Apocalipsis 22:7 - Bible in Tzeltal de Oxchuc y Tenejapa

⁷ “Aiya awaiyic stojol, nopol ya xtalon. Bin nax me yutsil te mach'atic ya yac' ta yo'tanic te sc'op Dios te ts'ibubil jilel li' ta bay in jun to”, xi' te Jesuse.

Nuevo Testamento Tzeltal de Amatenango

⁷ La yal te Jesuse: —Ya me xtalon ta ora. Ben tsaꞌam slekil te machꞌa ya yakꞌ ta jkuenta te skꞌoplal te tut tsꞌibabil liꞌ ba libro to —xchi.

Bible in Tzeltal Bachajón

⁷ ¡Ilawil, nopol ya xtalon! Bayel me yutsil te mach'a ya scanantay te sc'op-jalwanej te ay ta libro ini, xchi te Jesús.

Apocalipsis 22:7 Referans Kwoze

Apocalipsis 3:11

Ya me xtalon ta ora nax. Canantaya me te bila ay awu'une, swenta yu'un ma'yuc mach'a yan ya yich'bat te acoronae.

Apocalipsis 1:3

Bin nax me yutsil te mach'a ya sc'opon in jun to, soc te mach'a ya yaiybey stojol te sc'op te j'alwaneje, soc te ya yac' ta yo'tan te bila ts'ibubile, te melel nopol te ya xc'otix ta pasel.

Apocalipsis 22:20

Te mach'a ya yal ta testigo spisil in to, jich ya yal: “Melel xcal, nopol ya xtalon”, xi'. Jichuc, Cajwal Jesús, la' me ta ora.

Apocalipsis 22:12

“Melel nopol ya xtalon. Ya me quich'bey tel smajt'an juju-jtul chican bi yilel te bila spasoje.

Apocalipsis 16:15

“Aiya awaiyic stojol, jich me ya xtalon te bit'il j'eleq'ue. Bin nax me yutsil te mach'a wiq'uil sit soc te slapoj sc'u' swenta yu'un ma me t'analuc ta comonsitil ya x'ilot yu'un ants-winiquetic te sbaq'uetale”, xi' te Cajwaltique.

Apocalipsis 1:11

Jich la yal: —Jo'on Alfaon, jo'on Omegaon, ayon ta xjajch'ibal soc ayon ta slajibal. Ts'ibuya ta jun te bila ya awile, soc ticuna bael ta bay te jucchajp jch'uunjeletic te ayic ta sq'uinal Asia: Ja'ic te lum Éfeso, te lum Esmirna, te lum Pérgamo, te lum Tiatira, te lum Sardis, te lum Filadelfia, soc te lum Laodicea —xi' la caiy.

Apocalipsis 2:16

Jich yu'un sujt'esa me awo'tan. Yan teme ma xasujt'es awo'tane, ya me xtalon ta atojol ta ora nax. Ya me jcontroin soc te puñal te ya xloc' ta quee.

Apocalipsis 3:3

Na'a me xan te bila la awaiy stojol te la ach'uune. Canantaya me, soc sujt'esa me awo'tan. Teme ma x'awic' asite, ya me xtalon ta atojol jich te bit'il ya xtal te j'eleq'ue, yu'un ma na'biluc awu'un te bi ora ya xtalone.

Apocalipsis 22:18

Tulan sc'oplal ya calbey ta jamal spisil te mach'atic ya yaiyic stojol te sc'op Dios ts'ibubil li' ta bay in jun to: Teme ay mach'a ya yac'bey sjoy in c'op to, ya me x'ac'bot yich' te jaycum castigo yu'un Dios te ts'ibubil sc'oplal ta bay in jun to.

Apocalipsis 22:19

Soc teme ay mach'a ya yac' ch'ayuc jtebuc te bila ts'ibubil li' ta bay in jun to, Dios me ya xtup'bot sbiil yu'un ta bay lista yu'un te cuxinele, soc ma x'ac'ot ainuc tey a ta bay te ch'ul muc'ul lume te ts'ibubilix sc'oplal ta bay in jun to.

Apocalipsis 22:21

Ac'a yac'beyex bayal te yutsil yo'tan te Cajwaltic Jesucristo ta apisilic. Jichuc.