbaic ta yaiyel guerra soc te mach'a cajal ta saquil caballo soc ta spisilic uuc te soldadoetic yu'une.

Daniel 2:46

Te muc' ajwalil Nabucodonosor la squejan sba ta stojol Daniel, la stinan coel sjol c'alal ta lum, soc la yal mandal te ya yac'beyic milbil smajt'ane, soc ya xchic'beyic pom.

Hechos 10:26

Ja'uc me to, te Pedro la yac' jajch'uc. Jich la yalbey: —Jajch'an, tejc'ana aba, melel winicon uuc jich te bit'ilate —xi'.

Apocalipsis 1:4

Jo'on Juanon te ya jpatbeyex awo'tanic ja'ex te jucchajp jch'uunjelex te ayex ta sq'uinal Asia. Ac'a yac'beyex bayal yutsil yo'tan, soc lamaluc me q'uinal ya awaiyic yu'un te mach'a stalel aye, te ay ta namey tele, soc te mach'a talelixe, soc uuc te juqueb espirituetic te ayic ta yelaw te muc'ul nactijibale,