Apocalipsis 22:5 - Bible in Tzeltal de Oxchuc y Tenejapa

⁵ Ma'yuquix ajc'ubal tey a. Ma xtuunix yu'unic te xojobil c'ajq'ue soc te xojobil c'aale, melel ja' sacuben q'uinal ta stojolic yu'un te Cajwaltic Diose. Sbajt'el q'uinal ya sjoinic ta ajwalinel te Diose.

Nuevo Testamento Tzeltal de Amatenango

⁵ Maꞌyukix ajkꞌubal teꞌ aye y te machꞌatik te kuxajtik aye ma puersaukix yuꞌun slusil te lamparae ni te skeaw kꞌajkꞌale. Porke jaꞌ ya yakꞌ sakil kꞌinal te Kajwaltik Diose, sok sbajtel kꞌinal ayik ta ajwalil.

Bible in Tzeltal Bachajón

⁵ Mayuquix ahc'abal; ma xtuhun yu'unic tsumbil c'ahc' o te sc'ahc'alel te c'ahc'al, como te Cajwaltic Dios ya me sacubtes q'uinal ta stojolic, soc ya me ya'iyic cuentahinwanej ta sbahtel q'uinal.

Apocalipsis 22:5 Referans Kwoze

Apocalipsis 20:4

Soc la quil te ay muc'ul nactijibaletique. Te mach'atic nacalic tey ae, yich'oj yat'elic ta chajbanwanej. Soc la quilbey xch'ulelic te mach'atic la yich'ic coq'uel sjolic ta scaj te la yalic ta jamal ta testigo-c'op te Jesuse, soc ma'yuc banti la slajin sbaic ta stojol te muc'ul chambalam te xi'bantic sbae soc ta stojol te sloc'ombae, soc ma la xch'uunic yich'el smarca ta stibaic o ta sc'abic. La quil cha'cuxic spisilic soc la quil te sjoinejic ta ajwalil jmil (1,000) ja'wil te Cristoe.

Daniel 7:18

Pero ta patil, te mandalteswanej yu'unique, ya me yich' ac'beyel ta swenta te lum yu'un Dios mero toyole, ja' me ya yu'uninic sbajt'el q'uinal stuquel’, xi'.

Daniel 7:27

Te mandalteswanej, te yip soc te yutsilal ta spisil te jmandalteswanejetic ta balumilale, ya me yich' ac'beyel te lum yu'un Dios te mero toyole. Sbajt'el me q'uinal te mandalteswanej yu'une, ta spisil te lumetic ta balumilal ya me yac' sbaic ta abatinel yu'un, soc ya me xch'uunbeyic smandal’, xi'.

Romanos 5:17

Teme ta swenta nax jtul winic te la xc'axintay mandal la yu'unin spisil ants-winiquetic te lajele, ja' nix jich c'axem to xan ya me yich'ic xcuxlejalic spisil te mach'atic ayic ta c'uxtayel yu'un Dios ta swenta jtul Winic, ja' te Jesucristoe. Soc majt'anil ya x'ac'otic ta libre yu'un te smulique.

Salmos 36:9

melel te ja'ate ay ta awenta jichuc sloq'uibja' te cuxlejale. Ta swenta axojobil ya xtojobon.

Apocalipsis 11:15

Te sjuquebal ch'ul abat la yoq'uesin te oq'uese. Ay mach'atic tulan c'opojic ta ch'ulchan la caiy te jich la yalique: “Spisil te muc' ajwaliletic ta balumilal soc te bila ay ta swentaique, ayix ta swenta stuquel te Cajwaltique soc te Cristo yu'une. Ja' me ay ta ajwalinel sbajt'el q'uinal stuquel”, xiic la caiy.

Apocalipsis 3:21

Te mach'atic ya xju' yu'unic tsalawe, ya me sjoinon ta naclej ta banti te muc'ul nactijibal cu'une, jich nix te bit'il caiyoj tsalaw te jo'one soc te joinejix ta naclej ta bay smuc'ul nactijib te Jtate.

2 Timoteo 2:12

Teme ts'ijc' cu'untic te jwocoltique, ya me join jbatic ta ajwalil soc. Teme la jmuc ta co'tantique, ya me smucotic ta yo'tan uuc.

San Mateo 25:34

“Jich yu'un te muc' ajwalile ya me yalbey te mach'a ayic ta swa'el sc'abe: “La'ic te ja'exe te bin nax awutsilic ta stojol te Jtate. Ochanic, u'uninaic te utsilal te chajbanbil ta awentaic ta xjajch'ibal to tel balumilal.

Salmos 84:11

Melel te Diose, te Cajwaltique, ya yac'otic ta saquil q'uinal, soc ja' jmajq'uiltic stuquel. Te Cajwaltic c'ux ta yo'tan ya yaiy te mach'atic toj bitic ya spasic ta q'uinale, soc ya yich' ta wenta stuquel. Ma me ayuc bila ma x'ac'botic, melel spisil te bitic leque ya me x'ac'botic stuquelic.

Apocalipsis 18:23

Soc ma xchicnaj xan xojobil c'ajc' ta atojol, soc ma'yuc bi ora xch'inch'on nax q'uinal yu'un spasel q'uin swenta nujbinel ta atojol. Melel te jp'olmaletic awu'une, buen ich'bilic ta muc' ta neelal ta balumilal. Soc la alo'lay spisil nacionetic a ta swenta te j'ac'chameletic awu'une”, xi' te ch'ul abate.

San Mateo 25:46

“Jich me ya xbajt'ic ta castigo sbajt'el q'uinal. Yan te mach'atic lec yat'elique ya me xbajt'ic ta cuxinel sbajt'el q'uinal stuquelic —xi' te Jesuse.

Isaías 24:23

Te Cajwaltic te Spisil ya xju' yu'une, ya me x'at'ej jichuc muc' ajwalil ta wits Sión, ta Jerusalén; te c'aal soc te u ya me xch'ay xojobilic, te jtsobwanejetic yu'un te lume, ya me yilbeyic yutsil xojobil te Cajwaltique.

Isaías 30:26

Te Cajwaltic ya xpoxtay soc ya spotsbey yejch'en te lum yu'une. Te u jich me ya yac' xojobil bit'il te c'aale. Te xojobil te c'aale juqueb xan buelta ya xtoy yip te xojobile, jich bit'il xojobil juqueb c'aaletic te jun nax ayique.

Zacarías 14:7

Ma'yuc yan c'aal te pajal soque, ja' nax sna'oj Dios te bi ora ya xc'ote. Ma ba ya xchicnajix c'aaleltic, soc ma ba ya xchicnajix ajc'ubal, melel manchuc me ajc'ubaluc, pero puersa me ay saquil q'uinal tey a.

San Mateo 19:28

Te Jesús jich la yalbey yaiyic: —Jamal ya calbeyex, te bi ora ya yich' pasel ta yach'il spisil te bitic aye, te c'alal ya snajc'an sba ta bay yutsil smuc'ul nactijib te Nich'anile, ja'ex uuc te ajoinejique ya me x'ac'botex anactijibinic lajchayeb muc'ul nactijibaletic, yu'un ya me awaiyic chajbanwanej ta stojol te lajchaychajp israeletique.

Apocalipsis 20:6

Bin nax me yutsil te mach'atic cha'cuxic ta sbabial buelta cha'cuxele, soc ja'ic te ch'ul lum yu'un Dios stuquelique. Te xchebal buelta lajele ma'yuquix yip ta stojolic. Sacerdoteetic yu'un Dios soc te Cristoe, soc ya me sjoinic ta ajwalil jmil (1,000) ja'wil te Cristoe.

Apocalipsis 21:11

Te muc'ul lum, xlemet nax yutsil xojobil tey a te Diose. Te xojobile pajal yilel soc te bit'il xlemet nax t'ujbil saquil ton te jaspe sbiile, te ya xc'ax jsitic ta yilel q'uinal a jich bit'il te cristale.